ମୁମ୍ୱାଇ : ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା-୨ ବକ୍ସ ଅଫିସରେ ସଫଳତାର ବାନା ଉଡ଼ାଇଛି। ଏହି ଫିଲ୍ମ କେବଳ ସାଉଥ୍ରେ ନୁହେଁ ହିନ୍ଦୀ ବେଲ୍ଟରେ ମଧ୍ୟ ଖୁବ୍ ଆୟ କରିଛନ୍ତି। ଅନ୍ୟପଟେ ଅଲ୍ଲୁ ଅର୍ଜୁନଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସୁଛି। 'ଯବାନ' ଫିଲ୍ମର ଡାଇରେକ୍ଟର ଏଟଲି ଏବେ ଅଲ୍ଲୁ ଅର୍ଜୁନଙ୍କ ସହ ମିଶି ଏକ ମେଗା ବଜେଟ୍ ପ୍ୟାରେଲଲ ୟୁନିଭର୍ସ ଫିଲ୍ମ ଏ-୬ ତିଆରି କରୁଛନ୍ତି ଏବଂ ଏଥିପାଇଁ ପ୍ରସ୍ତତି କାମ ଜୋରସୋରରେ ଚାଲିଛି। ଆପଣ କଣ ଜାଣନ୍ତି ଯେ, ଏହି ଫିଲ୍ମ ପାଇଁ ଅଲ୍ଲୁ ମୋଟା ରକମ ପାଇଛନ୍ତି ଏବଂ ଏହା ସହ ହିଁ ସେ ଭାରତର ସବୁଠୁ ଅଧିକ ଆୟ କରୁଥିବା ଅଭିନେତା ହୋଇ ଯିବେ। ଆସନ୍ତୁ ଏବେ ଜାଣିବା କେତେ ଅଛି ଅଲ୍ଲୁଙ୍କ ପାରିଶ୍ରମକ ?
ପିଙ୍କଭିଲାର ରିପୋର୍ଟ ଅନୁସାରେ , ଅଲ୍ଲୁ ଅର୍ଜୁନ ନିଜର ଆଗାମୀ ଫିଲ୍ମ ଡାଇରେକ୍ଟର ଏଟଲୀଙ୍କ ସହ କରିବାକୁ ଯାଉଛନ୍ତି। ଅଲ୍ଲୁ ଅର୍ଜୁନ ନିର୍ମାତା ସନ ଫିକଚର୍ସ ସହ ୧୭୫ କୋଟି ଟଙ୍କାର ଡିଲ୍ ସାଇନ୍ କରିଛନ୍ତି , ଏହାସହ ୧୫ ପ୍ରତିଶତ ପ୍ରଫିଟ୍ ସେୟାରର ବ୍ୟାକଏଣ୍ଡ ଡିଲ୍ ମଧ୍ୟ କରାଯାଇଛି। ଏହା ଏବେ ସୁଦ୍ଧା କୌଣସି ଅଭିନେତାଙ୍କ ଦ୍ୱାରା କରାଯାଇ ଥିବା ସବୁଠୁ ବଡ଼ ଫ୍ରଣ୍ଟ-ଏଣ୍ଡ ଡିଲ୍ ଏବଂ ଅଲ୍ଲୁ ଅଗଷ୍ଟ ୨୦୨୫ରୁ ଏଟଲୀ ଓ ସନ୍ ପିକଚର୍ସ ପାଇଁ ତାରିଖ ମଧ୍ୟ ବୁକ୍ କରି ଦେଇଛନ୍ତି।
ପ୍ରି-ପ୍ରଡକ୍ସନରେ ଲାଗୁ ଥିବା ସମୟର ଆଧାରରେ , ଅଗଷ୍ଟରୁ ଅକ୍ଟୋବର ମଧ୍ୟରେ ଫିଲ୍ମକୁ ଆରମ୍ଭ କରିବାର ବିଚାର ରହିଛି। ଏ-୬କୁ ଭିଏଫଏକ୍ସ ଆଧାରିତ ଏକ ଲେବଲରେ ତିଆରି କରାଯିବାର କଥାବାର୍ତ୍ତା ଚାଲିଛି। କହି ରଖୁଛି କି, ସଲମାନ ଖାନଙ୍କ ବର୍ତ୍ତମାନର ପାରିଶ୍ରମିକ ୧୦୦କୋଟି ଟଙ୍କା ରହିଛି। ଫିଲ୍ମର ସୁଟିଂ ୨୦୨୫ର ସେକେଣ୍ଡ ହାଫ୍ରେ ଆରମ୍ଭ ହେବାର ଆଶା ରହିଛି।
ଉଲ୍ଲେଖନୀୟ ଯେ, ଅଲ୍ଲୁ ଅର୍ଜୁନଙ୍କର ଫିଲ୍ମ ପୁଷ୍ପା-୨ ବକ୍ସ ଅଫିସରେ ଧମାକା ସୃଷ୍ଟି କରିଛି। ଏହି ଫିଲ୍ମ ଭାରତୀୟ ଫିଲ୍ମ ପାଇଁ ଏକ ନୂଆ ବେଞ୍ଚମାର୍କ ସ୍ଥାପିତ କରି ଦେଇଛି। ସୁକୁମାରଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମ ଭାରତରେ ନିଜର ପ୍ରଥମ ଦିନ ୧୭୫.୧ କୋଟିର ଆକର୍ଷଣୀୟ ଆୟ କରିଛି। ଫିଲ୍ମରେ ପୁଣି ଥରେ ଅଲ୍ଲୁ ଓ ରଶ୍ମିକା ମନ୍ଦାନାଙ୍କର ଯୋଡ଼ି ସମସ୍ତଙ୍କର ହୃଦୟ ଜିତିଛନ୍ତି।
