କଲମ୍ବୋ, ୧୮/୦୯: ଭାରତ ଏସିଆ କପ୍-୨୦୨୩ର ବିଜେତା ହୋଇଛି । ରବିବାର କଲମ୍ବୋରେ ଖେଳା ଯାଇଥିବା ମ୍ୟାଚରେ ଶ୍ରୀଲଙ୍କାକୁ ୧୦ ୱିକେଟରେ ହରାଇଛି ଭାରତ । ଭାରତୀୟ ଦଳ ଅଷ୍ଟମଥର ଲାଗି ଏସିଆ କପ୍ ଚାମ୍ପିଅନ୍ ହୋଇଛି । ସପ୍ତମ ଥର ପାଇଁ ଶ୍ରୀଲଙ୍କା ଟ୍ରଫି ଜିତିବାର ଆଶା ରଖିଥିବା ବେଳେ ସ୍ୱପ୍ନ ଭାଙ୍ଗି ଯାଇଛି ।
ଫାଇନାଲ୍ ମୁକାବିଲାରେ ଭାରତୀୟ ବ୍ୟାଟ୍ସମ୍ୟାନ୍ ଯେଭଳି ଖେଳିଲେ ସେଥିରେ ଖୋଦ୍ ଶ୍ରୀଲଙ୍କା ଅଧିନାୟକ ଦାସୁନ ଶନାକା ବେଶ୍ ନିରାଶ ହୋଇ ପଡ଼ିଛନ୍ତି । ହାରିବା ପରେ ପ୍ରଶଂସକଙ୍କୁ କ୍ଷମା ପ୍ରାର୍ଥନା କରିଛନ୍ତି ଶନାକା । ଶ୍ରୀଲଙ୍କା ଅଧିନାୟକଙ୍କ ଅନୁସାରେ, ବ୍ୟାଟିଂ ପାଇଁ ପିଚ୍ ଅନୁକୂଳ ରହିଥିଲା । କିନ୍ତୁ ଓଭରଫାଷ୍ଟ କଣ୍ଡିସନ୍ ପାଇଁ ସବୁକିଛି ବଦଳି ଗଲା ।
ଏସିଆ କପ୍: କଲମ୍ବୋ ଗ୍ରାଉଣ୍ଡ ଷ୍ଟାଫଙ୍କୁ ‘ପ୍ରାଇଜ୍ ମନି’ ଦାନ କଲେ ମହମ୍ମଦ ସିରାଜ
ମ୍ୟାଚ୍ ପରେ ଶନାକା କହିଛନ୍ତି, ସିରାଜ ଭଲ ବୋଲିଂ କରିଛନ୍ତି । ମୁଁ ଭାବିଥିଲି ଏହା ବ୍ୟାଟ୍ସମ୍ୟାନଙ୍କ ଲାଗି ଭଲ ପିଚ୍ ହେବ । କିନ୍ତୁ ବାଦଲ ଢାଙ୍କି ହୋଇ ରହିବା ଯୋଗୁ ସବୁକିଛି ବଦଳି ଗଲା । ଆମେ ଆଉ ଟିକିଏ ସଜାଡ଼ି ହୋଇ ପାରିଥାନ୍ତୁ । ବ୍ୟାଟ୍ସମ୍ୟାନଙ୍କୁ ଆକ୍ରାମଣାତ୍ମକ ସଟ୍ ଖେଳିବା ଲାଗି ସାହାଯ୍ୟ କରି ପାରିଥାନ୍ତୁ ।
ଶ୍ରୀଲଙ୍କା ଟିମର ପ୍ରଶଂସକଙ୍କୁ କ୍ଷମ ମାଗି ଶନାକା କହିଛନ୍ତି, ଆମେ ଜାଣିଛୁ କଠିନ ପରିସ୍ଥିତିରୁ କିଭଳି ଉଠିବାକୁ ହେବ । ଆମେ ଭଲ ଟିମକୁ ପରାସ୍ତ କରି ଫାଇନାଲରେ ପହଞ୍ଚି ଥିଲୁ । ଯାହାକି ବଡ଼ ପ୍ଲସ ପଏଣ୍ଟ ଅଟେ । ଆମ ଖେଳାଳି ବିଗତ କିଛିବର୍ଷ ହେଲା ଭଲ ଖେଳୁଛନ୍ତି । ବହୁତ ସଂଖ୍ୟାରେ ମ୍ୟାଚ୍ ଦେଖିବାକୁ ଆସିଥିବାରୁ ଧନ୍ୟବାଦ । ଆମେ ଆପଣମାନଙ୍କୁ ନିରାଶ କରିଥିବାରୁ ଦୁଃଖିତ, ଜିତିବା ଲାଗି ଭାରତକୁ ଶୁଭେଚ୍ଛା ।
ଏସିଆ କପ୍ ୨୦୨୩ର ଚାମ୍ପିୟନ ହେଲା ଭାରତ; ୮ଥର ଜିତିଲା ଟାଇଟଲ୍
ସେପଟେ ଏସିଆ କପ୍ ଟ୍ରଫ୍ ଅକ୍ତିଆର କରିବା ପରେ ରୋହିତ କହିଛନ୍ତି, ଆମେ ଟୁର୍ଣ୍ଣାମେଣ୍ଟରେ ଯାହା ବି କରିଛୁ ଏକ ଦଳ ଭାବେ । ଭାରତ ଏବେ ହେବାକୁ ଥିବା ସିରିଜ୍ ଓ ବିଶ୍ୱକପ୍ ଅପେକ୍ଷାରେ ରହିଛି । ଫାଇନାଲର ପ୍ରଦର୍ଶନ ଉତ୍ସାହଜନକ ରହିଛି । ସିରାଜଙ୍କୁ ଶ୍ରେୟ ଦିଆଯିବା ଉଚିତ୍ ।