ନୂଆଦିଲ୍ଲୀ: ଅପେକ୍ଷାର ଅନ୍ତ ଘଟିଲା। ଦୀର୍ଘ ୯ ମାସର କଳ୍ପନାଜଳ୍ପନାରେ ଅନ୍ତ ଘଟାଇ ଭାରତୀୟ ବଂଶୋଭବ ମହାକାଶଚାରୀ ସୁନୀତା ଉଇଲିୟମ ପୃଥିବୀକୁ ଫେରୁଛନ୍ତି। ଏନେଇ ନାସା ନିଜ ମିଶନ ଆରମ୍ଭ କରିସାରିଲାଣି। ଆଉ ମାତ୍ର କେଇ ସମୟ ପରେ ସୁନୀତା ଇଣ୍ଟରନେସନାଲ ସ୍ପେଶ ଷ୍ଟେସନରୁ(ଆଇଏସ୍ଏସ୍) ବାହାରି ପୃଥିବିରେ ପାଦ ଥାପିବେ। ଏହି ପରିପ୍ରେକ୍ଷିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୁନୀତାଙ୍କ ପାଇଁ ଏକ ହୃଦୟସ୍ପର୍ଶି ପତ୍ର ଲେଖି ପଠାଇଛନ୍ତି।
ପିଏମ୍ ମୋଦିଙ୍କ ଏହି ଚିଠିକୁ ମହାକାଶଚାରୀ ମାଇକ ମାସିମିନୋଙ୍କ ଦ୍ୱାରା ସୁନୀତାଙ୍କୁ ପ୍ରଦାନ କରାଯାଇଥିଲା। ଏହି ବ୍ୟକ୍ତିଗତ ଚିଠିରେ ପିଏମ୍ ମୋଦି ସୁନୀତାଙ୍କ ଉଦ୍ଦେଶ୍ୟରେ “ତୁମେ ଆମ ମାନଙ୍କ ଠୁ ହଜାର ହଜାର ମାଇଲ ଦୁରରେ ଥିଲେ ମଧ୍ୟ ତୁମେ ଆମ ହୃଦୟର ନିକଟବର୍ତ୍ତି ହୋଇ ରହିଛ। ତୁମେ ୧.୪ ବିଲିୟନ ଭାରତୀୟଙ୍କ ପାଇଁ ପ୍ରେରଣା” ବୋଲି ଲେଖିଛନ୍ତି। ଆପଣଙ୍କୁ ଜଣାଇରଖୁ ଯେ ସୁନୀତା ଓ ତାଙ୍କ ସହଯୋଗି ବୁଚ୍ ୱିଲମୋର ମଙ୍ଗଳବାର ଆଇଏସ୍ଏସ୍ ରୁ ଅନଡକ କରିବାକୁ ଯାଉଛନ୍ତି। ସେମାନେ ସ୍ପେଶଏକ୍ସର କ୍ରିଉ ଡ୍ରାଗନ ସ୍ପେଶକ୍ରାଫ୍ଟରେ ଅନଡକ କରିବାର ଦୀର୍ଘ ୧୭ ଘଣ୍ଟା ପରେ ପୃଥିବି ପୃଷ୍ଟରେ ପହଞ୍ଚିବେ ବୋଲି ସୂଚନା ମିଳିଛି।
ସେ ପୃଥିବିକୁ ଫେରିଲା ଏହା ମହାକାଶ ସହ ଜଡିତ ସଂସ୍ଥା ଗୁଡିକ ପାଇଁ ଏକ ମାଇଲଷ୍ଟୋନ ସାବ୍ୟସ୍ତ ହେବ। ଆପଣ ଜାଣି ଆଶ୍ଚର୍ଯ୍ୟ ହୋଇଯିବେ ଯେ ସୁନୀତା ମାତ୍ର ୮ ଦିନ ପାଇଁ ନିଜ ମିଶନ ପୁରା କରିବାକୁ ସେ ମହାକାଶକୁ ଯାଇଥିଲେ। କିନ୍ତୁ ଅନେକ ବୈଷୟିକ ଅସୁବିଧା ଓ ବୋଇଂ ଷ୍ଟାରଲାଇନର ସ୍ପେଶକ୍ରାଫ୍ଟରେ ଦେଖାଦେଇଥିବା ଅସୁବିଧା କାରଣରୁ ତାଙ୍କୁ ଏକ ଲମ୍ୱା ସମୟ ମହାକାଶରେ ବିତାଇବାକୁ ପଡିଛି।
ପିଏମ ମୋଦି ଲେଖିଥିବା ପତ୍ରରେ ସୁନୀତାଙ୍କ ଏହି ଅସାଧାରଣ ମହାଜାଗତିକ ଅବଦାନ ପାଇଁ ତାଙ୍କୁ ଧନ୍ୟବାଦ ଜ୍ଞାପନ କରିଛନ୍ତି। ଏହା ସହ ସେ ଫେରିବା ପରେ ଭାରତକୁ ବୁଲିଆସିବା ପାଇଁ ନିମନ୍ତ୍ରଣ ମଧ୍ୟ କରିଛନ୍ତି। ଏହାସହ ସୁନୀତାଙ୍କ ସଫଳତା ଓ ଉତ୍ତମ ସ୍ୱାସ୍ଥ୍ୟ ପାଇଁ ପୁରା ଭାରତ ପ୍ରାର୍ଥନା କରୁଛି ଓ ଦେଶର ଝିଅ ସହ ସବୁ ଭାରତୀୟଙ୍କ ଗଭୀର ସମ୍ପନ୍ଧ ରହିଛି ବୋଲି ପିଏମ ମୋଦି ପତ୍ରରେ ଲେଖିଛନ୍ତି। ତେବେ ଏହି ପତ୍ର ପାଇବା ପରେ ସୁନୀତା ପିଏମ ମୋଦିଙ୍କ ପ୍ରତି କୃତଜ୍ଞତା ଜ୍ଞାପନ କରିବା ସହ ତାଙ୍କ ସମର୍ଥନ ପାଇଁ ଖୁସି ବ୍ୟକ୍ତ କରିଛନ୍ତି।
ମାର୍ଚ୍ଚ ୧୯ ତାରିଖ ସକାଳ ୩ଟା ୨୭ ସମୟରେ ସୁନୀତାଙ୍କୁ ନେଇ ଫେରୁଥିବା କ୍ରିଉଡ୍ରାଗନ ସ୍ପେଶକ୍ରାଫ୍ଚ ଆଟଲାଣ୍ଟିକ ସମୁଦ୍ରରେ ଅବତରଣ କରିବ ବୋଲି ଆସା ପ୍ରକାଶ କରାଯାଉଛି। ତେବେ ଏହାକୁ ନେଇ ନାସା ବରାବର ସ୍ପେଶ କ୍ରାଫ୍ଟ ସହ ଯୋଗାଯୋଗରେ ରହିଛି ବୋଲି ସୂଚନା ମିଳିଛି। ତେବେ ଲ୍ୟାଣ୍ଡି ପ୍ରକ୍ରିୟା ଏକ ଜଟିଳ ପ୍ରକ୍ରିୟା ହୋଇଥିବାରୁ ଏହା ଉପରେ ସମସ୍ତଙ୍କ ନଜର ରହିଛି।
ସୁନୀତାଙ୍କ ସୁରକ୍ଷିତ ସହ ଫେରିଆସିବା କେବଳ ଯେ ଏକ ବ୍ୟକ୍ତିଗତ ସଫଳତାକୁ ଦର୍ଶାଇବ ତାହା ନୁହେଁ ଏହା ଆମକୁ ଏହା ଦର୍ଶାଇବ ଯେ ମହାକାଶ ଯାତ୍ରାରେ କିଛି ମଧ୍ୟ ହୋଇପାରେ। ତେବେ ସେମାନଙ୍କ ସ୍ପେଶକ୍ରାଫ୍ଟ ସମୁଦ୍ରରେ ଅବତରଣ କରିବା ପରେ ତାକୁ ସ୍ଥଳ ଭାଗକୁ ଆଣିବା ପାଇଁ ସେଠାରେ ନାସାର ଏକ ଟିମ ମୃତୟନ କରିଥିବା ନେଇ ଜଣାପଡିଛି।
