ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

ଜୁନ୍‌ ୨୨ରେ ସ୍ନାନଯାତ୍ରା: ହାତୀ ବେଶରେ ଉଭା ହେବେ ଦାରୁବ୍ରହ୍ମ, ଚାଲିଛି ଟାହିଆ ଓ ବେଶ ପ୍ରସ୍ତୁତି

ପୁରୀ,୨୪/୦୫: ଆସନ୍ତା ଜୁନ ମାସ ୨୨ ତାରିଖ ଶନିବାର ମହାପ୍ରଭୁଙ୍କ ସ୍ନାନଯାତ୍ରା । ସ୍ନାନବେଦିରେ ହାତୀ(ଗଜାନନ) ବେଶରେ ଉଭା ହେବେ ଦାରୁବ୍ରହ୍ମ । ଶ୍ରୀ ବଳଭଦ୍ରଙ୍କ ଧଳାରଙ୍ଗ ଓ ଶ୍ରୀଜଗନ୍ନାଥଙ୍କ କଳାରଂଗର ବେଶ । ଠାକୁରଙ୍କ ଶ୍ରୀଅଙ୍ଗ ପାଇଁ ତିଆରି  ହେବ ତରାସ, କିଆଫଳି, ଚନ୍ଦ୍ରସୂର୍ଯ୍ୟ,  ଛତି, କାନ, ଚିତା, ଥୋଡ଼ହସ୍ତ, ଅଧର, ତୋରଣା ଓ ଗଜଖୁମ୍ୱ ଆଦି  ବେଶ । ଦେବୀ ସୁଭଦ୍ରାଙ୍କ ପାଇଁ ପ୍ରସ୍ତୁତ ହେଉଛି ତଡ଼କୀ, ନାକୁଆସୀ, ତରାସ, ଛତି ଓ ଚୂଳ, ଚିତା ଆଦି ବେଶ  ଉପକରଣ । ସୁଦର୍ଶନ ପ୍ରଭୁଙ୍କ ପାଇଁ  ସବୁଜ ରଂଗର ଚକ୍ର, ଚୂଳ ଓ ଓଲାର ତିଆରି ହେଉଛି । ଏଣୁ ଠାକୁରଙ୍କ ପହଣ୍ଡି  ପାଇଁ ଟାହିଆ ଓ ବେଶ ପ୍ରସ୍ତୁତି ଚାଲିଛି । 

ଦୟଣାମାଳି ସେବକ ବସନ୍ତ  କୁମାର ରଣାଙ୍କ ତତ୍ତ୍ୱାବଧାନରେ ଚାଲିଛି  ଠାକୁରଙ୍କ ବେଶ ଓ ଟାହିଆ ପ୍ରସ୍ତୁତି ।  ରାଘବ ଦାସ ମଠରେ ଠାକୁରଙ୍କ  ବେଶ ତିଆରି ହେଉଛି । ପବିତ୍ର ଅକ୍ଷୟତୃତୀୟାରୁ ବେଶ ତିଆରି ଅନୁକୂଳ  ହୋଇଥିଲା । କାରିଗରମାନେ ହବିଷ୍ୟାନ୍ନ  ଖାଇ ଶୁଦ୍ଧପୂତଭାବେ ଠାକୁରଙ୍କ ବେଶ  ତିଆରୁଛନ୍ତି । ଶ୍ରୀ ରଣା କୁହନ୍ତି ବେଶ  ନିର୍ମାଣ ଶୈଳୀ ସବୁ ବିଧି ନିର୍ଦ୍ଦିଷ୍ଟ । ପ୍ରତିବର୍ଷ ବେଶର ମାପଚୁପ ସମାନ । ବାଉଁଶ, ବେତ, କନା, ସୋଲ, ଜରି, କଦଳୀ ପଟୁକା, ଜମ୍ୱୁରା, ଲେସ୍‌ ଓ  କଇଁଥ ଅଠା ଆଦି ବ୍ୟବହାର କରାଯାଇ  ପାରମ୍ପରିକ ପଦ୍ଧତିରେ ବେଶ ପ୍ରସ୍ତୁତ  ହୁଏ । ବର୍ତ୍ତମାନ ବେଶ ପାଇଁ କଦଳୀ  ପଟରେ ଫ୍ରେମ ବୁଣା ହେଉଛି ।  

ଟାହିଆ ପାଇଁ ସୋଲର ଫୁଲ ପ୍ରସ୍ତୁତ  କରାଯାଉଛି । ଶ୍ରୀ ରଣାଙ୍କ ସମେତ  ସତ୍ୟ ନାରାୟଣ ବେହେରା, ସନ୍ତୋଷ  କୁମାର ମିଶ୍ର ବେଶ ତିଆରୁଛନ୍ତି । ପରମ୍ପରା ଅନୁସାରେ ରାଘବ ଦାସ ମଠ ପକ୍ଷରୁ ମହାପ୍ରଭୁ ଶ୍ରୀଜଗନ୍ନାଥ ଓ ଦେବୀ ମା'ସୁଭଦ୍ରାଙ୍କର ବେଶ ଓ  ବଡ଼ଠାକୁର ଶ୍ରୀବଳଭଦ୍ର, ଶ୍ରୀସୁଦର୍ଶନଙ୍କ  ବେଶ ବାଲିସାହିର ଗୋପାଳତୀର୍ଥ ମଠ  ଯୋଗାନ୍ତି । ଦେବ ସ୍ନାନପୂର୍ଣ୍ଣମୀରେ ବେଶ  ସଂସ୍କାର ହୋଇ ପଣା ଭୋଗ ଅର୍ପଣ  ହେବ । ଏହାପରେ ଘଣ୍ଟ ଘଣ୍ଟା କାହାଳୀର  ପଟୁଆରରେ ମଠ ପରିସରରୁ ବିଜେ  ହୋଇ ଠାକୁରଙ୍କ ଶ୍ରୀଅଙ୍ଗରେ ଲାଗି ହେବ। ଜଳଲାଗି ହେବାପରେ ଠାକୁରଙ୍କ  ଗଜାନନ ବେଶ ଅନୁଷ୍ଠିତ ହେବ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.