ନୂଆଦିଲ୍ଲୀ,୨୩/୦୨: ଜାମ୍ମୁ କାଶ୍ମୀରରେ ମର୍ମନ୍ତୁଦ ଦୁର୍ଘଟଣା। ଖାଇକୁ ଖସିଲା ଯାତ୍ରୀବାହି ବସ୍ । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ୧୯ ଜଣ ଆହତ ହୋଇଛନ୍ତି । ତେବେ ତୀର୍ଥଯାତ୍ରୀ ବସ୍ଟି ବୈଷ୍ଣୋଦେବୀଙ୍କ ଦର୍ଶନ କରି ଯାତ୍ରାକରୁଥିବା ବେଳେ ଏହି ଘଟଣା ଘଟିଛି । ସେପଟେ ଏହି ଘଟଣାକୁ ନେଇ ଜାମ୍ମୁ କାଶ୍ମୀର ମୁଖ୍ୟମନ୍ତ୍ରୀ ଉମର ଅବଦୁଲ୍ଲା ଦୁଃଖ ପ୍ରକାଶ କରିଛନ୍ତି ।
ବର୍ତ୍ତମାନ ସମସ୍ତ ଯାତ୍ରୀଙ୍କୁ ଇଦ୍ଧା଼ର କରାଯାଇ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ଜାମ୍ମୁର ଏସଏସପି କହିଛନ୍ତି ଯେ, ଏହି ବସଟି କଟରାରୁ ଜାମ୍ମୁ ଯାଉଥିଲା। ଏଥିରେ ୧୯ ଜଣ ଯାତ୍ରୀ ଯାତ୍ରା କରୁଥିଲେ । ଏଥିରୁ ସମସ୍ତଙ୍କୁ ଉଦ୍ଧାର କରାଯାଇଛି । କିନ୍ତୁ ବସ୍ ଡ୍ରାଇଭର ଏବେବି ଫସି ରହିଥିବା ବେଳେ ତାଙ୍କୁ ଉଦ୍ଧାର କରିବା ପାଇଁ ଉଦ୍ଧାର କାର୍ଯ୍ୟ ଜାରି ରହିଛି । ଯଦିଓ କାଶ୍ମୀର ମୁଖ୍ୟମନ୍ତ୍ରୀଙ୍କ ଅନୁସାାରେ ବସ୍ ଡ଼୍ରାଇଭରଙ୍କ ମୃତ୍ୟୁ ହୋଇଛି ।
ରିପୋର୍ଟ ଅନୁସାରେ, ବସ୍ ଡ଼୍ରାଇଭର ଜଣଙ୍କ ଭାରସାମ୍ୟ ହରାଇ ଖାଇରେ ଖସି ପଡିଥିଲା । ଏନେଇ ଖବର ପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ସୁରକ୍ଷିତ ଭାବରେ ଉଦ୍ଧାର କରିଛି । କିନ୍ତୁ ଡ଼୍ରାଇଭର ଜଣକ ଫସି ରହିଥିବା ବେଳେ ତାଙ୍କର ମୃତ୍ୟୁ ହୋଇଛି । ପୋଲିସ ମୁତାବକ, ଏପର୍ଯ୍ୟନ୍ତ ଆହତଙ୍କ ଚିକିତ୍ସା ଜାରି ରଙିଛି ।
