ନୂଆଦିଲ୍ଲୀ,୨୧।୩: ଗାଜାରେ ଥମୁନି ଇସ୍ରାଏଲର ଆକ୍ରମଣ। ଆଇଡିଏଫ୍ର ସାମରିକ ଅଭିଯାନରେ ଘଟିଛି ପ୍ରବଳ କ୍ଷୟକ୍ଷତି। ଗତ ତିନି ଦିଗରେ ଇସ୍ରାଏଲର ସ୍ଥଳ ଓ ଆକାଶ ମାର୍ଗରୁ ହୋଇଥିବା ହମଲାରେ ଯାଇସାରିଲାଣି ୬୦୦ ଜୀବନ। ଯେଉଁଥିରେ ରହିଛନ୍ତି ୨୦୦ରୁ ଅଧିକ ଶିଶୁ। ହମାସ ଆତଙ୍କୀଙ୍କୁ ଶେଷ କରିବାର ପ୍ରତିଜ୍ଞା ନେଇ ସ୍ଥଳଠାରୁ ନେଇ ଆକାଶମାର୍ଗ ପର୍ଯ୍ୟନ୍ତ କରୁଛି ହମଲା। ଆଇଡିଏଫ୍ର କହିବା ଅନୁସାରେ, ଦକ୍ଷିଣ ଗାଜାର ରାଫା ଓ ବେତ ଲୋହିୟା ସହର ଆଡକୁ ସୈନିକମାନେ ବଢିବାରେ ଲାଗିଛନ୍ତି।
ଗତ ୧୫ ମାସ ମଧ୍ୟରେ ସବୁଠାରୁ ଭୟଙ୍କର ଆକ୍ରମଣ ମଧ୍ୟରୁ ଏହା ଅନ୍ୟତମ। ଇସ୍ରାଏଲ ସେନା କହୁଛି ଆମେ କେବଳ ହମାସର ଆଡ୍ଡାକୁ ଟାର୍ଗେଟ କରି ଆକ୍ରମଣ କରୁଛୁ। ତେବେ ସ୍ଥାନୀୟ ଲୋକ କହୁଛନ୍ତି, ଆକ୍ରମଣରେ ସାଧାରଣ ନାଗରିକ ହିଁ ଅଧିକ ସଂଖ୍ୟାରେ ମରୁଛନ୍ତି। ସେପେଟ ହମାସ ଏହି ଆକ୍ରମଣକୁ ଅସ୍ତ୍ରବିରତୀ ଉଲଂଘନ ବୋଲି କହିଛି। ଏହା ସହ ଚେତାବନୀ ଦେଇ କହିଛି , ଗାଜରେ ଥିବା ଇସ୍ରାଏଲୀ ପଣବନ୍ଦୀଙ୍କ ପାଇଁ ହୋଇପାରେ ଅଡୁଆ।
୫୭ ଦିନର ଶାନ୍ତି ପରେ ମଙ୍ଗଳବାର ସକାଳେ ଇସ୍ରାଏଲୀ ବିମାନ ଆକ୍ରମଣରେ ଥରି ଉଠିଥିଲା ସମଗ୍ର ଗାଜା ଷ୍ଟ୍ରିପ । ପ୍ରଥମ ଦିନରେ ୪୦୦ରୁ ଅଧିକ ପାଲେଷ୍ଟାନୀଙ୍କ ହୋଇଥିଲା ମୃତ୍ୟୁ ହୋଇଥିଲା। ଗାଜାର ଅଲ୍ ଅହଲି ହସ୍ପିଟାଲରେ ପଡି ରହିଛି ଶତାଧିକ ମୃତଦେହ। ୪୨ ଦିନର ପ୍ରଥମ ପର୍ଯ୍ୟାୟ ପରେ ଇସ୍ରାଏଲ ଅସ୍ତ୍ରବିରତି ଚୁକ୍ତିନାମାର ଦ୍ୱିତୀୟ ପର୍ଯ୍ୟାୟର ସର୍ତ୍ତାବଳୀ ଗ୍ରହଣ କରିବାକୁ ମନା କରିଦେଇଥିଲା। ଏହା ପରେ, ପୁଣି ଥରେ ଯୁଦ୍ଧବିରତି ସମ୍ପର୍କରେ ଆଲୋଚନା ଆରମ୍ଭ ହୋଇଥିଲା। ତେବେ ଇସ୍ରାଏଲୀ ବନ୍ଧକମାନଙ୍କୁ ମୁକ୍ତ କରିବାକୁ ହମାସ ବାରମ୍ବାର ମନା କରିଥିଲା। ଯାହାଫଳରେ ବିଫଳ ହୋଇଥିଲା ଶାନ୍ତି ଆଲୋଚନା। ଶେଷରେ ଏୟାରଷ୍ଟ୍ରାଇକ୍ କରିବା ନେଇ ନିଷ୍ପତ୍ତି ନେଇଥିଲା ଇସ୍ରାଏଲ।
