ପ୍ରମୂଖ ଖବର
  • ବୌଦ୍ଧ : ରାଜ୍ୟ ବାହାରକୁ ଚାଲାଣ ପାଇଁ ଚାଲିଥିଲା ପ୍ରସ୍ତୁତି, ଚଢାଉ କରି ବିପୁଳ ପରିମାଣର ଗଞ୍ଜେଇ ଜବତ କଲା ପୋଲିସ
  • ||
  • ୧୩ରେ ବିଧାନସଭା ବଜେଟ୍‌ ଅଧିବେଶନ: ରାଜ୍ୟପାଳଙ୍କୁ ଭେଟିଲେ ମୁଖ୍ୟମନ୍ତ୍ରୀ, ବସିଲା ସର୍ବଦଳୀୟ ବୈଠକ
  • ||
  • କାଠଯୋଡ଼ି ନଦୀରୁ ନିଖୋଜ ଛାତ୍ରଙ୍କ ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଅନୁଗୁଳ : ସାମାନ୍ୟ ବଚସାକୁ ନେଇ ଗୁଳିମାଡ଼, ନାବାଳକ ଆହତ
  • ||
  • ନୟାଗଡ଼ : ଦୋକାନକୁ ପିଟିଲା କାର୍: ୨ମୃତ, ଡ୍ରାଇଭର୍‌ ଫେରାର୍‌
  • ||
  • ଭୀମ୍‌ସାରରେ ରାଗିଂ ଅଭିଯୋଗ, ଦ୍ୱିତୀୟ ବର୍ଷର ଛାତ୍ରଙ୍କୁ ମାଡ଼ ମାରିଲେ ସିନିୟର୍
  • ||
  • ଭୁବନେଶ୍ୱର : ସୋନପୁର ଇଣ୍ଟରସିଟି ଏକ୍ସପ୍ରେସ୍‌ରେ ଅଗ୍ନିକାଣ୍ଡ, ଅଧଘଣ୍ଟା ଅଟକିଲା ଟ୍ରେନ୍‌
  • ||
  • କୋଣାର୍କରେ ମର୍ମନ୍ତୁଦ ସଡକ ଦୁର୍ଘଟଣା, ଚାଲିଗଲା ୩ ଯୁବକଙ୍କ ଜୀବନ
  • ||

କ୍ରିକେଟ ଟିମ୍‌ର ପୂର୍ବତନ କୋଚ୍‌ଙ୍କ ଘରୁ ନଗଦ ୧ କୋଟି ଟଙ୍କା ଜବତ କଲା ପୋଲିସ, ପୂର୍ବରୁ ଲାଗିସାରିଛି ମ୍ୟାଚ୍‌ ଫିକ୍ସିଂ ଅଭିଯୋଗ

Published By : Tapas Panda | March 4, 2024 10:17 PM

ନୂଆଦିଲ୍ଲୀ: ଭାରତୀୟ କ୍ରିକେଟ ଜଗତ ସହ ଜଡ଼ିତ ଏକ ବଡ଼ ଖବର ସାମ୍ନାକୁ ଆସିଛି । ଭାରତୀୟ ମହିଳା କ୍ରିକେଟ ଟିମ୍‌ର ପୂର୍ବତନ କୋଚ୍‌ ତୁଷାର ଅରୋଠେଙ୍କ ଅଡ଼ୁଆ ବଢ଼ିବାରେ ଲାଗିଛି । ଭଦୋଦରା ପୋଲିସର ଏକ ସ୍ବତନ୍ତ୍ର ଅପରେସନ୍‌ ଟିମ୍‌ ତୁଷାର ଅରୋଠେଙ୍କ ଘରେ ଚଢ଼ାଉ କରିଛି । ଏନେଇ ପୋଲସି ସାମ୍ବାଦିକ ସମ୍ମିଳନୀରେ ସୂଚନା ଦେଇଛି । ତୁଷାର ଅରୋଠା ଭଦୋଦରା ଲାଗି ଘରୋଇ ମ୍ୟାଚ୍‌ ଖେଳିଥିବା ବେଳେ ମ୍ୟାଚ୍‌ ଫିକ୍ସିଂ ନେଇ ତାଙ୍କ ଉପରେ ମଧ୍ୟ ଅଭିଯୋଗ ରହିଛି ।  

ଭାରତୀୟ ମହିଳା କ୍ରିକେଟ ଟିମ୍‌ର ପୂର୍ବତନ ପ୍ରଶିକ୍ଷକ ତୁଷାର ଅରୋଠେଙ୍କ ବିରୁଦ୍ଧରେ ଭଦୋଦରା ପୋଲିସ ମାମଲା ରୁଜୁ କରିଛି । ତୁଷାରଙ୍କ ଘରୁ ପୋଲସି ନଗଦ ଏକ କୋଟି ଟଙ୍କା ମଧ୍ୟ ଜବତ କରିଛି । ତୁଷାର ଅରୋଠେଙ୍କ ଘରେ ବହୁ ମାତ୍ରାରେ ନଗଦ ଟଙ୍କା ଗଚ୍ଛିତ ରହିଛି ବୋଲି ପୋଲିସକୁ ସୂଚନା ମିଳିଥିଲା । ପରେ ପୋଲିସ ଟିମ ତାଙ୍କ ଘରେ ଚଢ଼ାଉ କରିଥିଲା । ଏହି ସମୟରେ ତାଙ୍କର ପ୍ରତାପଗଞ୍ଜସ୍ଥିତ ଘରୁ ବ୍ୟାଗରେ ଭର୍ତ୍ତି ହୋଇଥିବା ଏକ କୋଟି ଟଙ୍କା ପୋଲସ ହାତରେ ଲାଗିଛି । ଆଉ ଏହି ଟଙ୍କା ତାଙ୍କ ପୁଅ ଋଷିଙ୍କ ଆପାର୍ଟମେଣ୍ଟରୁ ଆସିଥିଲା ବୋଲି ପୋଲିସ କହିଛି । 

ସେପଟେ ଏନେଇ ପଚାରିବାରୁ ତୁଷାର କୌଣସି ସନ୍ତୋଷଜନକ ଉତ୍ତର ଦେଇପାରି ନାହାନ୍ତି । ଏବେ ତୁଷାର କୋର୍ଟରେ ହାଜର ହୋଇ ଏତେ ଟଙ୍କା କେଉଁଠୁ ଆସିଲା ସେନେଇ କହିବେ । ଏବେ ତୁଷାର କିମ୍ବା ତାଙ୍କ ପୁଅଙ୍କୁ ପୋଲିସ ଗିରଫ କରିନାହିଁ । ଏହା ପୂର୍ବରୁ ୨୦୧୯ରେ ଆଇପିଏଲ ମ୍ୟାଚ୍‌ ଫିକ୍ସିଂ ମାମଲାରେ ତୁଷାର ଅରୋଠେ ଗିରଫ ହୋଇଥିଲେ । 

ଏପ୍ରିଲ ୨୦୧୯ରେ ଭଦୋଦରା କ୍ରାଇମବ୍ରାଞ୍ଚ ତୁଷାରଙ୍କ ସେମତ ୧୯ ଜଣଙ୍କୁ ଗିରଫ କରିଥିଲା । ତୁଷାର ଅରୋଠେ ମହିଳା କ୍ରିକେଟ ଟିମ୍‌ର ମୁଖ୍ୟ କୋଚ୍‌ ଥିଲେ । ତାଙ୍କର ୨ ବର୍ଷ କାର୍ଯ୍ୟକାଳ ବିସ୍ତାର ହୋଇଥିଲେ ହେଁ ସେ ୨୦୧୮ରେ ଇସ୍ତଫା ଦେଇଥିଲେ ।  ସେ ୨୦୦୮ରୁ ୨୦୧୨ ମଧ୍ୟରେ କୋଚିଂ ଷ୍ଟାଫରେ ମଧ୍ୟ ସାମିଲ ଥିଲେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.