ମୁମ୍ବାଇ,୧୪/୬: ପୁଣି ଥରେ ଏକାଠି ନଜର ଆସିବେ ବଲିଉଡ ଅଭିନେତା ଅଜୟ ଦେବଗନ ଏବଂ ତବୁ । ଉଭୟ ଫିଲ୍ମ 'ଓରୋ ମେ କାହାଁ ଦମ ଥା' ସହ ପରଦାକୁ ଫେରୁଥିବା ବେଳେ ଆଜି ଏହି ଫିଲ୍ମର ଟ୍ରେଲର ରିଲିଜ ହୋଇଛି । ଯେଉଁଥିରେ ଦୁହିଁଙ୍କ ଲଭ କେମେଷ୍ଟ୍ରି ଦେଖିବାକୁ ମିଳିବ। ତେବେ ଏହକୁ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି । ଟ୍ରେଲର ତିନି ମିନିଟର ହୋଇଥିବା ବେଳେ ଏଥିରେ ଅଜୟ ଦେବଗନ୍ ଏବଂ ତବୁଙ୍କ ପିଲାଦିନର ଚରିତ୍ରଗୁଡ଼ିକର ସ୍ୱରରୁ ଆରମ୍ଭ ହୋଇଛି । ଏହାପରେ ଅଭିନେତାଙ୍କ ଜେଲରେ ବଢିବାର ଯାତ୍ରା ଦେଖିବାକୁ ମିଳିଛି ।
ଅଜୟ ଦେବଗନ୍ ହେଉଛନ୍ତି ଯିଏ ୨୩ ବର୍ଷ ପୂର୍ବେ ଦୁଇଟି ହତ୍ୟା ମାମଲାରେ ଜେଲ ଯାଇଛନ୍ତି । ୨୨ ବର୍ଷ ପରେ ଅଜୟ ଦେବଗନ ଏବଂ ତବୁ ମୁହାଁମୁହିଁ ହୁଅନ୍ତି ଏବଂ ପୃଷ୍ଠଭୂମିରେ ଏକ ଭାବପ୍ରବଣ ଗୀତ ଶୁଣାଯାଏ । ଟ୍ରେଲରରେ ଅଜୟ, ତବୁଙ୍କ କେମେଷ୍ଟ୍ରି ଦର୍ଶକଙ୍କ ମନ ଜିତିଥିବା ବେଳେ ଦର୍ଶକ ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି । 20 ବର୍ଷର ରୋମାଣ୍ଟିକ୍ ଡ୍ରାମାର ଏକ ନିଆରା ସଂଗୀତ ପ୍ରେମ କାହାଣୀକୁ ନେଇ ଏହା ନିର୍ମିତ ହୋଇଥିବା ଜଣାପଡିଛି । ତେବେ ଏହି ଚଳଚ୍ଚିତ୍ରର ମୂଳ ସାଉଣ୍ଡଟ୍ରାକ୍ ସଂଗୀତ ନିର୍ଦ୍ଦେଶକ ଏମ.ଏମ କିରାଭାନୀ ରଚନା କରିଥିବା ବେଳେ ଏକାଧିକ ଭାଷାରେ ଏହି ଫିଲ୍ମ ରିଲିଜ୍ ହେବ। ଅଜୟ ଏବଂ ତବୁଙ୍କ ଏହି ଫିଲ୍ମ ଆସନ୍ତା ବର୍ଷ ୨୬ ଏପ୍ରିଲ ୨୦୨୪ରେ ମୁକ୍ତିଲାଭ କରିବ । ନୀରଜ ପାଣ୍ଡେ ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ରୋମାଣ୍ଟିକ୍ ଡ୍ରାମାରେ ବ୍ଲକବଷ୍ଟର ଯୋଡି ଅଜୟ ଦେବଗନ୍ ଏବଂ ତବୁଙ୍କୁ ଦେଖିବାକୁ ମିଳିବ । ଏଥିସହ ଏହି ଚଳଚ୍ଚିତ୍ରରେ ଜିମି ଶେର୍ଗିଲ, ସାଇ ମଞ୍ଜରେକର ଏବଂ ଶାନ୍ତନୁ ମହେଶ୍ୱରୀଙ୍କ ଭଳି ଅଭିନେତାଙ୍କର ଏକ ପ୍ରମୁଖ ଅଭିନୟ ରହିଛି ।