ନୂଆଦିଲ୍ଲୀ: ଆଇପିଏଲର ୨୭ତମ ମ୍ୟାଚରେ ପଞ୍ଜାବ କିଗ୍ସ, ସନରାଇଜର୍ସ ହାଇଦ୍ରାବାଦକୁ ୨୪୬ ରନର ଟାର୍ଗେଟ ଦେଇଛି। ହାଇଦ୍ରାବାଦର ରାଜିବ ଗାନ୍ଧୀ ଷ୍ଟାଡିୟମରେ ଟସ୍ ଜିତି ପଞ୍ଜାବ ପ୍ରଥମେ ବ୍ୟାଟିଂ କରିବାକୁ ଚୟନ କରିଥିଲା। ଦଳ ୬ ୱିକେଟ ବିନିମୟରେ ୨୪୫ ରନ ସଂଗ୍ରହ କରିଥିଲା। ଶ୍ରେୟସ ଆୟର ଦଳ ପକ୍ଷରୁ ସର୍ବାଧିକ ୮୨ ରନ ସଂଗ୍ରହ କରିଛନ୍ତି। ହାଇଦ୍ରାବାଦ ପକ୍ଷରୁ ହର୍ଷଲ ପଟେଲ ୪ ୱିକେଟ ହାତେଇବାରେ ସକ୍ଷମ ହୋଇଛନ୍ତି।
ଶେଷ ଓଭରରେ ମାର୍କସ ଷ୍ଟୋୟନିଶ, ମହମ୍ମଦ ଶାମିଙ୍କ ବିପକ୍ଷରେ ଲଗାତାର ୪ ଛକା ମାରି ଦଳକୁ ୨୪୫ ରନରେ ପହଞ୍ଚାଇ ଦେଇଥିଲେ। ଷ୍ଟୋୟନିଶ ୧୧ ବଲରେ ମୋଟ ୩୪ ରନ ସଂଗ୍ରହ କରିଥିଲେ। ପ୍ରଭସୀମରନ ସିଂହ ୪୨ ଓ ପ୍ରିୟାଂଶ ଆର୍ୟା ୩୬ ରନ ସଂଗ୍ରହ କରିଛନ୍ତି। ହାଇଦ୍ରାବାଦ ପକ୍ଷରୁ ଇଶାନ ମାଲିଙ୍ଗାଙ୍କୁ ୨ଟି ୱିକେଟ ମିଳିଛି।
