ନୂଆଦିଲ୍ଲୀ: ଏମଏସ ଧୋନିଙ୍କ କ୍ୟାପଟେନ୍ସି ମଧ୍ୟରେ ଚେନ୍ନାଇ ସୁପର କିଙ୍ଗ ପରାଜୟର ସାମ୍ନା କରିଛି। ଶୁକ୍ରବାର ହୋଇଥିବା ମ୍ୟାଚରେ କୋଲକାତା ନାଇଟ ରାଇଡର୍ସ ଚେନ୍ନାଇକୁ ୮ ୱିକେଟରେ ହରାଇ ଦେଇଛି। ଚେପକ ଷ୍ଟାଡିୟମରେ ପ୍ରଥମ ବ୍ୟାଟିଂ କରି ଚେନ୍ନାଇ ୯ ୱିକେଟ ହରାଇ ୧୦୩ ରନ ସଂଗ୍ରହ କରିଥିଲା। କେକେଆର ମାତ୍ର ୧୦.୧ ଓଭରରେ ୨ ୱିକେଟ ହରାଇ ଟାର୍ଗେଟ ହାସଲ କରିନେଇଥିଲା।
କୋଲକାତା ପକ୍ଷରୁ ସୁନିଲ ନରେନ ଜବରଦସ୍ତ ପ୍ରଦର୍ଶନ କରିଛନ୍ତି। ସେ ପ୍ରଥମ ପାଳିରେ ବୋଲିଂ କରି ୧୩ ରନ ଦେଇ ୩ଟି ୱିକେଟ ହାସଲ କରିଥିଲେ। ଅନ୍ୟପଟେ ସେ ମାତ୍ର ୧୮ ବଲରେ ୪୪ ରନର ଜବରଦସ୍ତ ପାଳି ଖେଲି ଦଳକୁ ବିଜୟର ଦ୍ୱାରଦେଶରେ ପହଞ୍ଚାଇ ଦେଇଥିଲେ। ଦଳ ପକ୍ଷରୁ ବରୁଣ ଚକ୍ରବର୍ତ୍ତୀ ଓ ହର୍ଷିତ ରାଣାଙ୍କୁ ମଧ୍ୟ ୨-୨ଟି ୱିକେଟ ମିଳିଛି। ବୈଭବ ଅରୋଡା ଓ ମୋଇନ ଅଲ୍ଲୀଙ୍କୁ ୧-୧ ୱିକେଟ ହାସଲ କରିଛନ୍ତି।
ଚେନ୍ନାଇର କ୍ରମାଗତ ପଞ୍ଚମ ପରାଜୟ
ଆଇପିଏଲର ୧୮ତମ ସିଜିନରେ, ୫ ଥର ଚାମ୍ପିଅନ ଚେନ୍ନାଇ ସୁପର କିଙ୍ଗ୍ସର ଫର୍ମ ବହୁତ ଖରାପ ଅଛି। ଚଳିତ ଟୁର୍ଣ୍ଣାମେଣ୍ଟରେ ଦଳ ଲଗାତାର ପଞ୍ଚମ ପରାଜୟ ବରଣ କରିଛି। ୬ଟି ମ୍ୟାଚ୍ ରୁ ମାତ୍ର ଗୋଟିଏ ବିଜୟ ସହିତ, ଦଳ ପଏଣ୍ଟ ଟେବୁଲରେ ୯ମ ସ୍ଥାନରେ ରହିଛି। କୋଲକାତା ୬ ମ୍ୟାଚ୍ ରେ ତୃତୀୟ ବିଜୟରୁ ୬ ପଏଣ୍ଟ ସହିତ ଶୀର୍ଷ-୩ରେ ପହଞ୍ଚିଛି।
ଚେପକରେ ସିଏସକେର ସର୍ବନିମ୍ନ ସ୍କୋର
ଆଇପିଏଲରେ ଚେପକ ଗ୍ରାଉଣ୍ଡରେ ସିଏସକେର ଏହା ସର୍ବନିମ୍ନ ସ୍କୋର। ପୂର୍ବରୁ, ଦଳ ୨୦୧୯ରେ ମୁମ୍ବାଇ ବିପକ୍ଷରେ କେବଳ ୧୦୯ ରନ୍ କରିପାରିଥିଲା। ଯେ କୌଣସି ଗ୍ରାଉଣ୍ଡରେ ସିଏସକେର ସର୍ବନିମ୍ନ ସ୍କୋର ହେଉଛି ୭୯। ଦଳ ୨୦୧୩ରେ ମୁମ୍ବାଇ ବିପକ୍ଷରେ ଏହି ସର୍ବନିମ୍ନ ରନ୍ ସଂଗ୍ରହ କରିଥିଲା।
