ଗୁଣପୁର, ୨୧।୭: ରାୟଗଡ଼ା ଜିଲ୍ଲାରେ ୪ଟି ଚୋରି ବାଇକ ଜବତ କରିଛି ଗୁଣପୁର ପୋଲିସ୍ । ବାଇକ ଚୋରି ଘଟଣାରେ ୨ ନାବାଳକ ସହ ଜଣେ ଯୁବକକୁ ଗିରଫ ହୋଇଥିବା ସୂଚନା । ଗିରଫ ଯୁବକ ଜଣକ ଗୁଣପୁର ଆମ୍ବେଦକର କଲୋନୀର ୨୬ ବର୍ଷୀୟ କୁନାଲ ମିଶାଲ ବୋଲି ପୋଲିସ ସୂଚନା ଦେଇଛି ।
୪ଟି ବାଇକ ମଧ୍ୟରୁ ଗୋଟିଏ ବାଇକ ବିଶାଖାପାଟଣାର ହୋଇଥିବା ବେଳେ ଆଉ ଗୋଟିଏ ବାଇକ ଗଜପତି ଅଞ୍ଚଳର ବୋଲି ଜଣାପଡ଼ିଛି । ଅନ୍ୟ ଦୁଇଟି ବାଇକ ଗୁଣପୁର ଅଞ୍ଚଳର ବୋଲି ସାମ୍ବାଦିକ ସମ୍ମୀଳନୀରେ ଏସଡିପିଓ ବାବୁଲି ନାୟକ ସୂଚନା ଦେଇଛନ୍ତି ।