ବେଙ୍ଗାଲୁରୁ,୨୩/୦୭: କର୍ଣ୍ଣାଟକ ସେକ୍ସ ସ୍କାଣ୍ଡାଲ ମାମଲାରେ ସୋମବାର ମୁଖ୍ୟ ଅଭିଯୁକ୍ତ ପ୍ରଜ୍ୱଳ ରେବନ୍ନାଙ୍କ ଭାଇ ତଥା ଜେଡିଏସ୍ ନେତା ସୁରଜ ରେବନ୍ନାଙ୍କୁ ଜାମିନ ମିଳିଛି । ରାଜ୍ୟର ଜନପ୍ରତିନିଧି ଅଦାଲତ ସୋମବାର ସୁରଜଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି । ସର୍ତ୍ତସ୍ୱରୂପ ତାଙ୍କୁ ନିଜ ପାସ୍ପୋର୍ଟ ଦାଖଲ କରିବାକୁ ହେବ ଏବଂ ନିର୍ଦ୍ଦେଶ ମିଳିବା କ୍ଷଣି ତଦନ୍ତକାରୀ ଅଧିକାରୀଙ୍କ ସମ୍ମୁଖରେ ହାଜର ହେବାକୁ ପଡ଼ିବ । ବିନା ଅନୁମତିରେ ରାଜ୍ୟ ବାହାରକୁ ସେ ଯାଇପାରିବେ ନାହିଁ । ଜଣେ ଦଳୀୟ ନେତାଙ୍କୁ ଯୌନ ଉତ୍ପୀଡ଼ନ ଦେବା ଅଭିଯୋଗରେ ତାଙ୍କୁ ଜୁନ୍ ୨୩ରେ ହାସନ ପୁଲିସ ଗିରଫ କରିଥିଲା । ଧାରା ୩୭୭ରେ ଜୁନ୍ ୨୨ରେ ତାଙ୍କ ବିରୋଧରେ ହୋଲେନାରାସିପୁରା ଥାନାରେ ଏଫ୍ଆଇଆର୍ ହୋଇଥିଲା । ଜଣେ ୨୭ ବର୍ଷୀୟ ପୁରୁଷ ଜେଡିଏସ୍ କର୍ମୀଙ୍କ ଦ୍ୱାରା ଏହି ଏଫ୍ଆଇଆର୍ କରାଯାଇଥିଲା ।
![Donlad Trump](https://odia.prameya.com/prameya/document/post/2/2_153_1725636838243.webp)
‘ଟିକଟକ୍କୁ ରକ୍ଷା କରିବାକୁ ଚାହୁଁଥିଲେ ମୋତେ ଜିତାନ...