ନୂଆଦିଲ୍ଲୀ,୨୨/୦୩ : ଦିନେ ସେହି ଦଳରେ ଥିଲେ । ହେଲେ ଆଜି ଦଳର ମୁଖିଆଙ୍କୁ ଏମିତି କିଛି କହି ଦେଇଛନ୍ତି ତାକୁ ନେଇ ଚର୍ଚ୍ଚା । ପୂର୍ବତନ କଂଗ୍ରେସ ଓ ବର୍ତ୍ତମାନ ବିଜେପିର ପ୍ରବକ୍ତା ଗୌରବ ବଲ୍ଲଭ ଏକ ପୋଡକାଷ୍ଟରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନଙ୍କ ଉପରେ ପ୍ରଶ୍ନ ଉଠାଇଛନ୍ତି । ଦେଶର ସର୍ବ ପୁରାତନ ଦଳ ଚାଟୁକାରିତା ବଶବର୍ତ୍ତୀ ହୋଇଛି । ଜଣ କଂଗ୍ରେସ ଜଣେ ନେତାଙ୍କୁ ୨ ଥର ରାଜ୍ୟସଭା ଯିବାକୁ ସୁଯୋଗ ଦିଆଯାଇଛି । କାରଣ ମଲ୍ଲିକାର୍ଜୁନ ଖଡଗେଙ୍କୁ ମଟନ ଖାଇବା ବହୁତ ପସନ୍ଦ । ତାଙ୍କୁ ଯିଏ ମଟନ ଦେଉଛି ସେ ତାଙ୍କୁ ଏହି ସୁଯୋଗ ଦେଇଛନ୍ତି । କାହାର ନାମ ନ ନେଇ ଏମିତି କିଛି ଅଜବ ଦାବି କରିଛନ୍ତି ପୂର୍ବତନ କଂଗ୍ରେସ ନେତା ।
ବିଜେପି ପ୍ରବକ୍ତା ଗୌରବ ବଲ୍ଲଭ ଦାବି କରିଛନ୍ତି କି, କଂଗ୍ରେସ ଦଳ ଜଣେ ନେତାଙ୍କୁ ଦୁଇଥର ରାଜ୍ୟସଭା ପଠାଇବାକୁ ସୁଯୋଗ ଦେଇଛି । ଯାହାର କାରଣ ମୁଁ ଜାଣିଛି । ମଲ୍ଲିକାର୍ଜୁନ ଖଡଗେଙ୍କୁ ମାଂସ ଖାଇବା ବହୁତ ପସନ୍ଦ । ବିଶେଷ କରି ଗୋଟିଏ ଦୋକନର ମଟନ ତାଙ୍କୁ ସବୁଠୁ ବେଶୀ ଭଲ ଲାଗେ । ମୁଁ କଂଗ୍ରେସର ଜଣେ ନେତାଙ୍କୁ ଜାଣିଛି ଯିଏ ମଲ୍ଲିକାର୍ଜୁନଙ୍କ ଘନିଷ୍ଠ । ସେ ବ୍ୟକ୍ତି ଜଣକ ଜାଣିଛନ୍ତି ଦିଲ୍ଲୀରେ କେଉଁଠି ଭଲ ମଟନ ମିଳେ । ଖଡଗେ ଭାରି ମଟନ ପ୍ରେମୀ । ମୁଁ ତ ଶୁଦ୍ଧ ଶାକାହାରୀ । ସେ ମଟନ ଆଣି ଆଣି ଦୁଇଥର ରାଜ୍ୟସଭା ପହଞ୍ଚି ଯାଇଛନ୍ତି । ମୁଁ କାହାର ନାମ ନେବି ନାହିଁ । ମାତ୍ର କଂଗ୍ରେସ ପାର୍ଟିର ସବୁ କର୍ମକର୍ତ୍ତାଙ୍କୁ ଜଣା ଅଛି ଦଳରେ ମଟନ ଆଣିବା ଯୋଗ୍ୟତା କାହାର ଅଛି ।''
ସର୍ବ ପୁରାତନ ରାଜନୈତିକ ଦଳ କଂଗ୍ରେସର ଉଥାନ ପତନ ଓ ତାଙ୍କର ଇସ୍ତଫା ନେଇ ପୋଡକାଷ୍ଟରେ ନିଜର ମତ ରଖିଛନ୍ତି ଗୌରବ ବଲ୍ଲଭ । କଂଗ୍ରେସ ଉପରେ 'ପିଏ କଲ୍ଚର' ପ୍ରଭାବ କଥା କହିଛନ୍ତି । ଏହା ସହିତ ଦଳରେ ପରିବାରବାଦ ଓ ଭେଦଭାଦ ହୋଇଥିବା ନେଇ ଗୁରୁତର ଅଭିଯୋଗ କରିଛନ୍ତି ।
