ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

ଫେମା ଆଇନ୍‌ ଉଲ୍ଲଂଘନ ମାମଲା, ମହୁଆ ମୋଇତ୍ରଙ୍କୁ ପୁଣି ଇଡିର ସମନ

କୋଲକାତା: ଟିଏମସି ନେତ୍ରୀ ମହୁଆ ମୋଇତ୍ରଙ୍କ ପାଇଁ ଅଡ଼ୁଆ ବଢ଼ିବାରେ ଲାଗିଛି । ଫେମା ଆଇନ ଉଲ୍ଲଂଘନ ମାମଲାରେ ପୁଣି ଥରେ ମହୁହା ମୋଇତ୍ରଙ୍କୁ ସମନ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) । ଏହି ମାମଲାରେ ପଚରା ଉଚରା ଲାଗି ମହୁଆଙ୍କୁ ମାର୍ଚ୍ଚ ୧୧ ତାରିଖରେ ଡାକିଛି ଇଡି । ଏହା ପୂର୍ବରୁ କେନ୍ଦ୍ରୀୟ ତଦନ୍ତ ଏଜେନ୍ସି ଫେବୃଆରୀ ମାସରେ ମହୁଆ ମୋଇତ୍ରଙ୍କୁ ସମନ କରିଥିଲା ।  

ବିଜେପି ସାଂସଦ ନିଶିକାନ୍ତ ଦୁବେଙ୍କ ଅଭିଯୋଗ ପରେ ମହୁଆ ମୋଇତ୍ରଙ୍କ ପିଛା ଛାଡ଼ୁନାହିଁ ବିବାଦ । ନିଶିକାନ୍ତ ଦୁବେ ଅଭିଯୋଗ କରିଥିଲେ ଯେ, ବ୍ୟବସାୟୀ ଦର୍ଶନ ହୀରାନନ୍ଦାନିଙ୍କ ପାଖରୁ ଉପହାର ଏବଂ ଟଙ୍କା ନେଇ ମହୁଆ ସଂସଦରେ ପ୍ରଧାନମନ୍ତ୍ରୀ ମୋଦିଙ୍କ ଛବି ଖରାପ କରିବା ଉଦ୍ଦେଶ୍ୟରେ ଆଦାନୀ ଗ୍ରୁପ ସଂପର୍କିତ ପ୍ରଶ୍ନ ପଚାରିଥିଲେ । ଟଙ୍କା ନେଇ ରାଷ୍ଟ୍ରୀୟ ସୁରକ୍ଷାକୁ ବିପଦରେ ପକାଇଥିବା ନେଇ ମହୁଆଙ୍କ ଉପରେ ଅଭିଯୋଗ ଆଣିଥିଲେ ନିଶିକାନ୍ତ ଦୁବେ । ହେଲେ ମହୁଆ ମୋଇତ୍ର ଦାବି କରିଥିଲେ ଯେ, ଆଦାନୀଙ୍କ ଉପରେ ପ୍ରଶ୍ନ କରିବାରୁ ତାଙ୍କୁ ଟାର୍ଗେଟ କରାଯାଉଛି ।  

 ସେପଟେ ଏହି ମାମଲାରେ ମହୁଆ ମୋଇତ୍ରଙ୍କ ସଂସଦରେ ସଦସ୍ୟତା ରଦ୍ଦ ହୋଇଛି । ନିଶିକାନ୍ତ ଦୁବେ ଏହି ମାମଲାରେ ତଦନ୍ତ କରିବାକୁ ଲୋକସଭା ବାଚସ୍ପତି ଓମ ବିର୍ଲାଙ୍କ ନିକଟରେ ଦାବି କରିଥିଲେ । ଏଥିକ୍ସ କମିଟି ଏହି ଅଭିଯୋଗର ସତ୍ୟତା ଥିବା ସ୍ବୀକାର କରିବା ସହ ମହୁଆ ମୋଇତ୍ରଙ୍କ ସଦସ୍ୟତା ରଦ୍ଦ କରିବାକୁ ସୁପାରିଶ କରିଥିଲା । 

 ସୋମାବର ମହୁଆ ମୋଇତ୍ରଙ୍କୁ ଦୁଇ ଦୁଇଟି ଝଟକା ଲାଗିଛି । ଦିଲ୍ଲୀ ହାଇକୋର୍ଟ ସୋମବାର ମହୁଆଙ୍କ ପକ୍ଷରୁ ଦାଏର ଆବେଦନକୁ ଖାରଜ କରିଦେଇଛନ୍ତି ।   ନିଶିକାନ୍ତ ଦୁବେ ଏବଂ ଓକିଲ ଜୟ ଅନନ୍ତଙ୍କ ପକ୍ଷରୁ ତାଙ୍କ ବିରୁଦ୍ଧରେ କରାଯାଉଥିବା ଆପତ୍ତିଜନକ ପୋଷ୍ଟ ଉପରେ ରୋକ ଲଗାଇବାକୁ ମହୁଆ ମୋଇତ୍ର ଆବେଦନ କରିଥିଲେ ।

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.