ନୂଆଦିଲ୍ଲୀ,୧୨/୦୪: ଆଇପିଏଲ ସିଜିନ୍ ୧୮ ଦିନକୁ ଦିନ ରୋମାଞ୍ଚକର ହେଉଛି । ଦିଲ୍ଲୀ କ୍ୟାପିଟାଲ୍ସ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ତାର ଚତୁର୍ଥ ମ୍ୟାଚରେ ଦମଦାର ବିଜୟ ହାସଲ କରିଥିଲା । ଏଥିରେ ମୁଖ୍ୟ ଭୂମିକା ତୁଲାଇଥିଲେ କ୍ଲାସି କେଏଲ ରାହୁଲ । ମ୍ୟାଚ ଜିତିବା ପରେ ସେ ଏକ ନିଆରା ଷ୍ଟାଇଲରେ ପଡ଼ିଆରେ ସେଲିବ୍ରେସନ କରିଥିଲେ । ଏ ସେଲିବ୍ରେସନ ଷ୍ଟାଇଲ କାରଣର ଖୁଲାସା କରିଛନ୍ତି କେଏଲ ରାହୁଲ ।
ଆଇପିଏଲରେ ଆରସିବି ବିପକ୍ଷ ମ୍ୟାଚରେ ଶେଷ ଯାଏଁ କ୍ରିଜରେ ରହିଥିଲେ ରାହୁଲ । ଚିନ୍ନାସ୍ବାମୀ ଷ୍ଟାଡ଼ିୟମରେ ରାହୁଲ ରାଜୁତି ଦେଖିବାକୁ ମିଳିଥିଲା । ଅପରାଜିତ ୯୩ରନ୍ର ପାଳି ଖେଳି ଦିଲ୍ଲୀକୁ ବିଜୟୀ କରାଇଥିଲେ । ଆରସିବିକୁ ତାରି ଘରେ ୬ ୱିକେଟରେ ହରାଇଥିଲା ଦିଲ୍ଲୀ ।ରାହୁଲ ଅପରାଜିତ ୫୩ ବଲରେ ୯୩ରନ୍ର ଇନିଂସ ଖେଳିଥିଲେ । ଯେଉଁଥିରେ ୭ ଚୌକା ଓ ୬ ଛକା ସାମିଲ ଥିଲା । ଛକା ମାରି ଦଳକୁ ବିଜୟୀ କରାଇଥିଲେ । ବିଜୟ ପରେ ପଡିଆରେ ରାହୁଲ ଜୋରଦାର ସେଲିବ୍ରେସନ କରିଥିଲେ ।
The way he says 'This is mine' 🥹 pic.twitter.com/DKnWv2HcmN
— Delhi Capitals (@DelhiCapitals) April 11, 2025
ଗ୍ରାଉଣ୍ଡରେ ବ୍ୟାଟ ବାଡ଼େଇ ସେ କହିଥିଲେ ଏହା ମୋ ମୈଦାନ...ମୋ ସହର... ଅନ୍ୟଙ୍କଠୁ ମୁଁ ଅଧିକ ଜାଣିଛି । ମୁଁ ଜାଣିଛି କେଉଁଠି ୧ ରନ ମିଳିବ କେଉଁଠି ୬ ରନ୍ । ଆରିସିବି ମ୍ୟାନେଜମେଣ୍ଟକୁ ସେ କିଛି କହୁଥିବା ଚର୍ଚ୍ଚା ହେଉଛି । ତାଙ୍କ ସେଲିବ୍ରେସନ ପଛରେ ୪୫୦ କୋଟି ଟଙ୍କାର ଫିଲ୍ମ 'କାନ୍ତାରା' ରହିଛି । ଏହି ମୈଦାନ ମୋ ପାଇଁ ସ୍ପେଶାଲ । ମୋ ପସନ୍ଦର ଚଳଚ୍ଚିତ୍ର କାନ୍ତାରା ଷ୍ଟାଇଲରେ ବିଜୟକୁ ସେଲିବ୍ରେଟ୍ କରିଥିଲି ବୋଲି କହିଛନ୍ତି ରାହୁଲ ।
ଅଧିକ ପଢ଼ନ୍ତୁ...IPL-2025: ଲଗାତାର ଚତୁର୍ଥ ବିଜୟ ହାସଲ କଲା ଦିଲ୍ଲୀ କ୍ୟାପିଟାଲ୍ସ; ୬ ୱିକେଟରେ ହାରିଲା ବେଙ୍ଗାଲୁରୁ
ଇଣ୍ଡିଆନ୍ ପ୍ରିିିିମିୟଲ ଲିଗ୍ର ୧୮ତମ ସଂସ୍କରଣରେ ଏଯାବତ ୨୧ଟି ଲିଗ୍ ମ୍ୟାଚ ସିରିଛି । ଭଲ ଫର୍ମରେ ରହିଛି ଦିଲ୍ଲୀ କ୍ୟାପିଟାଲ୍ସ । ଅଧିନାୟକ ଅକ୍ଷର ପଟେଲଙ୍କ ନେତୃତ୍ୱରେ ଦଳ ଭଲ ପ୍ରଦର୍ଶନ କରୁଛି । ଏଯାବତ୍ ୪ଟି ମ୍ୟାଚ ଖେଳି ସବୁ ମ୍ୟାଚ ଜିତିଛି । ୮ ପଏଣ୍ଟ ସହ ଟେବୁଲର ଦ୍ୱିତୀୟ ସ୍ଥାନରେ ରହିଛି । ଆସନ୍ତାକାଲି (ରବିବାର) ମୁମ୍ବାଇ ବିପକ୍ଷରେ ଦିଲ୍ଲୀ ତାର ପଞ୍ଚମ ମ୍ୟାଚ ଖେଳିବ । ବିଜୟଧାରା ଜାରି ରଖି ଟେବୁଲ ଶୀର୍ଷକୁ ଉଠିବାକୁ ପ୍ରୟାସ କରିବ ଦଳ ।
