ଜୟପୁର, ୦୭/୦୯: ଆମ ଦେଶରେ ଜୀବନ ହାରିବା ପାଇଁ ଅନେକ ସମୟରେ କେହି କେହି ବିଷ ପିଇଥାନ୍ତି । ବିଷ ପିଇବା ପରେ କାହାର ମୃତ୍ୟୁ ହୁଏ ତ ଆଉ କିଏ ବଞ୍ଚିଯାଏ । ବିଷପାନ କରିଥିବା ଲୋକଙ୍କ ଦେହରୁ ବିଷ ବାହାର କରିବା ଲାଗି ପଟାସ ପାଣି ପିଇବାକୁ ଦିଆଯାଏ । ଏହା ପରେ ବାନ୍ତି ହେଲେ ବାହାରି ଯାଇଥାଏ ବିଷ ।

ତେବେ ଆମେ ଆପଣଙ୍କୁ କହିବାକୁ ଯାଉଥିବା ଘଟଣା ଟିକିଏ ଭିନ୍ନ । ରାଜସ୍ଥାନର ପାଲିରେ ଚାଷୀଙ୍କ ସହ ଘଟିଥିବା ଏ ଘଟଣା ସମସ୍ତଙ୍କୁ ଚକିତ କରି ଦେଇଛି । ଫସଲ କ୍ଷେତରେ ପୋକ ମାରିବାକୁ ଜଣେ ଚାଷୀ କୀଟନାଶକ ସିଞ୍ଚନ କରୁଥିଲେ । ଅସାବଧନତା ବଶତଃ ତାଙ୍କ ଶରୀରକୁ କୀଟନାଶକ ଚାଲି ଯାଇଥିଲା । ଫଳରେ ସେ ଅସୁସ୍ଥ ହୋଇ ପଡ଼ିଥିଲେ । 

NPCI ଆଣିଲା ନୂଆ ଫିଚର, ଫୋନ୍ କଲରେ କରି ପାରିବେ UPI ଟ୍ରାଞ୍ଜାକ୍ସନ୍

ପରିବାର ଲୋକ ତାଙ୍କୁ ମେଡିକାଲ ନେଇ ଯାଇଥିଲେ । କୀଟନାଶକ ଏତେ ବିଷାକ୍ତ ଥିଲା ଯେ ଜୀବନ ବିପଦରେ ପଡ଼ିଥିଲା । ଚାଷୀ ଜଣଙ୍କୁ ବଞ୍ଚାଇବା ଲାଗି ଡାକ୍ତର କରିଥିଲେ ପ୍ରାଣମୂର୍ଚ୍ଛା ଉଦ୍ୟମ । ୨୪ ଦିନରେ ଚାଷୀଙ୍କୁ ଡାକ୍ତର ଦେଇଥିଲେ ୫ ହଜାର ଇଞ୍ଜେକ୍ସନ୍ । ୬୦୦ ଏମ୍ଏଲ୍ ବିଷ କାଟିବାକୁ ପ୍ରତିଦିନ ଚାଷୀଙ୍କୁ ୨୦୮ଟି ଇଞ୍ଜେକ୍ସନ୍ ଦିଆ ଯାଉଥିଲା । ଏବେ ଚାଷୀ ଜଣଙ୍କ ସ୍ୱାସ୍ଥ୍ୟାବସ୍ଥି ଠିକ୍ ରହିଛି ।

ଚିକିତ୍ସା ବେଳେ ଡାକ୍ତର ଚାଷୀଙ୍କ ତଣ୍ଟିରେ ଅକ୍ସିଜେନ୍ ଦେଇଥିଲେ । କାରଣ ବିଷର ଜ୍ୱାଳା ଏତେ ଥିଲା ଯେ, ଚାଷୀ ଜଣଙ୍କ ନିଶ୍ୱାସ ପ୍ରଶ୍ୱାସ ନେଇ ପାରୁ ନଥିଲେ । ଫଳରେ ତାଙ୍କୁ ଏଣ୍ଟିଡୋଟ୍ ଡ୍ରଗ୍ ଏଣ୍ଟ୍ରୋପିନ୍ ଇଞ୍ଜେକ୍ସନ୍ ଦିଆଯାଇଥିଲା । ବିଷ କାଟିବାକୁ ଦିନକୁ ୨୦୮ ଇଞ୍ଜେକ୍ସନ୍ ସହ ଔଷଧ ଦିଆ ଯାଉଥିଲା । 

ଧରାପଡ଼ିଲେ କୋଟିପତି ଅବକାରୀ ଏଏସଆଇ, ନଗଦ ୧ ଲକ୍ଷ ୩୫ ହଜାର ଟଙ୍କା ଓ ୩୦୦ ଗ୍ରାମର ସୁନା ଜବତ

ଏଭଳି ଏକ ମାମଲା ପୂର୍ବରୁ ଆମେରିକାରେ ଆସିଥିଲା । ସେତେବେଳେ ଜଣେ ବ୍ୟକ୍ତିଙ୍କ ଶରୀରରେ ମିଳିଥିଲା ୩୦୦ ଏମ୍ଏଲ୍ କୀଟନାଶକ । ଉକ୍ତ ବ୍ୟକ୍ତି ଜଣଙ୍କୁ ୮ ଦିନରେ ପ୍ରାୟ ୭୬୦ଟି ଇଞ୍ଜେକ୍ସନ୍ ଦିଆ ଯାଇଥିଲା ।