ଫୁଲବାଣୀ/ ଖଜୁରୀପଡା,୩/୯ : ଖଜୁରୀପଡ଼ା ବ୍ଲକ ଅନ୍ତର୍ଗତ ଗୁଦାରୀ ଏଆରଷ୍ଟ୍ରିପ ନିକଟରେ ବାଘ ଛାଲକୁ ନେଇ ଡିଲ ଚାଲିଥିବା ବେଳେ  ବନବିଭାଗ ଚଢାଉ କରି ୩ ଜଣଙ୍କୁ ଗିରଫ କରିଛି। ସେମାନଙ୍କ ନିକଟରୁ ବାଘ ଛାଲ ସମେତ ଗୋଟିଏ ବନ୍ଧୁକ, ଦୁଇଟି ବାଇକ, ତିନିଟି ମୋବାଇଲ ଜବତ କରିଛି । ଅଭିଯୁକ୍ତମାନେ ହେଲେ   ପିରିକୁଡ଼ି ପଞ୍ଚାୟତର ପାକାଡ଼ାମ୍ବା ଗ୍ରାମର   ତ୍ରିନାଥ କହଁର, ଗୁମୁରିଖୋଲ ଗ୍ରାମର  ସଞ୍ଜୟ ମଲିକ ଏବଂ ସଦର ଥାନା ଅଞ୍ଚଳର ଦଡ଼କି ଗ୍ରାମର ପ୍ରଭାତ ମଲ୍ଲିକ।

 ରବିବାର ରାତି‌ରେ  ଗୁଦାରୀ ଏଆରଷ୍ଟ୍ରିପ ନିକଟରେ ବାଘ ଛାଲ ବିକ୍ରି  ନେଇ ଡିଲ ଚାଲିଥିଲା।  କୌଣସି ସୂତ୍ରରୁ ଖବର ପାଇ ଡିଏଫଓ  ପ୍ରଶାନ୍ତ କୁମାର ପଟେଲ ,ଏସିଏଫ ମଳୟ ରଞ୍ଜନ କାଲୋ, ଫୁଲବାଣୀ ରେଞ୍ଜର ଶିବାନନ୍ଦ ଲେଙ୍କା, ସିନିୟର ଫରେଷ୍ଟର ସରୋଜ କୁମାର ମିଶ୍ର ପ୍ରମୁଖ ଅତର୍କିତ ଭାବେ ଚଢାଉ କରିଥିଲେ।  ଅଭିଯୁକ୍ତମାନଙ୍କ ଠାରୁ ଗୋଟିଏ କଲରାପତରିଆ ଛାଲ, ଗୋଟିଏ ବନ୍ଧୁକ,ଦୁଇଟି ବାଇକ ଜବତ କରିଥିଲେ। ଏ ନେଇ ବନ ବିଭାଗ ପକ୍ଷରୁ ମାମଲା  ରୁଜୁ କରି ଅଭିଯୁକ୍ତମାନଙ୍କୁ  କୋର୍ଟ ଚାଲାଣ କରାଯାଇଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଡିଏଫଓ।