ଉଖରୁଲୁ,୧।୧୨: ଫିଲ୍ମ ଷ୍ଟାଇଲରେ ବ୍ୟାଙ୍କ ଲୁଟ୍। ମ୍ୟାନେଜରଙ୍କ ମୁଣ୍ଡରେ ବନ୍ଧୁକ ଲଗାଇ ଦୁବୃର୍ତ୍ତ ଲୁଟିନେଲେ ୧୮ କୋଟି ଟଙ୍କା। ଏଭଳି ଏକ ବଡ଼ ଧରଣର ବ୍ୟାଙ୍କ ଡକାୟରି ଭାରତର ପୂର୍ବୋତ୍ତର ରାଜ୍ୟ ମଣିପୁରରେ ଘଟିଛି। ବର୍ତ୍ତମାନ ପୋଲିସ ମାମଲାର ତଦନ୍ତ ଆରମ୍ଭ କରିଦେଇଛି। ତେବେ ଏପର୍ଯ୍ୟନ୍ତ କେହି ଅଭିଯୁକ୍ତ ଗିରଫ ହୋଇ ନାହାନ୍ତି। ଅନ୍ୟପକ୍ଷେ ବ୍ୟାଙ୍କ ପକ୍ଷରୁ ମଧ୍ୟ କିଛି କୁହାଯାଇନି।
ଘଟଣାଟି ମଣିପୁରର ଉଖରୁଲୁ ଜିଲ୍ଲାରେ ଭ୍ୟୁଲ୍ୟାଣ୍ଡ ଅଞ୍ଚଳରେ ଥିବା ପଞ୍ଜାବ ନ୍ୟାସନାଲ ବ୍ୟାଙ୍କରେ ଘଟିଛି। ଖବର ଅନୁସାରେ, ସନ୍ଧ୍ୟା ପ୍ରାୟ ୫ଟା ୪୦ ମିନିଟ୍ରେ ୭ ରୁ ୮ ଜଣ ଲୁଟେରା ବ୍ୟାଙ୍କ ପରିସରରେ ପହଁଞ୍ଚିଥିଲେ। ଭିତରେ ଥିବା ଲୋକ ଓ ବ୍ୟାଙ୍କ କର୍ମଚାରୀଙ୍କୁ ଭୟଭୀତ କରାଯାଇଥିଲେ। ଘଟଣା ସମ୍ପର୍କରେ ଜାଣିବା ମାତ୍ରେ ପୋଲିସ ଘଟଣାସ୍ଥଳରେ ପହଁଞ୍ଚି ଯାଇଥିଲା।
ଉରୁଖୁଲୁ ପୋଲିସ ଷ୍ଟେସନ୍ ପକ୍ଷରୁ କୁହାଯାଇଛି ଆଗକୁ ତଦନ୍ତ ଆରମ୍ଭ କରାଯାଇଛି। ଏହି ମାମଲାରେ ଏପର୍ଯ୍ୟନ୍ତ କାହାକୁ ଗିରଫ କରାଯାଇ ନାହିଁ। ଉଖରୁଲୁର ରାଜଧାନୀ ଇମ୍ଫାଲରୁ ପୂର୍ବୋତ୍ତରରେ ପ୍ରାୟ ୮୪ କିଲୋମିଟର ଦୂରରେ ରହିଛି। କୁହାଯାଉଛି ଯେ, ଲୁଟେରାମାନେ ବ୍ୟାଙ୍କର କାମ ଶେଷ ହେବାପରେ ଏଭଳି କରିଛନ୍ତି। ଗଣମାଧ୍ୟମର ରିପୋର୍ଟ ଅନୁସାରେ, ଲୁଟେରା ବ୍ୟାଙ୍କ ମ୍ୟାନେଜରଙ୍କୁ ବନ୍ଧୁକ ମୁନରେ ଟ୍ରେଜେରୀ ଖୋଲିବାକୁ ବାଧ୍ୟ କରିଥିଲେ। ପୋଲିସ ସୂଚନା ଦେଇଛି ଯେ, ସମ୍ପୂର୍ଣ୍ଣ ଅଞ୍ଚଳକୁ ଘେରାଉ କରି ସୁରକ୍ଷା ବଢାଇ ଦିଆଯାଇଛି। ପୁରା ଘଟଣା ସିସିଟିଭିରେ କଏଦ ହୋଇଯାଇଛି।
Also Read:-
ଡିସେମ୍ବର ପହିଲାରୁ ବଦଳିଯିବ ସିମ୍ କାର୍ଡ କ୍ରୟ କରିବାର ନିୟମ
