ଭୁବନେଶ୍ବର,୧୧/୩: ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ାଙ୍କ ନିର୍ଦ୍ଦେଶକ୍ରମେ ଜଗତସିଂହପୁରରେ ଜିଲ୍ଲାସ୍ତରୀୟ ଲକ୍ଷପତି ଦିଦି କର୍ମଶାଳା ଆୟୋଜିତ । ଓଡିଶା ଜୀବିକା ମିଶନ ଆନୁକୂଲ୍ୟରେ ଆୟୋଜିତ ଏହି କର୍ମଶାଳାରେ ଜିଲ୍ଲାର ବିଭିନ୍ନ ବ୍ଲକରୁ ଦୁଇ ହଜାରରୁ ଉର୍ଦ୍ଧ ବିଭିନ୍ନ ଏସଏଚଜି ମହିଳା, ଏମବିକେ, ସିଆରପି ଆଦି ଯୋଗ ଦେଇଛନ୍ତି ।
ଏହା ମଧ୍ୟ ପଢନ୍ତୁ- ଏଥର ଦଣ୍ଡନାଚରେ ଅଶ୍ଲୀଳତା ବନ୍ଦ, ଆସନ୍ତାବର୍ଷରୁ ମହିଳା କଳାକାର ଓ ସାମାଜିକ ନାଟକ ମନା
ତେବେ ଏମାନଙ୍କୁ ବିଭିନ୍ନ ବିଭାଗର ଅଧିକାରୀମାନେ ଯୋଗଦେଇଥିବା ମହିଳାମାନେ କିପରି ରୋଜଗାରକ୍ଷମ ହେବା ସହିତ ସ୍ୱାବଲମ୍ବୀ ହୋଇପାରିବେ ସେ ବାବଦରେ ପ୍ରଶିକ୍ଷଣ ପ୍ରଦାନ କରିବେ । ଏହି କର୍ମଶାଳାରୁ ପ୍ରଶିକ୍ଷଣ ପାଇ ଯାଇଥିବା କର୍ମୀମାନେ ନିଜ ନିଜ ଅଞ୍ଚଳରେ ବିଭିନ୍ନ ସ୍ୱୟଂ ସହାୟିକା ଗୋଷ୍ଠିର ମହିଳାମାନଙ୍କୁ ପ୍ରଶିକ୍ଷଣ ଦେବେ। ଏଥି ସହିତ ସେମାନେ କିପରି ରୋଜଗାର କ୍ଷମ ହୋଇ ଲକ୍ଷପତି ହୋଇପାରିବେ ସେ ବାବଦରେ ପ୍ରଚେଷ୍ଠା କରିବେ ।
