ନୂଆଦିଲ୍ଲୀ: ସନରାଇଜର୍ସ ହାଇଦ୍ରାବାଦ ଆଇପିଏଲ ଇତିହାସର ଦ୍ୱିତୀୟ ସର୍ବାଧିକ ରନକୁ ଚେଜ୍ କରି ଦେଖାଇଛି। ଶନିବାର ହୋଇଥିବା ଦ୍ୱିତୀୟ ମ୍ୟାଚରେ ଦଳ ପଞ୍ଜାବ କିଙ୍ଗ ବିରୁଦ୍ଧରେ ୨୪୬ ରନର ଟାର୍ଗେଟ ମାତ୍ର ୧୮ ଓଭରରେ ହିଁ ହାସଲ କରି ଦେଖାଇଛି। ଦଳ ପକ୍ଷରୁ ଅଭିଷେକ ଶର୍ମା ୧୪୧ ରନର ପାରି ଖେଳି ନିଜର ପ୍ରଥମ ଶତକ ହାସଲ କରିଛନ୍ତି।
ହାଇଦ୍ରାବାଦ ତରଫରୁ ଟ୍ରେବିସ ହେଡ ୬୭ ରନ ବନାଇଛନ୍ତି। ସେ ଅଭିଷେକଙ୍କ ସହ ମିଶି ୧୭୧ରନର ପାର୍ଟନରସିପ ରନ ସଂଗ୍ରହ କରିଥିଲେ। ହର୍ଷଲ ପଟେଲ ୪ଟି ୱିକେଟ ହାତେଇବାରେ ସକ୍ଷମ ହୋଇଥିଲେ। ସେହିଭଳି ପଞ୍ଜାବ କିଙ୍ଗସ୍ ର କ୍ୟାପଟେନ ଶ୍ରେୟସ ଅୟର ୮୨ ରନ ସଂଗ୍ରହ କରି ଦଳକୁ ୨୪୫ ରନ ସଂଗ୍ରହ କରିବାରେ ସାହାଯ୍ୟ କରିଥିଲେ। ହାଇଦ୍ରାବାଦର ରାଜିବ ଗାନ୍ଧୀ ଷ୍ଟାଡିୟମରେ ଟସ୍ ଜିତି ପଞ୍ଜାବ ପ୍ରଥମେ ବ୍ୟାଟିଂ କରିବାକୁ ଚୟନ କରିଥିଲା।
