ନୂଆଦିଲ୍ଳୀ,୪।୯: କୁସ୍ତି ମୈଦାନ ପରେ ଏବେ ନିର୍ବାଚନୀ ମୈଦାନରେ ନିଜର ଦମ୍ ଦେଖାଇବେ ଷ୍ଟାର୍ ରେସଲର୍ ବଜରଙ୍ଗ ପୁନିଆ ଓ ଭିନେଶ ଫୋଗାଟ୍।। ଦୁହିଁଙ୍କୁ କଂଗ୍ରେସ ପକ୍ଷରୁ ଟିକେଟ ମିଳିପାରେ। ଭିନେଶ ଓ ବଜରଙ୍ଗ ବୁଧବାର କଂଗ୍ରେସ ଲିଡର ରାହୁଲ ଗାନ୍ଧୀଙ୍କୁ ଭେଟିଛନ୍ତି। ଏହାଛଡା ପାର୍ଟି ମହାସଚିବ କେସି ବେଣୁଗୋପାଳଙ୍କ ସହ ମଧ୍ୟ ଦୁହିଁଙ୍କର ଦୀର୍ଘ ସମୟ ପର୍ଯ୍ୟନ୍ତ ଆଲୋଚନା ହୋଇଥିଲା। କଂଗ୍ରେସ ସୁତ୍ରର କହିବା ଅନୁସାରେ ପାର୍ଟି ଦୁହିଁଙ୍କୁ ନିର୍ବାଚନରେ ଓହ୍ଲାଇବାର ମନ ବଳାଇ ସାରିଛି। ଦୁହେଁ ସ୍ପୋର୍ଟସ୍ କୋଟାରେ ସରକାରୀ ଚାକିରୀରେ ଅଛନ୍ତି, ଯେଉଁଥିରୁ ଆଜି ଇସ୍ତଫା ଦେଇପାରନ୍ତି। ସୁତ୍ରର କହିବା ଅନୁସାରେ, ଭୂପିନ୍ଦର ସିଂହ ହୁଡା ଖେମା ମଧ୍ୟ ଦୁଇ ଖେଳାଳିଙ୍କୁ ନିର୍ବାଚନରେ ଓହ୍ଲାଇବାର ପ୍ରସ୍ତୁତି ରହିଛି, ଯାହାକି ହରିୟାଣା କଂଗ୍ରେସର ସବୁଠାରୁ ବଡ ମଜବୁତ ଗୟୁପ୍ ବୋଲି ମନେ କରାଯାଇଛି।
ଭିନେଶ ଫୋଗାଟ ଓ ବଜରଙ୍ଗ ପୁନିଆଙ୍କ ସହ ରାହୁଲ ଗାନ୍ଧୀଙ୍କ ସାକ୍ଷାତର ଫଟୋ କଂଗ୍ରେସ ଆଜି ସେୟାର କରିଥିଲ। ଏହାପରେ ଦୁହେଁ କେସି ବେଣୁାଗାପାଳଙ୍କୁ ମଧ୍ୟ ଭେଟିବାକୁ ପହଁଞ୍ଚିଥିଲେ ଭିନେଶ ଫୋଗାଟ, ବଜରଙ୍ଗ ପୁନିଆ ଓ ସାକ୍ଷୀ ମଲିକ ଭାରତୀୟ କୁସ୍ତୀ ମହାସଂଘର ପୂର୍ବତନ ଅଧ୍ୟକ୍ଷ ବ୍ରଜଭୂଷଣ ଶରଣ ସିଂହଙ୍କ ବିରୋଧରେ ଦୀର୍ଘ ସମୟ ଧରି ଆନ୍ଦୋଳନ କରିଥିଲେ। ଏହି ଖେଳାଳି ଜନ୍ତରମନ୍ତରରେ ବସିଥିଲେ ଓ ବିଜେପି ସାଂସଦ ଥିବା ବ୍ରିଜଭୂଷଣଙ୍କ ଉପରେ ଅଭିଯୋଗ କରିଥିଲେ ଯେ, ସେମାନେ ମହିଳା ରେସଲରଙ୍କ ଯୌନ ଶୋଷଣ କରିଛନ୍ତି। ପ୍ରାୟ ଏକ ମାସ ଧରି ପ୍ରଦର୍ଶନ ପରେ ଗୃହମନ୍ତ୍ରୀ ମହିତ ଶାହଙ୍କ ଆଶ୍ବାସନାରେ ଏହି ଦୁଇ ଖେଳାଳି ଆନ୍ଦୋଳନ ଶେଷ କରିଥିଲେ।
