ନୂଆଦିଲ୍ଲୀ, ୨୯/୧୧: ଆମେରିକୀୟ କମ୍ପାନୀ ୱାଲମାର୍ଟ ଭାରତରୁ ଅଧିକରୁ ଅଧିକ ସାମଗ୍ରୀ ଆମଦାନୀ କରୁଛି । ଏଥିସହ ୱାଲମାର୍ଟ ଚୀନ ଉପରୁ ନିର୍ଭରତା ହ୍ରାସ କରୁଛି । ଯୋଗାଣ ବ୍ୟବସ୍ଥାକୁ ସୁଦୃଢ଼ ଓ ଖର୍ଚ୍ଚ କାଟି ଲାଗି ୱାଲମାର୍ଟ ଚୀନ ଉପରେ ନିର୍ଭରତା କମାଇ ଭାରତରୁ ଆମଦାନୀ ବଢ଼ାଉଛି ।
ୱାଲମାର୍ଟ ହେଉଛି ଦୁନିଆର ସବୁଠୁ ବଡ଼ ରିଟେଲ୍ କମ୍ପାନୀ । ରିପୋର୍ଟ ଅନୁସାରେ ୨୦୨୩ ଜାନୁଆରୀରୁ ଅଗଷ୍ଟ ମଧ୍ୟରେ କମ୍ପାନୀ କରିଥିବା ମୋଟ ଆମଦାନୀରୁ ଏକ ଚତୁର୍ଥାଂଶ ଭାରତରୁ ଆମଦାନୀ କରୁଛି । ଯେତେବେଳେ କି ୨୦୧୮ରେ ଭାରତରୁ ୱାଲମାର୍ଟ ୨ ପ୍ରତିଶତ ସାମଗ୍ରୀ ଆମଦାନୀ କରିଥିଲା । ଜାନୁଆରୀରୁ ଅଗଷ୍ଟ ମଧ୍ୟରେ ଚୀନରୁ ଆମଦାନୀ ହ୍ରାସ ପାଇ ୬୦ ପ୍ରତିଶତରେ ପହଞ୍ଚିଛି । ଯାହାକି ୨୦୧୮ରେ ୮୦ ପ୍ରତିଶତ ଥିଲା ।
ମୋତେ ଟନେଲ୍ ଭିତରକୁ ଯିବାକୁ ଡର ଲାଗେନାହିଁ; ଏଇଟା ଆମ ନିତିଦିନିଆ କାମ,୧୦-୧୨ ବର୍ଷ ହେଲା ମୁଁ ଏ କାମ କରୁଛି...
ଯଦିଓ ୱାଲମାର୍ଟ ଭାରତରୁ ଆମଦାନୀ ବଢ଼ାଇଛି ତଥାପି ଏବେ ବି କମ୍ପାନୀ ଚୀନରୁ ସବୁଠୁ ଅଧିକ ଆମଦାନୀ କରୁଛି । ଚୀନରୁ ଆମଦାନୀ ଖର୍ଚ୍ଚ ବଢ଼ିବା ସହ ଆମେରିକା ଓ ଚୀନ ମଧ୍ୟରେ ତିକ୍ତ କୂଟନୀତିକ ସମ୍ପର୍କ ପାଇଁ ୱାଲମାର୍ଟ ଭଳି କମ୍ପାନୀ ଭାରତ, ଥାଇଲାଣ୍ଡ ଓ ଭିଏତନାମରୁ ଅଧିକ ସାମଗ୍ରୀ ଆମଦାନୀ କରୁଛନ୍ତି ।
ଏନେଇ ୱାଲମାର୍ଟର ଉପସଭାପତି ଏଣ୍ଡ୍ରିୟୋ ଅଲବ୍ରାଇଟ୍ କହିଛନ୍ତି, ଆମେ ସବୁଠୁ ଭଲ ଦାମରେ ଚାହୁଁଛୁ । ଏହା ଛଡ଼ା ଆମେ କେବଳ ଜଣିଏ ବିତରକ ଅଥବା କ୍ଷେତ୍ର ଉପରେ ସାମଗ୍ରୀ ଆମଦାନୀ ପାଇଁ ନିର୍ଭର କରି ପାରିବୁ ନାହିଁ । ଉତ୍ପାଦନ ଲାଗି ୱାଲମାର୍ଟ ଲାଗି ଭାରତ ଅନ୍ୟ ଏକ ବିକଳ୍ପ ଭାବେ ଉଭା ହୋଇଛି ।
ଅନ୍ୟ ମହିଳାଙ୍କୁ ଅନାଇବାରୁ ପ୍ରେମିକ ଆଖିରେ ଛୁଞ୍ଚି କେଞ୍ଚି ଦେଲା ପ୍ରେମିକା
ସୂଚନାଯୋଗ୍ୟ, ଦେଶର ଅନ୍ୟତମ ଇ-କମର୍ସ କମ୍ପାନୀ ଫ୍ଲିଫକାର୍ଟରେ ୱାଲମାର୍ଟର ୭୭ ପ୍ରତିଶତ ଅଂଶଧନ ରହିଛି । ଏଥିସହ କମ୍ପାନୀ କହିଛି, ଭାରତରୁ ବାର୍ଷିକ ୧୦ ବିଲିୟନ୍ ଡଲାରରୁ ଅଧିକ ମୂଲ୍ୟର ସାମଗ୍ରୀ ଆମଦାନୀ କରିବ । ଏବେ ଭାରତରୁ ୱାଲମାର୍ଟ ୩ ବିଲିୟନ୍ ଡଲାର ସାମଗ୍ରୀ ଆମଦାନୀ କରୁଛି । ଯେଉଁଥିରେ ମୁଖ୍ୟତଃ ଖେଳନା, ଇଲୋକ୍ଟ୍ରୋନିକ୍ସ ଆଇଟମ୍, ଔଷଧ ସହ ଶୁଖିଲା ଖାଦ୍ୟ ଶସ୍ୟ ଓ ପାସ୍ତା ରହିଛି ।