ଲକ୍ଷ୍ନୗ: ଗ୍ରାହକଙ୍କୁ ଛେପ ଲଗାଇ ମସାଜ୍‌ କରିବା ପଡ଼ିଲା ମହଙ୍ଗା। ସେଲୁନ ମାଲିକଙ୍କୁ ଶକ୍ତ ଝଟକା ଦେଇଛି ଜିଲ୍ଲା ପ୍ରଶାସନ ।  ଭିଡିଓ ଭାଇରାଲ ହେବା ପରେ ଜିଲ୍ଲା ପ୍ରଶାସନ ପକ୍ଷରୁ ବୁଲଡୋଜର ଲଗାଇ ସେଲୁନକୁ ଭାଙ୍ଗି ଦିଆଯାଇଛି । ଏହା ସହ ସେଲୁନ ମାଲିକଙ୍କୁ ପୋଲିସ ଗିରଫ କରିଛି । ଏହି ଘଟଣା ଉତ୍ତରପ୍ରଦେଶର କନୌଜରେ ଘଟିଛି । ସରକାରୀ ସ୍ଥାନକୁ କବଜା କରିନେଇ ସେଲୁନ କରିଥିବା ୟୁସୁଫ ଗ୍ରାହକଙ୍କୁ ଛେପ ଲଗାଇ ମସାଜ କରୁଥିଲେ । 

ଗ୍ରାହକଙ୍କୁ ଇଶ୍ବରଙ୍କ ସମାନ ବୋଲି କୁହାଯାଏ । କିନ୍ତୁ ୟୁସୁଫ ନିଜ ସେଲୁନରେ ଗ୍ରାହକଙ୍କୁ ମୁହଁରେ ଛେପ ଲଗାଇ ମସାଜ କରୁଥିଲେ । ଏନେଇ ଭିଡିଓ ଭାଇରାଲ ହେବା ପରେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଜିଲ୍ଲା ପ୍ରଶାସନ । ଏହା ସହ ତାଙ୍କର ସେଲୁନକୁ ବୁଲଡୋଜର ଲଗାଇ ଭାଙ୍ଗି ଦିଆଯାଇଛି ।  ଉତ୍ତରପ୍ରଦେଶର କନୌଜ ବଜାରରେ ସରକାରୀ ଜାଗାକୁ ମାଡ଼ି ବସି ଏକ ସେଲୁନ କରିଥିଲେ ୟୁସୁଫ । କିଛି ଦିନ ପୂର୍ବେ ସେ ଗ୍ରାହକଙ୍କ ମସାଜ କରୁଥିବା ଭିଡିଓ ଭାଇରାଲ ହୋଇଥିଲା। 

ଗ୍ରାହକଙ୍କ ମୁହଁରେ ଫେସ୍‌ ପ୍ୟାକ୍‌ ଲଗାଇ ସେମାନଙ୍କର ମସାଜ କରୁଥିବା ବେଳେ ସେ ନିଜ ଛେପର ବ୍ୟବହାର କରୁଥିଲେ। ଫଳରେ ଗ୍ରାହକ କିଛି ଜାଣି ପାରୁ ନ ଥିଲେ। କିଛି ଦିନ ପୂର୍ବେ ଏହାର ଏକ ଭିଡିଓ ଭାଇରାଲ ହୋଇଥିଲା ।ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ପୋଲିସ ଏହି ମାମଲାର ଛାନଭିନ ଆରମ୍ଭ କରି ସେଲୁନଟି କନୌଜରେ ଥିବା ଜାଣିବାକୁ ପାଇଥିଲା। ଏହାପରେ ପୋଲିସ ତୁରନ୍ତ ୟୁସୁଫଙ୍କୁ ଗିରଫ କରିଥିଲ। । ଏହାପରେ ତାଙ୍କ ସେଲୁନ ଥିବା ଜାଗା ସମ୍ପର୍କରେ ଛାନଭିନ କରି ତାହା ସରକାରୀ ଜାଗାରେ ଜବରଦସ୍ତି କରାଯାଇଥିବା ଜଣାପଡ଼ିଥିଲା। ଏହାପରେ ପ୍ରଶାସନିକ ଅଧିକାରୀଙ୍କ ନିର୍ଦ୍ଦେଶକ୍ରମେ ୟୁସୁଫଙ୍କ ସେଲୁନ ଉପରେ ବୁଲଡୋଜର ଚାଲିଛି । ୟୁସୁଫ ଗିରଫ ହୋଇଥିବା ବେଳେ ତାଙ୍କର ସେଲୁନ ମାଟିରେ ମିଶିଛି ।