ନୂଆଦିଲ୍ଲୀ: ମିଳିତ ଜାତିସଂଘରେ ସୂଚନା ଦେବାବେଳେ ଭାରତ କହିଛି ଯେ, ଆମେ ଆଫଗାନିସ୍ତାନର ପଡୋଶୀ ତଥା ବିକାଶ ସହଯୋଗୀ ହେବୁ। ଉଭୟ ଦେଶର ଐତିହାସିକ ସଭ୍ୟତା ଅଛି । ଆମେ ଆଫଗାନିସ୍ତାନରେ ଶାନ୍ତି ଏବଂ ସ୍ଥାୟିତ୍ବର ସମର୍ଥକ ଏବଂ ଆଫଗାନିସ୍ତାନରେ ମାନବ ଅଧିକାର ବିକାଶ କାର୍ଯ୍ୟର ତଦାରଖ କରୁଛୁ।

 ମିଳିତ ଜାତିସଂଘର ୫୪ ତମ ମାନବ ଅଧିକାର ପରିଷଦ ବୈଠକରେ ଭାରତ କହିଛି ଯେ, ଆମେ ଆଫଗାନିସ୍ତାନକୁ ୫୦ ହଜାର ମେଟ୍ରିକ୍ ଟନ୍ ଶସ୍ୟ, ୨୮ ଟନ୍ ବିପର୍ଯ୍ୟୟ ପ୍ରଶମନ ପ୍ୟାକେଜ୍, ୨ ଶହ ଟନ୍ ଔଷଧ, ଟିକା ଏବଂ ଅନ୍ୟାନ୍ୟ ଚିକିତ୍ସା ସାମଗ୍ରୀ ପଠାଇଛୁ । ଭାରତ ମିଳିତ ଜାତିସଂଘର ମାନବିକ ଅଧିକାର କାର୍ଯ୍ୟରେ ଏକ ଅଂଶୀଦାର, ଯାହା ଅଧିନରେ ଆଫଗାନିସ୍ତାନର ମହିଳା ପୁନର୍ବାସ କେନ୍ଦ୍ରକୁ ୧୧ ହଜାର ୟୁନିଟ୍ ମହିଳା ସ୍ୱାସ୍ଥ୍ୟ କିଟ୍ ଏବଂ କମ୍ବଳ ମଧ୍ୟ ପଠାଯାଇଛି । ମିଳିତ ଜାତିସଂଘ ମାନବ ଅଧିକାର କମିଶନରଙ୍କ କାର୍ଯ୍ୟାଳୟ ଉପରେ ଆଲୋଚନା ବେଳେ ଏହି ସୂଚନା ଦେଇଛି ଭାରତ । 

 ସୂଚନାଥାଉକି, ଯେ ବିଶ୍ୱ ଖାଦ୍ୟ କାର୍ଯ୍ୟକ୍ରମରେ ମଧ୍ୟ ସଙ୍କଟ ଜୁଝୁଥିବା ଆଫଗାନିସ୍ତାନର ଲୋକଙ୍କୁ ସାହାଯ୍ୟ ପଠାଇଛି ଭାରତ । ପ୍ରାୟ ଦୁଇ ବର୍ଷ ପୂର୍ବେ ତାଲିବାନ ପୁଣିଥରେ ଆଫଗାନିସ୍ତାନରେ କ୍ଷମତା ଗ୍ରହଣ କରିଥିଲା । ଏହା ପରେ ଆଫଗାନିସ୍ତାନ ଏକ ମାନବିୟ ସଙ୍କଟର ସମ୍ମୁଖୀନ ହୋଇଥିଲା। ଆଫଗାନିସ୍ତାନ ଲୋକଙ୍କୁ ଚିକିତ୍ସା ଏବଂ ଖାଦ୍ୟ ସହାୟତା ସମେତ ଭାରତ ଅନ୍ୟାନ୍ୟ ମାନବିୟ ସହାୟତା ଯୋଗାଉଛି । ଭାରତ ଠାରୁ ସାହାଯ୍ୟ ପାଇ ବେସ୍ ଉତ୍ସାହିତ ଅଛି ତାଲିବାନ । ଏଥିପାଇଁ ଭାରତକୁ କୃତଜ୍ଞତା ମଧ୍ୟ ଜଣାଇଛି ।