ନୂଆଦିଲ୍ଲୀ,୨୩।୩: ଚଣ୍ଡୀଗଡ ଗ୍ରେନେଡ୍ ଆକ୍ରମଣ ଘଟଣାରେ ପୋଲିସ ୪ ଆତଙ୍କବାଦୀଙ୍କ ବିରୋଧରେ ରୁଜୁ କରିଛି ଚାର୍ଜସିଟ୍। ଏଥିରେ ପାକିସ୍ତାନ ସ୍ଥିତ ହରବିନ୍ଦର ସିଂହ ସନ୍ଧୁ ଓରଫ ରିନ୍ଦା ଓ ଆମେରିକାରେ ଥିବା ହରମନପ୍ରୀତ ସିଂହ ଓରଫ୍ ହାପି ପାସିୟା ରହିଛନ୍ତି। ଏହି ଦୁହିଁଙ୍କୁ ମାମଲାର ମୁଖ୍ୟ ଷଡଯନ୍ତ୍ରକାରୀ ଓ ହାଣ୍ଡେଲର ବୋଲି କୁହାଯାଇଛି। ଏନ୍ଆଇଏର କହିବା ଅନୁସାରେ, ଏହି ଆତଙ୍କବାଦୀ ଭାରତରେ ନିଜର ଅପରାଧିକ ଗତିବିଧିକୁ ସଫଳ କରିବା ପାଇଁ ନିଜର ନେଟଓ୍ବର୍କର ବ୍ୟବହାର କରୁଥିଲେ। ତାଙ୍କ ଉପରେ ଭାରତରେ ଆତଙ୍କବାଦୀ ଗତିବିଧି ସୃଷ୍ଟି କରିବା ଓ ନିର୍ଦୋଷ ଲୋକଙ୍କ ଜୀବନ ନେବାର ଅଭିଯୋଗ ରହିଛି।
ସେପ୍ଟେମ୍ବର ୨୦୨୪ ରେ ହୋଇଥିବା ହମଲାର ମୁଖ୍ୟ ଉଦେଶ୍ୟ ଥିଲା ପଞ୍ଜାବ ପୋଲିସର ଜଣେ ଅବସରପ୍ରାପ୍ତ ଅଧିକାରୀଙ୍କୁ ଟାର୍ଗେଟ କରିବା। ତେବେ ଏହି ଆକ୍ରମଣରେ ଭୁଲରେ ଅନ୍ୟ କାହାର ଘର ପ୍ରଭାବିତ ହୋଇଥିଲା। ଏନ୍ଆଇଏ ଯାଞ୍ଚରେ ଏହି କଥା ସାମନାକୁ ଆସିଛି ଯେ, ଆକ୍ରମଣ ଷଡଯନ୍ତ୍ର ପାକିସ୍ତାନରେ ଥିବା ରିନ୍ଦା ଓ ଆମେରିକାରେ ରହୁଥିବା ହାପି ମିଶି ଏକାଠି କରିଥିଲେ। ଏହି ଦୁହେଁ ଭାରତରେ ନିଜର ସାଥୀଙ୍କୁ ହତିଆର, ଗୋଳା-ବାରୁଦ ଓ ଫଣ୍ଡ ଦେଉଥିଲେ। ଏଥିପାଇଁ ସେମାନେ ସ୍ଥାନୀୟ ଆତଙ୍କୀଙ୍କୁ ଭର୍ତ୍ତି କରିଥିଲେ, ଯାହାଙ୍କ ଭିତରେ ରୋହନ ମସିହ ଓ ଭିଶାଲ ମସିହ ସାମିଲ ଥିଲେ। ଏହି ଦୁଇ ଆତଙ୍କବାଦୀଙ୍କୁ ଟ୍ରେନିଂ ଦେଇ ଆକ୍ରମଣ ପାଇଁ ପ୍ରସ୍ତୁତ କରାଯାଇଥିଲା।
ଏନ୍ଆଇଏର ଯାଞ୍ଚ ଅନୁସାରେ, ରିନ୍ଦା ଓ ହାପି ଆକ୍ରମଣ ପୂର୍ବରୁ ନିଜର ସ୍ଥାନୀୟ ସାଥୀଙ୍କୁ ନେଇ ଦୁଇ ଥର ଏହି ଅଞ୍ଚଳ ଗସ୍ତ କରିଥିଲେ। ଏହି ରେକି ସମୟରେ ଆକ୍ରମଣ ପାଇଁ ଟାର୍ଗେଟ ସିଲେକ୍ଟ କରାଯାଇଥିଲା। ଏହାପରେ ଏହି ଆତଙ୍କବାଦୀମାନେ ଗ୍ରେନେଡ୍ରେ ଆକ୍ରମଣ କରିଥିଲେ। ଏଭଳି ଭାବରେ ପୁରା ଯୋଜନା ଓ ହମଲା ଏହି ଦୁଇ ଆତଙ୍କବାଦୀଙ୍କ ନିର୍ଦେଶରେ ହୋଇଥିଲା। ଏନ୍ଆଇର ଏହି ମାମଲାରେ ସ୍ପେଶାଲ ଏନ୍ଆଇଏ କୋର୍ଟ ଚଣ୍ଡୀଗଡରେ ଚାର୍ଜସିଟ୍ ଦାଖଲ କରିଛି। ଏଥିରେ ଅପରାଧିଙ୍କ ବିରୋଧରେ ବହୁ ଗମ୍ଭୀର ଧାରା ଲାଗିଛି।
