ଭୁବନେଶ୍ୱର ୨୪/୦୨: ମହାଶିବରାତ୍ରି ଦିନ ଭଗବାନ୍ ଶିବ-ମାତା ପାର୍ବତୀଙ୍କୁ ବିଶେଷ ପୂଜାର୍ଚ୍ଚନା କରାଯାଏ । ଭକ୍ତମାନେ ସେଦିନ ଶିବଲିଙ୍ଗରେ ନିଶ୍ଚୟ ବେଲପତ୍ର ଚଢ଼ାଇଥାନ୍ତି । ଶାସ୍ତ୍ର କହେ, ପ୍ରକୃତ ଶ୍ରଦ୍ଧା ତଥା ନିଷ୍ଠାର ସହିତ ବେଲପତ୍ର ଅର୍ପଣ କଲେ ଭକ୍ତର ସମସ୍ତ ମନୋକାମନା ପୂରଣ ହୋଇଥାଏ । ମହାଶିବରାତ୍ରିରେ ବେଲପତ୍ର ଅର୍ପଣ କରିବାର ଚମତ୍କାର ଉପାୟ ସମ୍ପର୍କରେ ଜାଣିବା...
ସନ୍ତାନ ସୁଖ ପ୍ରାପ୍ତି ଲାଗି: ନିଜର ବୟସ ଅନୁସାରେ ସେତିକି ବେଲପତ୍ର ତୋଳି ଆଣନ୍ତୁ । କଞ୍ଚା ଶୁଦ୍ଧ କ୍ଷୀରରେ ପ୍ରତ୍ୟେକ ବେଲପତ୍ରକୁ ବୁଡ଼ାଇ ଗୋଟିଏ ପରେ ଗୋଟିଏ ଶିବଲିଙ୍ଗ ଉପରେ ଅର୍ପଣ କରନ୍ତୁ । ବେଲପତ୍ର ଅର୍ପଣ ବେଳେ ଶିବ ପଞ୍ଚାକ୍ଷରୀ ମନ୍ତ୍ରୀ ‘ ଓଁ ନମଃ ଶିବାୟ’ ଜପ କରିବାକୁ ଭୁଲନ୍ତୁ ନାହିଁ ।
ରୋଗରୁ ମୁକ୍ତି ପାଇବାକୁ: ତମ୍ବା ଢ଼ାଳରେ ପାଣିନେଇ ଏଥିରେ ହଳଦିଆ ଚନ୍ଦନ ମିଶାଇ ଦିଅନ୍ତୁ । ୧୦୮ ବେଲପତ୍ର ଏଥିରେ ପକାନ୍ତୁ । ଗୋଟିଏ ପରେ ଗୋଟିଏ ବେଲପତ୍ର ଶିବ ପଞ୍ଚାକ୍ଷରୀ ଜପ ସହ ଶିବଲିଙ୍ଗରେ ଅର୍ପଣ କରନ୍ତୁ ।
ଶୀଘ୍ର ବିବାହ ପାଇଁ: ଶିବଲିଙ୍ଗରେ ୧୦୮ ବେଲପତ୍ର ‘ଓଁ ନମଃ ଶିବାୟ’ ଜପ ପୂର୍ବକ ଅର୍ପଣ କରନ୍ତୁ । ଏପରି କଲେ ବିବାହରେ ବାଧା ଦୂର ହେବା ସହ ବିବାହ ଶୀଘ୍ର ସମ୍ପନ୍ନ ହୋଇଥାଏ ।
ଆର୍ଥିକ ଉନ୍ନତି ପ୍ରାପ୍ତି: ଶୁଦ୍ଧ ଜଳ ଏବଂ ବେଲପତ୍ରରେ ଶିବାଭିଷେକ କରନ୍ତୁ । ଅଭିଷେକ ପରେ ଶିବଲିଙ୍ଗରେ ଅର୍ପିତ ତ୍ରିଶାଖା ବେଲପତ୍ରରୁ ଗୋଟିଏ ନେଇ ନିଜର ମନିପର୍ସ କିମ୍ବା ଟଙ୍କା ରଖୁଥିବା ସ୍ଥାନରେ ରଖନ୍ତୁ ।
