ନୂଆଦିଲ୍ଲୀ,୨୩/୦୨: ଭୂକମ୍ପ ଥରିଲା ହିମାଚଳ ପ୍ରଦେଶର ମଣ୍ଡି । ଯାହାର ରିକ୍ଟର ସ୍କେଲରେ  ତୀବ୍ରତା ୩.୭ ରେକର୍ଡ କରାଯାଇଛି ।    ଆଜି  ସକାଳ ୮.୪୨ ମିନିଟରେ ହୋଇଥିବା ଜଣାପଡିଛି । ଭୂକମ୍ପ ପରେ ଲୋକମାନେ ଭୟଭୀତ ତୁରନ୍ତ ଘରୁ ବାହାରକୁ ଦୌଡ଼ି ପଳାଇଥିଲେ । 

ଏହା ମଧ୍ୟ ପଢନ୍ତୁ- 'AIକୁ ନେଇ ବିଶ୍ବରେ ପ୍ରଶଂସା ସାଉଁଟିଛି ଭାରତ', ମନ୍ କି ବାତରେ କହିଲେ ପିଏମ ମୋଦି

ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଭୂମିକମ୍ପର କେନ୍ଦ୍ରସ୍ଥଳ ୭ କିଲୋମିଟର ଗଭୀରତାରେ ଥିଲା। ଏପର୍ଯ୍ୟନ୍ତ କୌଣସି ଜୀବନହାନିର ରିପୋର୍ଟ ନାହିଁ। ପ୍ରକାଶ ଥାଉକି, ପାହାଡିଆ ଅଞ୍ଚଳରେ ଭୂମିକମ୍ପର ସମ୍ଭାବନା ଅଧିକ ଥାଏ। ଲାହୌଲ ସ୍ପିତି, କାଙ୍ଗଡ଼ା, ଚମ୍ବା, ସିମଲା, କୁଲୁ, କିନ୍ନୌର ଏବଂ ମଣ୍ଡିର ଅନେକ ଅଞ୍ଚଳ ଭୂମିକମ୍ପ ଦୃଷ୍ଟିରୁ ଅତ୍ୟନ୍ତ ସମ୍ବେଦନଶୀଳ ଅଞ୍ଚଳ । ଏହା ପୂର୍ବରୁ ଆଜି ରାତି ୨ଟା ସମୟରେ ବଙ୍ଗୋପସାଗରରେ ମଧ୍ୟ ଏକ ଭୂମିକମ୍ପ ଅନୁଭୂତ ହୋଇଥିଲା। ଏହି ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୪.୦ ରେକର୍ଡ କରାଯାଇଥିଲା। ଗତ କିଛି ଦିନ ମଧ୍ୟରେ, ଭାରତର ବିଭିନ୍ନ ସ୍ଥାନରେ ନିରନ୍ତର ଭୂମିକମ୍ପ ଘଟୁଛି। ସେହିପରି ଶୁକ୍ରବାର ସନ୍ଧ୍ୟାରେ, ଉତ୍ତରାଖଣ୍ଡ ମଧ୍ୟ ସମାନ ଭାବରେ ଥରି ଉଠିଥିଲା। ଉତ୍ତରାଖଣ୍ଡର ପିଥୋରାଗଡ଼ରେ ୩.୫ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିଲା। ଏହା ବ୍ୟତୀତ ଗତ ସପ୍ତାହରେ ଦିଲ୍ଲୀରେ ମଧ୍ୟ ଶକ୍ତିଶାଳୀ ଭୂମିକମ୍ପ ଝଟକା ଅନୁଭୂତ ହୋଇଥିଲା। ଫେବୃଆରୀ ୧୭ ତାରିଖ ସକାଳ ୫.୩୭ ସମୟରେ, ଦିଲ୍ଲୀରେ ୪.୦ ତୀବ୍ରତାର ଏକ ଭୂମିକମ୍ପ ଲୋକଙ୍କ ନିଦ ହଜାଇ ଦେଇଥିଲା ।