ନୂଆଦିଲ୍ଲୀ,୧୫/୬:ବିଧାୟିକା ପଦରୁ ଇସ୍ତଫା ଦେଲେ ସିକ୍କିମ ମୁଖ୍ୟମନ୍ତ୍ରୀ ପ୍ରେମ ସିଂହ ତମାଙ୍ଗଙ୍କ ପତ୍ନୀ କୃଷ୍ଣା କୁମାରୀ। ବିଧାୟିକା ଭାବେ ଶପଥ ଗ୍ରହଣ କରିବା ପରେ ସେ ଗୁରୁବାର ଏହି ପଦରୁ ଇସ୍ତଫା ଦେଇଛନ୍ତି । ନିକଟରେ ହୋଇଥିବା ବିଧାନସଭା ନିର୍ବାଚନରେ କୃଷ୍ଣା କୁମାରୀ ରାୟ ସିକ୍କିମ୍ ଡେମୋକ୍ରାଟିକ୍ ଫ୍ରଣ୍ଟ ର ପ୍ରାର୍ଥୀ ବିମଲ ରାୟଙ୍କୁ ପରାସ୍ତ କରି ନାମଚି- ସିନ୍ଧିଥାଙ୍ଗ୍ ଅସନରୁ ବିଜୟୀ ହୋଇଥିଲେ ।ତେବେ ସିକ୍କିମ କ୍ରାନ୍ତିକାରୀ ମୋର୍ଚ୍ଚା ର ନବ ନିର୍ବାଚିତ ବାଚସ୍ପତି ଏମ୍ ଏନ୍ ଶେରପା ନେତ୍ରୀ କୃଷ୍ଣା କୁମାରୀ ରାୟଙ୍କ ଇସ୍ତଫା ସ୍ୱିକାର କରିଛନ୍ତି ।
ଗୁରୁବାର କୃଷ୍ଣା ଏକ ଚିଠି ମାଧ୍ୟମରେ ଭୋଟରୁଙ୍କୁ ଇସ୍ତଫା ଦେବାର କାରଣ ଦର୍ଶାଇ ଲେଖିଛନ୍ତି ଯେ, 'ଏସକେଏମ୍ ଦଳର ନିଷ୍ପତ୍ତିକୁ ସମ୍ମାନ ଜଣାଇ ଏହି ନିର୍ବାଚନ ଲଢ଼ିଥିଲି । ବହୁତ ଭାରି ମନରେ ମୁଁ ଆପଣଙ୍କୁ ସୂଚିତ କରୁଛି କି ଅଧିକାରିକ ଭାବେ ନିଜ ଇସ୍ତଫା ଦେଇଛି । ମୁଁ କେବେ ବି ଭାବି ନଥିଲି ଯେ ଏତେ ଶୀଘ୍ର ରାଜନୀତିରେ ପ୍ରବେଶ କରିବି । ମୁଁ ସବୁବେଳେ ରାଜନୀତିକୁ ଏକ ସାମାଜିକ କାର୍ଯ୍ୟ ଭାବେ ଦେଖିଛି ।'ମୋର ବିଶ୍ୱାସ ଯେ ଲୋକଙ୍କ ସେବା କରିବା ପାଇଁ ମୋତେ କୌଣସି ପଦର ଆବଶ୍ୟକତା ନାହିଁ । ମୁଁ ମୋ କ୍ଷମତା ଅନୁଯାୟୀ ଲୋକଙ୍କ ସେବା କରି ଆସୁଛି ଏବଂ କରୁଥିବି ବୋଲି କହିଛନ୍ତି କୃଷ୍ଣା ।