ନୂଆଦିଲ୍ଲୀ, ୦୪/୦୯: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ହେବାକୁ ଥିବା ଜି୨୦ ଶିଖର ସମ୍ମିଳନୀରେ ବଡ଼ ବଡ଼ ଦେଶର ରାଷ୍ଟ୍ରମୁଖ୍ୟ ସାମିଲ୍ ହେବେ । ତେବେ ପଡ଼ୋଶୀ ଚୀନ ରାଷ୍ଟ୍ରପତି ସି ଜିନପିଙ୍ଗ୍ ଜି୨୦ ବୈଠକରେ ସାମିଲ୍ ହେବେ ନାହିଁ । ଜିନପିଙ୍ଗଙ୍କ ବଦଳରେ ଚୀନ ପ୍ରଧାନମନ୍ତ୍ରୀ ଲି କିୟାଙ୍ଗେ ଆସିବେ ବୋଲି ବିଦେଶ ମନ୍ତ୍ରଣାଳୟ ସ୍ପଷ୍ଟ କରିଛି ।
ନ୍ୟୁୟର୍କ ଟାଇମ୍ସର ରିପୋର୍ଟ ମୁତାବକ, ଚୀନ ଏବେ ସମସ୍ୟାରେ ବୁଡ଼ି ରହିଛି । ଏଭଳି ସ୍ଥିତି ହୋଇଛି ଯେ, ଡ୍ରାଗନ ଗୁଇନ୍ଦା ଉପରେ ପୂରା ନିର୍ଭର କରୁଛି । ଦେଶରେ ବିଦ୍ରୋହ ତେଜୁଥିବା ବେଳେ ଆର୍ଥିକ ଅସ୍ଥିରତା ଦେଖା ଦେଇଛି । ଏଭଳି ସ୍ଥିତିରେ ବିଦେଶ ଗସ୍ତରେ ଯିବାରୁ ନିବୃତ୍ତ ରହୁଛନ୍ତି ଚୀନ ରାଷ୍ଟ୍ରପତି ।
‘ଘାଟି ଛାଡ଼ି ଦିଲ୍ଲୀ ଚାଲ୍’… G20 ପୂର୍ବରୁ କାଶ୍ମୀର ମୁସଲମାନଙ୍କୁ ଉସୁକାଉଛି ଖଲିସ୍ତାନୀ
ନିକଟରେ ଦକ୍ଷିଣ ଆଫ୍ରିକାରେ ହୋଇଥିବା ବ୍ରିକ୍ସ ସମ୍ମିଳନୀକୁ ପିଏମ୍ ମୋଦୀ ଯାଇଥିବା ବେଳେ ସି ଜିନପିଙ୍ଗ ମଧ୍ୟ ସାମିଲ୍ ହୋଇଥିଲେ । ଆଗକୁ ଜିନପିଙ୍ଗ ଏଏସ୍ଇଏଏନ୍ ଓ ଇଷ୍ଟ ଏସିଆ ସମ୍ମିଳନୀରେ ଭାଗ ନେବେ ନାହିଁ । ଜିନପିଙ୍ଗଙ୍କ ଏଭଳି ନିଷ୍ପତ୍ତି ତାଙ୍କ ପ୍ରତି ଅଲଗା ବାର୍ତ୍ତା ଦେଉଛି ।
ପାଶ୍ଚାତ୍ୟ ରାଷ୍ଟ୍ର ସହ ଚୀନର ସମ୍ପର୍କ ସେତେଟା ଭଲ ନଥିବା ବେଳେ ଅନ୍ତର୍ଜାତୀୟ ମଞ୍ଚରେ କାଳେ କିଏ କଣ କହିଦେବ ତାକୁ ନେଇ ଜିନିପିଙ୍ଗ ଚିନ୍ତିତ ଅଛନ୍ତି । ଆଉ ସେଭଳି ହେଲେ ଏହାର ପ୍ରଭାବ ଦେଶର ପଡ଼ିବ । ହାତରୁ କ୍ଷମତା ଖସିଯିବାର ଭୟ ଜିନପିଙ୍ଗଙ୍କୁ ଘାରିଛି ।
ନିକଟରେ ଚୀନ ବିଦେଶ ମନ୍ତ୍ରୀଙ୍କ ସହ ୨ ଜଣ ବରିଷ୍ଠ ଜେନେରାଲଙ୍କୁ ପଦରୁ ଅବ୍ୟାହତି ଦେଇଥିଲା । ତେଣୁ ବିଦେଶ ଗସ୍ତ ଠାରୁ ଜିନପିଙ୍ଗ ଦୂରେଇ ରହିବା ଶ୍ରେୟସ୍କର ମନେ କରୁଛନ୍ତି । ଏଥିସହ ଜିନପିଙ୍ଗଙ୍କୁ ବିଦେଶୀ ଗୁଇନ୍ଦାର ଡର ମଧ୍ୟ ଗୋଡ଼ାଉଛି ।
ଦ୍ୱିତୀୟ ଥର ପାଇଁ ଲ୍ୟାଣ୍ଡର ବିକ୍ରମର ସଫ୍ଟ ଲ୍ୟାଣ୍ଡିଂ କଲା ଇସ୍ରୋ, ଆଗକୁ ଚନ୍ଦ୍ରକୁ ଯିବ ମଣିଷ !
ଏହା ଛଡ଼ା ଭାରତ ସହ ଚୀନର ସୀମା ବିବାଦକୁ ନେଇ ଲାଗି ରହିଛି ତିକ୍ତତା । ଏଲଏସି ଅତିକ୍ରମଣ ରୋକିବାକୁ ବାରମ୍ବାର ବୈଠକ ହେଉଥିବା ବେଳେ ସୁଫଳ ମିଳିନି । ଏସବୁ ଦୃଷ୍ଟିରୁ ସି ଜିନପିଙ୍ଗ ଭାରତ ଆସି ଜି୨୦ ସମ୍ମିଳନୀରେ ସାମିଲ୍ ହୋଇ ନଥିବା କୁହାଯାଉଛି ।