ଆନନ୍ଦପୁର, ୫/୪ : ବଡ ଭଉଣୀର ମୃତ୍ଯୁ ଖବର ଶୁଣି ଶେଷ ଦର୍ଶନ ପାଇଁ ପୁଅ ସହ ବାଇକରେ ବାହାରି ଯାଇଥିଲା ସାନ ଭଉଣୀ । କ୍ରିୟା କର୍ମ ସାରି ଫେରିବା ବାଟରେ ବାଇକରୁ ପଡି ଚାଲିଗଲା ସାନ ଭଉଣୀର ଜୀବନ। ଏଭଳି ଏକ ଦୁଃଖଦ ଘଟଣା ଘଟିଛି ଆନନ୍ଦପୁର ଉପଖଣ୍ଡ ଅଞ୍ଚଳରେ । ମୃତକ ରାମଚନ୍ଦ୍ରପୁର ଥାନା ଜରଦା ଗାଁର ମଞ୍ଜୁଲତା ଜେନା ।
ନିଜ ବଡ଼ ଭଉଣୀର ମୃତ୍ଯୁ ଖବରପାଇ ପୁଅ ସହ ଆଜି ବାଇକ ଯୋଗେ ଭଉଣୀ ଘର ନନ୍ଦିପଦା ଥାନା ଅନ୍ତର୍ଗତ ମୁଗୁପୁରକୁ ଯାଇଥିଲେ । ଫେରିବା ବାଟରେ ୨୦ନଂ ଜାତୀୟ ରାଜପଥର ଶାଳପଡା ଓଭର ବ୍ରିଜଠାରେ ଏକ ହମ୍ପ୍ସ ଅତିକ୍ରମ କରିବା ସମୟରେ ବାଇକରୁ ଖସି ପଡ଼ି ମୁଣ୍ଡରେ ଗୁରୁତର ଆଘାତ ଲାଗିଥିଲା। ତୁରନ୍ତ ତାଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ଚିକିତ୍ସାଧିନ ଅବସ୍ଥାରେ ମାତ୍ର କେଇ ମିନିଟ୍ ମଧ୍ଯରେ ତାଙ୍ଗର ମୃତ୍ୟୁ ଘଟିଛି । ବିନା ସୂଚନା ଫଳକରେ ହମ୍ପ୍ସ ନିର୍ମାଣ ଯୋଗୁଁ ଏଭଳି ଦୁର୍ଘଟଣା ଘଟି ଜୀବନ ଯାଉଥିବା ଅଭିଯୋଗ ହୋଇଛି ।
