ନୂଆଦିଲ୍ଲୀ,୨୫/୦୨: ଆପଣ ବି ସ୍ମାର୍ଟଫୋନ,ଲ୍ୟାପଟପ୍ ଓ ସ୍କ୍ରିନରେ ଦେଉଛନ୍ତି କି ଅଧିକ ସମୟ। ତେବେ ହୋଇଯାଆନ୍ତୁ ସାବଧାନ । କାରଣ ଏହା ଆପଣଙ୍କ ଶରୀର ପାଇଁ କ୍ଷତିକାରକ ହୋଇପାରେ । ନିକଟରେ ଏକ ଅଧ୍ୟୟନରୁ ଆଶ୍ଚର୍ଯ୍ୟକର ତଥ୍ୟ ସାମ୍ନାକୁ ଆସିଛି। ଅଧ୍ୟୟନରୁ ଜଣାପଡିଛି ଯେ,  ଯଦି ଆପଣ ଦିନକୁ ୧ଘଣ୍ଟାରୁ ଅଧିକ ସମୟ ଡିଜିଟାଲ ସ୍କ୍ରିନକୁ  ଦେଉଛନ୍ତି । ତେବେ  ମାୟୋପିଆ ଶିକାର ହୋଇପାରନ୍ତି । ମାୟୋପିଆ ହେଉଛି ଆଖି ପାଇଁ ଏକ ଗମ୍ଭୀର ରୋଗ । ଯେଉଁଥିରେ ଆଖିରୁ ଦୂରରେ ଥିବା ଜିନିଷ ଭଲ ଭାବରେ ଦେଖାଯାଏନି । 

JAMA ନେଟଓ୍ବାର୍କ ଓପନରେ ପ୍ରକାଶିତ ଅଧ୍ୟୟନ ଅନୁସାରେ, ଯଦି ଜଣେ ବ୍ୟକ୍ତି ଡିଜିଟାଲ୍ ସ୍କ୍ରିନରେ ୧ ଘଣ୍ଟାରୁ ଅଧିକ ସମୟ ବିତାଇଥାଏ। ତେବେ ତାଙ୍କର ମାୟୋପିଆ ହେବାର ଆଶଙ୍କା ବଢ଼ିପାରେ। ଏଥିରେ ବ୍ୟକ୍ତି ପାଖରେ ଥିବା ଜିନିଷଗୁଡ଼ିକୁ ସ୍ପଷ୍ଟ ଭାବରେ ଦେଖିପାରେ କିନ୍ତୁ ଦୂରସ୍ଥ ଜିନିଷଗୁଡ଼ିକୁ ସ୍ପଷ୍ଟ ଭାବରେ ଦେଖିପାରେ ନାହିଁ। ସେହିପରି, ଯଦି କେହି ୧ ଘଣ୍ଟାରୁ କମ୍ ସମୟ ପାଇଁ ସ୍କ୍ରିନ୍  ଦେଖୁଛନ୍ତି । ତେବେ ତାଙ୍କର ଏହି ରୋଗ ହେବାର ସମ୍ଭାବନା କମ୍ ଥାଏ। 

ବିଶେଷଜ୍ଞମାନଙ୍କ ଅନୁସାରେ, ଆପଣ ଆପଣଙ୍କର ସ୍କ୍ରିନ୍ ସମୟକୁ  ୧ ଘଣ୍ଟାରୁ ଯେତେ ଅଧିକ ବୃଦ୍ଧି କରିବେ, ମାୟୋପିଆ ହେବାର ଆଶଙ୍କା ସେତେ ଅଧିକ ହେବ। ଗବେଷକମାନେ କହିଛନ୍ତି ଯେ, ଏହି ଅଧ୍ୟୟନ ଚିକିତ୍ସା ପ୍ରଦାନ କରିବାରେ ଡାକ୍ତରମାନଙ୍କ ପାଇଁ ଉପଯୋଗୀ ହେବ।  ଆଜିକାଲି ଅଧିକାଂଶ ଲୋକଙ୍କର ସ୍କ୍ରିନ୍ ଟାଇମିଂ ବୃଦ୍ଧି ପାଉଛି। ସ୍କ୍ରିନ୍ ଟାଇମିଂ କେବଳ ଆଖିକୁ ପ୍ରଭାବିତ କରୁନାହିଁ, ବରଂ ମସ୍ତିଷ୍କ ଏବଂ ସ୍ୱାସ୍ଥ୍ୟକୁ ମଧ୍ୟ କ୍ଷତି ପହଞ୍ଚାଉଛି।  ଅତ୍ୟଧିକ ସ୍କ୍ରିନ୍ ସମୟ ମସ୍ତିଷ୍କ ଉପରେ ନକାରାତ୍ମକ ପ୍ରଭାବ ପକାଇପାରେ। ସେହିପରି ସ୍କ୍ରିନ୍ ସମୟକୁ ୧ ରୁ ୪ ଘଣ୍ଟା ବୃଦ୍ଧି କରିବା ଦ୍ୱାରା କେବଳ ଆଖି କ୍ଷତି ହେବାର ଆଶଙ୍କା ବୃଦ୍ଧି ପାଏ ନାହିଁ। ବରଂ ଏହା ସହିତ ଅନେକ ରୋଗର ଆଶଙ୍କା ମଧ୍ୟ ରହିଛି। ସ୍କ୍ରିନରେ ଅଧିକ ସମୟ ବିତାଇବା ଦ୍ୱାରା  ଚିନ୍ତାଧାରା ଏବଂ ବୁଝିବା ଶକ୍ତି ହ୍ରାସ ପାଏ ଏବଂ ମସ୍ତିଷ୍କ ଉପରେ ଖରାପ ପ୍ରଭାବ ପଡ଼େ।