ବେଙ୍ଗାଲୁରୁ, ୨୩।୩: ସାଧାରଣତଃ ଘର, ବଙ୍ଗଳା ଆଦି ନିର୍ମାଣ କରିବାକୁ ହେଲେ ଇଟା, ପଥର, ବାଲି, ଲୁହା ରଡ୍ ଏବଂ ସିମେଣ୍ଟ ଆଦି ଆଭଶ୍ୟକ ପଡ଼ିଥାଏ । ଘରକୁ ସୁଦୃଢ଼ କରିବାକୁ ହେଲେ ସିମେଣ୍ଟ ସବୁଠାରୁ ଗୁରୁତ୍ୱପୂର୍ଣ୍ଣ । କିନ୍ତୁ, ବିନା ସିମେଣ୍ଟର ବ୍ୟବହାରରେ ନିର୍ମାଣ ହୋଇଥିବା ଆଲିସାନ୍ ବଙ୍ଗଳା ଦେଖିଛନ୍ତି କି ? ଏଭଳି ଘର ରହିଛି ବେଙ୍ଗାଲୁରରେ । ଆମେ ଆପଣଙ୍କୁ ବିଶ୍ୱର ପ୍ରଥମ ବିନା ସିମେଣ୍ଟରେ ତିଆରି ଘର ବିଷୟରେ କହିବାକୁ ଯାଉଛୁ । ଏହି ଘର ଦେଖି ବଲିଉଡ୍ ଅଭିନେତା ପରେଶ ରାଓ୍ବଲ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ଅଭିନେତା ତାଙ୍କ ପୂର୍ବତନ ‘ଏକ୍ସ’ ହ୍ୟାଣ୍ଡେଲରେ ନେହା ଗୁରୁଙ୍ଗ ନାମକ ଜଣେ ଝିଅର ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ସିମେଣ୍ଟ ବିନା ଏକ ବିଳାସପୂର୍ଣ୍ଣ ଘରର ଝଲକ ଦେଖିବାକୁ ମିଳିଛି ।
ଏହି ଘରଟି ସିମେଣ୍ଟରେ ନୁହେଁ ବରଂ ଗ୍ରାନାଇଟ୍ ପଥରରେ ତିଆରି । ଘରର କିଛି ଆକର୍ଷଣୀୟ କାନ୍ଥ ବାଲିପଥରରେ ତିଆରି । ଏହି ଘର ସିମେଣ୍ଟ ଘରଠାରୁ ଏତେ ମଜବୁତ୍ରେ ବିସ୍ଫୋରଣ ଦ୍ୱାରା ବି ପ୍ରଭାବିତ ହେବ ନାହିଁ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଏହି ଘର ୧୦୦ କିମ୍ବା ୨୦୦ ବର୍ଷ ନୁହେଁ ବରଂ ହଜାର ହଜାର ବର୍ଷ ଯାଏ ତିଷ୍ଠିବ । ଏହା ବିଶ୍ୱର ଏକମାତ୍ର ଘର, ଯାହାର ନିର୍ମାଣରେ ସିମେଣ୍ଟ ବ୍ୟବହାର ନକରି ଏତେ ବଡ଼ ଘର ତିଆରି ହୋଇଛି । ଏହି ସମ୍ପୂର୍ଣ୍ଣ ଘରଟି ଗ୍ରାନାଇଟ୍ ପଥରରେ ତିଆରି । ଏଥିରେ ସାମାନ୍ୟ ସିମେଣ୍ଟର ବି ବ୍ୟବହାର କରାଯାଇାହିଁ ।
