ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

ଦୁଇ ନାବାଳିକାଙ୍କୁ ଦୁଷ୍କର୍ମ, ୩ ନାବାଳକଙ୍କ ସମେତ ୬ ଗିରଫ

ଚେନ୍ନାଇ: ତାମିଲନାଡୁର ତିରୁପ୍ପୁର ଜିଲ୍ଲାରେ ଅଭାବନୀୟ ଘଟଣା ଘଟିଛି । ଦୁଇ ନାବାଳିକାଙ୍କୁ ଦୁଷ୍କର୍ମ କରାଯାଇଥିବା ନେଇ ଅଭିଯୋଗ ହୋଇଛି ।  ୧୩ ଏବଂ ୧୭ ବର୍ଷୀୟା ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗରେ ୩ ନାବାଳକଙ୍କ ସମେତ ୬ ଜଣଙ୍କୁ ପୋଲିସ ଗିରଫ କରିଛି । ତେବେ ୧୭ ବର୍ଷୀୟା ପୀଡ଼ିତା ଗର୍ଭବତୀ ହେବା ପରେ ଏ ସମସ୍ତ ଘଟଣା ସାମ୍ନାକୁ ଆସିଛି । ପୀଡ଼ିତା ଜଣଙ୍କ  ପିଲା ବେଳୁ ମା-ବାପାଙ୍କୁ ହରାଇଥିବା ବେଳେ ନିଜ ଖୁଡ଼ୀଙ୍କ ପାଖରେ ରହୁଥିଲେ । 

ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ୧୭ ବର୍ଷୀୟା ପୀଡ଼ିତା ଅଧାରୁ ପଢ଼ା ଛାଡ଼ି ଚାକିରି ଖୋଜୁଥିଲେ । ଏହି ସମୟରେ ତାଙ୍କର ଜଣେ ୧୫ ବର୍ଷୀୟ ପୁଅ ସହ ବନ୍ଧୁତା ହୋଇଥିଲା । ପୁଅଟି ନାବାଳିକାଙ୍କୁ ଚାକିରି ଦେବ ବୋଲି କହି  ତାର ଦୁଇ ଜଣ ବନ୍ଧୁଙ୍କ ପାଖକୁ ନେଇଯାଇଥିଲା । ସେମାନେ ମିଳିତ ଭାବେ ନାବାଳିକାଙ୍କୁ ଜାନୁଆରୀ ମାସ ପାଖରୁ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି । ସେପଟେ ପୀଡ଼ିତାଙ୍କ ସହ ଆଉ ଜଣେ ୧୩ ବର୍ଷର ବାଳିକା ଥିଲେ । ତାଙ୍କୁ ମଧ୍ୟ ଅଭିଯୁକ୍ତମାନେ ଦୁଷ୍କର୍ମ କରିଥିବା ପୋଲିସ ନିକଟରେ ଅଭିଯୋଗ ହୋଇଛି । ତେବେ ୩ ମାସ ପରେ ୧୭ ବର୍ଷୀୟା ପୀଡ଼ିତା ଗର୍ଭବତୀ ଥିବା ନେଇ ଜଣାପଡ଼ିଥିଲା । 

ସେ ଏନେଇ ନିଜର ଖୁଡ଼ୀଙ୍କୁ ଜଣାଇଥିଲେ । ଏହା ପରେ ଖୁଡ଼ୀ ଏବଂ ଝିଆରୀ ଉଦୁମେଲାପେଟ୍ଟାଇ ଥାନାରେ ପହଞ୍ଚି ଅଭିଯୋଗ କରିଥିଲେ । ଅଭିଯୋଗ ପାଇ ପୋଲିସ ଜେୟା କାଲିସ୍ବରନ, ମାଥନ କୁମାର, ବାରଣୀ କୁମାର ଏବଂ ଅନ୍ୟ ୩ ଜଣଙ୍କ ବିରୋଧରେ ପୋକ୍‌ସୋ ଆକ୍ଟ ଜରିଆରେ ମାମଲା ରୁଜୁ କରିଥିଲା । ଆଉ ଆଜି ସେମାନଙ୍କୁ ଗିରଫ କରିଛି ପୋଲିସ । ସୂଚନାଯୋଗ୍ୟ, ତାମିଲନାଡୁରେ ପୋକ୍‌ସୋ ଆକ୍ଟ ଅଧୀନରେ ମାମଲା ସଂଖ୍ୟା ବୃଦ୍ଧି ପାଇଛି । ସେହିଭଳି ମହିଳା ବିରୋଧୀ ମାମଲାରେ ଉତ୍ତର ପ୍ରଦେଶ ଓ ମଧ୍ୟପ୍ରଦେଶ ପରେ ତୃତୀୟ ସ୍ଥାନରେ ରହିଛି ।    

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.