ରାୟଗଡ଼ା,୨୫/୦୮: ଘର କାନ୍ଥ ତଳେ ଚାପି ହୋଇ ପ୍ରାଣ ହରାଇଲେ ୧୨ ବର୍ଷର ନାବାଳିକା । ଏହି ଦୁର୍ଘଟଣାରେ ପରିବାରର ୪ ଜଣ ଆହତ ହୋଇଛନ୍ତି । ମୃତ ନାବାଳିକା ଜଣକ ସିମନ୍ତୀ କାଡ୍ରା ବୋଲି ଜଣା ପଡ଼ିଛି । ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ କୁଲୁମୁହିଁ ଗାଁରେ ଏହି ଅଘଟଣ ଘଟିଛି । 

ସୂଚନା ଅନୁଯାୟୀ, ଶନିବାର ରାତିରେ ସିମନ୍ତୀ କାଡ୍ରା ତାଙ୍କ ପରିବାରର ୪ଜଣ ସଦସ୍ୟଙ୍କ ସହ ଘରେ ଶୋଇଥିଲେ । ଏହି ସମୟରେ ଘରର କାନ୍ଥଟି ହଠାତ ଭାଙ୍ଗି ସେମାନଙ୍କ ଉପରେ ପଡ଼ିଥିଲା ।  ଫଳରେ କାନ୍ଥ ତଳେ ଚାପି ହୋଇ ପ୍ରାଣ ହରାଇଲେ ସିମନ୍ତୀ । ଏହି ଦୁର୍ଘଟଣାରେ ଅନ୍ୟ ୪ ଜଣ ଆହତ ହୋଇଛନ୍ତି । ଆହତଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଇଛନ୍ତି ପରିବାର ଲୋକେ । ଏହି ଘଟଣା ବିଷୟରେ ପରିବାର ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।