ନୂଆଦିଲ୍ଲୀ,୧୮/୦୪: ୟେମେନରେ ଆମେରିକାର ଏୟାର ଷ୍ଟ୍ରାଇକ୍ । ଆମେରିକା ହୁଥିଙ୍କ ଅଧିକୃତ ରାସ ଇସା ତୈଳ ବନ୍ଦର ଉପରେ ଏୟାର ଷ୍ଟ୍ରାଇକ ହୋଇଛି । ଏହି ଆକ୍ରମଣରେ ୩୮ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦୦ ରୁ ଉର୍ଦ୍ଧ୍ବ ଆହତ ହୋଇଛନ୍ତି ।
ଏହା ମଧ୍ୟ ପଢନ୍ତୁ- ବାରାଣସୀ ଛାତ୍ରୀଙ୍କୁ ଗଣଦୁଷ୍କର୍ମ ଅଭିଯୋଗ: ୧୪ ଗିରଫ, ତଦନ୍ତ କରିବ ଏସ୍ଆଇଟି
ତେବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶ ପାଇବା ପରେ, ଆମେରିକୀୟ ସେନା ୧୫ ତାରିଖରୁ ହୁଥି ବିଦ୍ରୋହୀଙ୍କ ଉପରେ ଦ୍ରୁତ ଆକ୍ରମଣ ଚଳାଇଛି । ରାସ୍ ଇସା ତୈଳ ବନ୍ଦର ଆମେରିକା ସେନା ଦ୍ୱାରା ଏପର୍ଯ୍ୟନ୍ତ ସବୁଠାରୁ ବଡ଼ ଆକ୍ରମଣ ଥିଲା ଏବଂ ଏଥିରେ ସର୍ବାଧିକ କ୍ଷତି ହୋଇଛି । ଏହି ଆକ୍ରମଣକୁ ନେଇ ଆମେରିକୀୟ ସେନା କହିଛି ଯେ ଆକ୍ରମଣର ମୁଖ୍ୟ ଲକ୍ଷ୍ୟ ହୁଥି ବିଦ୍ରୋହୀଙ୍କ ଇନ୍ଧନର ଉତ୍ସକୁ କାଟି ଦେବା। ଅନ୍ୟପଟେ ଆମେରିକାର କେନ୍ଦ୍ରୀୟ କମାଣ୍ଡ ଏକ୍ସରେ ଏକ ପୋଷ୍ଟରେ ସେୟାର କରି କହିଛି, ଏହି ଆକ୍ରମଣଗୁଡ଼ିକର ଲକ୍ଷ୍ୟ ହୁଥିମାନଙ୍କ ଶକ୍ତିର ଆର୍ଥିକ ଉତ୍ସକୁ ହ୍ରାସ କରିବା ଥିଲା। ଯେଉଁମାନେ ସେମାନଙ୍କ ଦେଶବାସୀଙ୍କୁ ଶୋଷଣ କରନ୍ତି ଏବଂ ଯନ୍ତ୍ରଣା ଦିଅନ୍ତି । ପ୍ରକାଶ ଥାଉକି, ୨୦୨୩ ପରଠାରୁ, ହୁଥିମାନେ ଜଳପଥ ଦେଇ ଯାଉଥିବା ଜାହାଜ ଉପରେ ଡଜନ ଡଜନ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ କରିଛନ୍ତି ।
