ମାଲକାନଗିରି ୧୫/୦୬ : ସୁରକ୍ଷା ବାହିନୀକୁ ବଡ଼ ସଫଳତା। ମାଲକାନଗିରି-ଛତିଶଗଡ଼ ସୀମାନ୍ତ ବିଜାପୁର ଓ ନାରାୟଣପୁର ଜିଲ୍ଲା ଆବୁଜମାଡ଼ ଅଞ୍ଚଳରେ ମାଓବାଦୀ- ସୁରକ୍ଷାକର୍ମୀଙ୍କ ମଧ୍ୟରେ ବଡ ଧରଣର ଗୁଳିବିନିମୟ । ସୁରକ୍ଷାକର୍ମୀଙ୍କ ଏନ୍କାଉଣ୍ଟରରେ ଟଳିଲେ ୮ ମାଓବାଦୀ । ଏବେବି ଜଙ୍ଗଲରେ ସର୍ଚ୍ଚ ଅପରେସନ ଜାରି ରହିଛି ।
ସୂଚନା ମୁତାବିକ, ଦୁଇ ଦିନ ଧରି ଏହି କୁତୁଲ ଏବଂ ଅବୁଝମାଡ଼ ଜଙ୍ଗଲରେ ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ଏନ୍କାଉଣ୍ଟର ଚାଲିଥିଲା । ନାରାୟଣପୁର, କୋଣ୍ଡାଗାଓନ୍, କାନକେର ଏବଂ ଡାଣ୍ଟେୱାଡା ଜିଲ୍ଲାର DRG, STF ଏବଂ ITBP ଯବାନ ମାନେ ଏହି ଆପରେସନରେ ସାମିଲ ରହିଥିଲେ l ତେବେ ବର୍ତ୍ତମାନ ସୁଦ୍ଧା ୮ ମାଓବାଦୀ ନିହତ ହୋଇଥିବା ବେଳେ ଏକାଧିକ ଆହତ ହୋଇଥିବା ସୂଚନା ରହିଛି ।
ସେପଟେ ଏବେ ବି ଆବୁଜମାଡର କୁଟୁଲ ଫାର୍ସବେଡା କୋଡାମେଟା ଅଞ୍ଚଳରେ ଯବାନଙ୍କ ମିଳିତ ଅପରେସନ ଜାରି ରହିଛି । ଅପରପକ୍ଷେ କିଛି ଯବାନ ମଧ୍ୟ ଆହତ ହୋଇଥିବା ଖବର ରହିଛି । ବର୍ତ୍ତମାନ ମଧ୍ୟ ଉଭୟ ପକ୍ଷରୁ ଜୋରଦାର ଗୁଳିବିନିମୟ ଜାରି ରହିଛି ।