ଜୟପୁର,୨୨/୦୨: ବିବାଦୀୟ ବାୟନକୁ ନେଇ ଏବେ ରାଜନୀତି ଜୋରଦାର ହେଉଛି । ଇନ୍ଦିରା ଗାନ୍ଧୀଙ୍କ ଉପରେ ଦିଆଯାଇଥିବା ବିବାଦୀୟ ଟିପ୍ପଣୀ ଉପରେ ଚାଲିଥିବା ହଙ୍ଗାମା ତାର ସଦ୍ୟତମ ଉଦାହରଣ । ରାଜସ୍ଥାନରେ କଂଗ୍ରେସ ଓ ବିଜେପି ବିଧାୟକଙ୍କ ମଧ୍ୟରେ ହାଇଡ୍ରାମା ଦେଖିବାକୁ ମିଳିଛି । ଖାଲି ସେତିକି ନୁହେଁ ଉଠୁଛି ପଡୁଛି ରାଜସ୍ଥାନ ବିଧାନସଭା ପରିସର । ବିଜେପି ନେତା ଅଭିନାଶ ଗେହଲଟ ବିଧାନସଭା ଅଧିବେଶନରେ ଇନ୍ଦିରା ଗାନ୍ଧୀଙ୍କ ଉପରେ ଏକ ବିବାଦୀୟ ଟିପ୍ପଣୀ ଦେଇଥିଲେ । ଏହାକୁ ନେଇ ବିଧାନସଭାରେ କଂଗ୍ରେସ ବିଧାୟକମାନେ ହଙ୍ଗାମା ଆରମ୍ଭ କରି ଦେଇଥିଲେ । ଏହାପରେ ୬ ବିଧାୟକ ନିଲମ୍ବିତ ହୋଇଥିଲେ । ଏହାକୁ ପ୍ରତ୍ୟାହାର ଦାବିରେ ନିଆରା ଡଙ୍ଗରେ ପ୍ରତିବାଦ କରିଛନ୍ତି କଂଗ୍ରେସ ବିଧାୟକ । ଆଜି ରାଜସ୍ଥାନ ପ୍ରଦେଶ କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି ।
କଣ ପୂରା ମାମଲା ? ରାଜସ୍ଥାନ ବିଧାନସଭା ଅଧିବେଶନରେ ମନ୍ତ୍ରୀ ତଥା ବିଜେପି ନେତା ଅଭିନାଶ ଗେହଲଟ ଇନ୍ଦିରା ଗାନ୍ଧୀଙ୍କ ଉପରେ 'ଦାଦି' ଟିପ୍ପଣୀ ଦେଇଥିଲେ । ଏହାକୁ ନେଇ ହଙ୍ଗାମା ଆରମ୍ଭ ହୋଇଥିଲା । ପୂର୍ବତନ ପ୍ରଧାନମନ୍ତ୍ରୀଙ୍କ ପ୍ରତି ଏହା ଅପମାନ ବୋଲି କହିଥିଲା କଂଗ୍ରେସ । ଏହାକୁ ବିରୋଧ କରି ଜୋରଦାର ହଙ୍ଗମା କରିଥିଲେ କଂଗ୍ରେସ ବିଧାୟକ ଦଳ । ଏହାପରେ ୬ ଜଣ କଂଗ୍ରେସ ବିଧାୟକଙ୍କୁ ନିଲମ୍ବିତ କରାଯାଇଥିଲା । ସେମାନଙ୍କ ମଧ୍ୟରେ କଂଗ୍ରେସ ମୁଖ୍ୟ ଗୋବିନ୍ଦ ଡୋଟାସରା ଥିଲେ । ନିଲମ୍ବନ ପ୍ରତ୍ୟାହାର ଦାବି କରି ବିଧାନସଭା ପରିସରରେ ବିକ୍ଷୋଭ ପ୍ରଦର୍ଶନ କରିଥିବା କଂଗ୍ରେସ ବିଧାୟକ ।
ଏହି ସମୟରେ ଏକ ରୋଚକ ଦୃଶ୍ୟ ଦେଖିବାକୁ ମିଳିଥିଲା । ରାତିସାରା ବିଧାନସଭା ପରିସରରେ ପ୍ରତିବାଦ କରିଥିଲେ । ତୁରନ୍ତ ନିଲମ୍ବନ ପ୍ରତ୍ୟାହାର କର ଦାବି କରିଥିଲେ । କମ୍ବଳ, ଚାଦର ଓ ତକିଆ ପକାଇ କଂଗ୍ରେସ ବିଧାୟକ ବିଧାନସଭାରେ ରାତିସାରା ଶୋଇଥିଲେ । କିଛି ବିଧାୟକ ବିଧାନସଭା ଭିତରେ ଭଜନ କୀର୍ତ୍ତନ କରିଥିବା ଦେଖିବାକୁ ମିଳିଥିଲା ।
ଅଧିକ ପଢନ୍ତୁ...୨୪ରୁ ଦିଲ୍ଲୀ ବିଧାନସଭାର ସ୍ୱତନ୍ତ୍ର ଅଧିବେଶନ, ଆଗତ ହେବ ସିଏଜି ରିପୋର୍ଟ
ଅନ୍ୟପଟେ ଜୟପୁର ବିଜେପି ପ୍ରଭାରୀ ରାଧା ମୋହନ ଦାସ ଅଗ୍ରୱାଲ କହିଛନ୍ତି କି, 'ଦାଦି' ଏକ ସମ୍ମାନଜନକ ଶଦ୍ଦ । ଇନ୍ଦିରା ଗାନ୍ଧୀଙ୍କ ବିବାହ ପାର୍ସୀ ସମାଜରେ ହୋଇଥିଲା । ଆମେ ଖବର ନେବୁ ପାର୍ସୀରେ ଏହାକୁ କଣ କୁହାଯାଏ । ତାହା ଆମେ କହିବୁ । ହିନ୍ଦୁ ସାମାଜରେ 'ଦାଦି' ଏକ ସମ୍ମାନଜନକ ଶଦ୍ଦ ।
