ନୂଆଦିଲ୍ଲୀ,୧୦/୭ : ବଲିଉଡ଼ ଅଭିନେତା ବିକ୍କି କୌଶଲଙ୍କ ଚର୍ଚ୍ଚା ଏବେ ସବୁଆଡ଼େ ହେଉଛି । ତାଙ୍କ ଫିଲ୍ମ ‘ବ୍ୟାଡ଼ ନ୍ୟୁଜ୍’ ଯାହା ରିଲିଜ ହେବାକୁ ଅଛି । ସେହିଭଳି ଫିଲ୍ମର ଗୀତ ବି ଗୋଟିଏ ପରେ ଗୋଟିଏ ରିଲିଜ ହେବାକୁ ଲାଗିଛି। ଯେଉଁଥିରେ କେତେବେଳେ ତାଙ୍କ ଡ୍ୟାନ୍ସର ତାରିଫ ହେଉଥିବାବେଳେ କେବେ ତୃପ୍ତି ଡିମରୀଙ୍କ ସହ ରୋମାଣ୍ଟିକ ଗୀତର ଭାଇରାଲ ହେଉଛି । ଫିଲ୍ମ ‘ବ୍ୟାଡ ନ୍ୟୁଜ’ର ପ୍ରମୋଶନରେ ଅଭିନେତା ବ୍ୟସ୍ତ ଅଛନ୍ତି ।
ଏହି ପ୍ରମୋଶନ ମଧ୍ୟରେ ବିକ୍କି କୌଶଲଙ୍କୁ ନିଜ ଫିଲ୍ମ କ୍ୟାରିୟରର ୧୨ବର୍ଷର ଜର୍ଣ୍ଣି ମନେ ପଡ଼ି ଯାଇଛି । ପ୍ରକାଶ ଯେ, ବିକ୍କି କୌଶଲ ଆଜି ତଥା ୧୦ଜୁଲାଇରେ ହିଁ ପ୍ରଥମ ଅଡ଼ିଶନ ଦେଇଥିଲେ । ତା’ର ଫଟୋ ସେୟାର କରି ବିକ୍କି ଫ୍ୟାନ୍ସଙ୍କୁ ଥ୍ୟାଙ୍କୟୁ ଲେଖିଛନ୍ତି ।
ବିକ୍କି କୌଶଲ ଦୁଇଟି ଫଟୋ ସେୟାର କରିଛନ୍ତି ଯେଉଁଥିରେ ଗୋଟିଏରେ ଅଡ଼ିଶନର ଫଟୋ ତ ଅନ୍ୟଟିରେ ଚଳିତ ବର୍ଷ ମିଳିଥିବା ଷ୍ଟାରଡମର ଫଟୋ ଅଟେ । ବିକ୍କି ଫଟୋ ସେୟାର କରି ଲେଖିଛନ୍ତି କି, ଏହି ଦିନ ୧୨ବର୍ଷ ହୋଇଗଲା… କିଛି ବି ଗୋଟିଏ ରାତିରେ ହୋଇନାହିଁ । ସବୁବେଳେ ଆପଣଙ୍କ ପ୍ରେମ ଏବଂ ଆର୍ଶିବାଦ ଲାଗି ଅନୁଗ୍ରହ ରହିବି ’।
