ନୂଆଦିଲ୍ଲୀ: ଆକ୍ସନ ମୋଡରେ ତାମିଲନାଡୁ ପୋଲିସ। ଗ୍ୟଙ୍ଗରେପ ଓ ଚୋରି ମାମଲାରେ ଅଭିଯୁକ୍ତ ମାନେ ଖସି ପଳାଉଥିବା ବେଳେ ଓପନ ଫାୟାରିଂ କରିଛି ତାମିଲନାଡୁ ପୋଲିସ। ଗୁରୁବାରଦିନ ସକାଳେ ପୋଲିସ ଅଭିଯୁକ୍ତମାନଙ୍କ ସହ ମୁହାଁମୁହିଁ ହେବାପରେ ଏହି ଗୁଳିକାଣ୍ଡ ହୋଇଥିବା ଜଣାପଡିଛି।
ବିଭିନ୍ନ ମାମଲାରେ ଅଭିଯୁକ୍ତ ସୁରେଶ ଓ ନାରାୟଣନ ନାମକ ଦୁଇଜଣ ଆରୋପିଙ୍କୁ ପୋଲିସ ପିଛା କରୁଥିବାବେଳେ ଅଭିଯୁକ୍ତ ଦ୍ୱୟ ପୋଲିସ ଉପରକୁ ଗୁଳି ଚଳାଇଥିଲେ। ପୋଲିସ ନିଜ ସୁରକ୍ଷା ପାଇଁ ପାଲଟା ଆକ୍ରମଣ କରିଥିଲା। ଏହି ଆକ୍ରମଣରେ ସୁରେଶର ଗୋଡରେ ଗୁଳିବାଜିଥିବା ଜଣାପଡିଛି। ଅନ୍ୟପଟେ ଘଟଣାସ୍ଥଳରୁ ଚମ୍ପଟ ମାରିବାକୁ ଚେଷ୍ଟା କରୁଥିବା ନାରାୟଣନ ଉପରୁ ଖସି ପଡି ନିଜ ଗୋଡ ଭାଙ୍ଗିଦେଇଛି ବୋଲି ଜଣାପଡିଛି। ଆରୋପିମାନଙ୍କ ପିଛା କରିବା ପରେ ପୋଲିସ ୪ ଜଣଙ୍କୁ ଗିରଫ କରିଛି ବୋଲି ଜଣାପଡିଛି।
ସୂଚନା ମୁତାବକ, ଗତ ଫେବୃଆରୀ ୧୯ ତାରିଖରେ ଥିରୁପାଥୁର ଅଞ୍ଚଳର ଜଣେ ନବଦମ୍ପତ୍ତି ନୂଆ ବସ ଷ୍ଟାଣ୍ଡ ନିକଟ ପାହାଡକୁ ବୁଲିବା ପାଇଁ ଯାଇଥିଲେ। ଏହି ସମୟରେ ସେଠାରେ ଉପସ୍ଥିତ ଥିବା ୪ ଅଭିଯୁକ୍ତ ସେମାନଙ୍କୁ ଭୟଭିତ କରି ସେମାନଙ୍କ ନିକଟରୁ ସ୍ୱର୍ଣ୍ଣ ଅଳଙ୍କାର ଲୁଟି ନେଇଥିଲେ। ଏଥିରେ ବି ଅଭିଯୁକ୍ତମାନଙ୍କ ମନ ମାନି ନଥିଲା ସେମାନଙ୍କ ମଧ୍ୟରୁ ଦୁଇଜଣ ମହିଳାଙ୍କ ସହ ଦୁର୍ଷର୍ମ ମଧ୍ୟ କରିଥିଲେ ଓ ଅନ୍ୟ ଦୁଇଜଣ ଅଭିଯୁକ୍ତ ଏ ସମସ୍ତ ଘଟଣାକୁ ମୋବାଇଲରେ କଏଦ କରିଥଲେ। ଏହା ସହ ଆକ୍ରମଣକାରି ମାନେ ଦମ୍ପତ୍ତିଙ୍କୁ ଡରାଇ ଧମକାଇ ଗୁଗଲପେ ମାଧ୍ୟମରେ ୭୦୦୦ ଟଙ୍କା ମଧ୍ୟ ନେଇଥିଲେ।
ତେବେ ଦମ୍ପତ୍ତି ଦ୍ୱୟ ପାହାଡ ତଳକୁ ଆସିବା ପରେ ସ୍ଥାନିୟ ଲୋକମାନେ ମହିଳା କାନ୍ଦୁଥିବାର ଦେଖିବାକୁ ପାଇଥିଲେ। ଲୋକମାନେ ଏ ସମ୍ପରେକରେ ପଚରାଉଚରା କରିବାପରେ ମହିଳା ଜଣଙ୍କ ଉପରେ ହୋଇଥିବା ସମସ୍ତ କଥା ସେମାନଙ୍କୁ ଜଣାଇଥିଲେ। କିନ୍ତୁ ଏହି ଘଟଣାରେ ପିଡିତା ମହିଳା ଓ ତାଙ୍କ ସ୍ୱାମୀ ପୋଲିସ ଥାନାରେ ମାମଲା ରୁଜୁ ନକରି ନିଜ ସହରକୁ ଫେରିଯାଇଥିଲେ। ସ୍ଥାନିୟ ଲୋକମାନେ ଏ ସମ୍ପର୍କରେ ପୋଲିସକୁ ସୂଚନା ପ୍ରଦାନ କରିବାପରେ ପୋଲିସ ଥିରୁପଥ୍ଥୁର ଯାଇ ସେଠାରେ ମହିଳାଙ୍କ ବୟାନ ରେକର୍ଡ କରିଥିଲା।
ପୋଲିସ ଏହି ମାମଲାରେ ଅଭିଯୁକ୍ତ ୪ ଜଣଙ୍କୁ ଛାବ କରିବାରେ ସକ୍ଷମ ହୋଇଛି। ଅଭିଯୁକ୍ତ ୪ ଜଣଙ୍କ ହେଉଛନ୍ତି ୨୧ ବର୍ଷିୟ କଲାଇରାସନ, ୨୨ ବର୍ଷିୟ ସୁରେଶ, ୨୦ ବର୍ଷିୟ ଅଭିଷେକ ଓ ୨୧ ବର୍ଷିୟ ନାରାୟଣନ ବୋଲି ଜଣାପଡିଛି। କଲାଇରାସନ ଓ ଅଭିଷେକଙ୍କୁ ପୋଲିସ ଗିରଫ କରିଥିବା ବେଳେ ଅଭିଷେକ ଓ ନାରାୟଣନ ପୋଲିସ ଉପରେ ଆକ୍ରମଣ କରି ଖସିଯିବାକୁ ଉଦ୍ୟମ କରୁଥିଲେ ବୋଲି ଜଣାପଡିଛି।
