ନୂଆଦିଲ୍ଲୀ,୧୨/୦୭: ଦେଶରେ ୪୭ ସ୍ଥାନରେ ୧୬ତମ ମେଗା ରୋଜଗାର ମେଳା ଅନୁଷ୍ଠିତ ହୋଇଛି । ଏଥିରେ ଭିଡିଓ କନଫରେନ୍ସିଂ ଜରିଆରେ ୫୧ ହଜାର ନବନିଯୁକ୍ତଙ୍କୁ ନିଯୁକ୍ତିପତ୍ର ବାଣ୍ଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ନବନିଯୁକ୍ତଙ୍କୁ ସମ୍ବୋଧନ କରିଛନ୍ତି । ଆଜି ଭାରତ ଏକ ବଡ଼ ଶକ୍ତି । ଭାରତ ପାଖରେ ଦୁଇ ଅସୀମିତ ଶକ୍ତି ରହିଛି । ଗୋଟିଏ ଡେମୋଗ୍ରାଫି ଅନ୍ୟଟି ଡେମାକ୍ରାସି । ଯୁବଗୋଷ୍ଠୀଙ୍କର ଏହି ଶକ୍ତି ଭାରତର ଉଜ୍ୱଳ ଭବିଷ୍ୟତର ସର୍ବୋତ୍ତମ ସମ୍ପତ୍ତି ଓ ଗ୍ୟାରେଣ୍ଟି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
୫୧,୦୦୦ ନିଯୁକ୍ତି ପତ୍ର ବଣ୍ଟନ କାର୍ଯ୍ୟକ୍ରମକୁ ସମ୍ବୋଧନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ଆଜି ବିଶ୍ୱ ସ୍ୱୀକାର କରୁଛି ଯେ ଭାରତରେ ଦୁଇଟି ଅସୀମ ଶକ୍ତି ଅଛି - ପ୍ରଥମ, ଜନସଂଖ୍ୟା ଏବଂ ଦ୍ୱିତୀୟ, ଗଣତନ୍ତ୍ର । ଯୁବଶକ୍ତିର ଏହି ଶକ୍ତି ହେଉଛି ସର୍ବୋତ୍ତମ ସମ୍ପତ୍ତି ଏବଂ ଭାରତର ଉଜ୍ଜ୍ୱଳ ଭବିଷ୍ୟତର ସର୍ବୋତ୍ତମ ଗ୍ୟାରେଣ୍ଟି । ଆମ ସରକାର ଏହି ସମ୍ପତ୍ତିକୁ ସମୃଦ୍ଧିର ଏକ ସୂତ୍ର କରିବାରେ ନିୟୋଜିତ। ନିକଟରେ ମୁଁ ପାଞ୍ଚଟି ଦେଶ ଗସ୍ତରୁ ଫେରିଛି । ପ୍ରତ୍ୟେକ ଦେଶରେ ଭାରତର ଯୁବଶକ୍ତିର ପ୍ରତିଧ୍ୱନିତ ଦେଖିବାକୁ ମିଳିଥିଲା । ଏହି ସମୟ ହୋଇଥିବା ସମସ୍ତ ଚୁକ୍ତିନାମା ନିଶ୍ଚିତ ଭାବରେ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ଭାରତର ଯୁବଶକ୍ତିକୁ ଲାଭ ଦେବ । "
#WATCH | Delhi | Prime Minister Narendra Modi says, "Today the world acknowledges that India possesses two limitless powers—first, demographics, and second, democracy... This strength of the youth is both the greatest asset and the greatest guarantee of India's bright future. Our… pic.twitter.com/MCrPxuEDVG
— ANI (@ANI) July 12, 2025
ପ୍ରଧାନମନ୍ତ୍ରୀ ଆହୁରି କହିଛନ୍ତି, " ଆମର ଉଦ୍ଦେଶ୍ୟ ହେଉଛି 'ବିନା ପରଚି ବିନା ଖରଚି' । ରୋଜଗାର ମେଳା ମାଧ୍ୟମରେ ଲକ୍ଷ ଲକ୍ଷ ଯୁବକ ନିଯୁକ୍ତି ପାଇଛନ୍ତି ଏବଂ ଦେଶର ବିକାଶରେ ଯୋଗଦାନ କରୁଛନ୍ତି । କିଛି ଦେଶକୁ ସୁରକ୍ଷା ଦେବେ, କିଛି ସମସ୍ତଙ୍କ ପାଇଁ ସାହାଯ୍ୟ'ର ଯୋଦ୍ଧା, କେତେକ ଆର୍ଥିକ ଅନ୍ତର୍ଭୁକ୍ତି ମିଶନକୁ ମଜବୁତ କରିବେ, ଏବଂ ଅନେକ ଦେଶର ଶିଳ୍ପ ବିକାଶକୁ ବୃଦ୍ଧି କରିବେ । ଆପଣଙ୍କର ବିଭାଗ ଅଲଗା ଅଲଗା ହୋଇଥାଇପାରେ ହେଲେ ଲକ୍ଷ୍ୟ ଗୋଟିଏ ତାହା ହେଲା ରାଷ୍ଟ୍ର ସେବା ।''
#WATCH | Delhi | On distribution of 51,000 appointment letters, Prime Minister Narendra Modi says, "... Our moto is 'Bina Parchi Bina Kharchi'... Lakhs of youth have been employed through such Rozgar Mela and are contributing to the development of the nation... Some will protect… pic.twitter.com/xaLASLMVAf
— ANI (@ANI) July 12, 2025
ରୋଜଗାର ସୃଜନକୁ ପ୍ରାଥମିକତା ଦେବା ଦିଗରେ କେନ୍ଦ୍ର ସରକାରଙ୍କ ପ୍ରତିବଦ୍ଧତାକୁ ସମ୍ପୂର୍ଣ୍ଣ କରିବାରେ ନିଯୁକ୍ତି ମେଳା ଏକ ପଦକ୍ଷେପ । ଏଯାବତ୍ ରୋଜଗାର ମେଳା ମାଧ୍ୟମରେ ସାରା ଦେଶରେ ୧୦ ଲକ୍ଷରୁ ଅଧିକ ନିଯୁକ୍ତିପତ୍ର ବଣ୍ଟନ କରାଯାଇଛି । ଦେଶବ୍ୟାପୀ ଚୟନ ହୋଇଥିବା ଏହି ନୂତନ କର୍ମଚାରୀମାନେ ରେଳ ମନ୍ତ୍ରଣାଳୟ, ସ୍ୱରାଷ୍ଟ୍ର ମନ୍ତ୍ରଣାଳୟ, ଡାକ ବିଭାଗ, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ, ଆର୍ଥିକ ସେବା ବିଭାଗ, ରୋଜଗାର ମନ୍ତ୍ରଣାଳୟ ସହ ବିଭିନ୍ନ ମନ୍ତ୍ରଣାଳୟରେ ଯୋଗ ଦେଇଛନ୍ତି ।
