କୋଲକାତା: ପଶ୍ଚିମବଙ୍ଗରେ ବିଜେପିକୁ ଏକ ବଡ଼ ଝଟକା ଲାଗିଛି । ଶୁଭେନ୍ଦୁ ଅଧିକାରୀଙ୍କ ଅତି ନିକଟତର ବିଧାୟିକା ତାପସୀ ମଣ୍ଡଳ ସୋମବାର ଟିଏମସିରେ ଯୋଗ ଦେଇଛନ୍ତି । ସେ ହଳଦିଆର ଆସନରୁ ବିଜେପି ଟିକେଟରେ ବିଧାନସଭାକୁ ନିର୍ବାଚିତ ହୋଇଥିଲେ ।  ତାଙ୍କ ସହିତ ବିଜେପି ନେତା ଶ୍ୟାମଲ ମାଇତି ମଧ୍ୟ ଟିଏମସିରେ ଯୋଗ ଦେଇଛନ୍ତି । ବିଜେପି ଛାଡି ଟିଏମସିରେ ଯୋଗ ଦେଇଥିବା ତାପସୀ ଅନେକ ଅଭିଯୋଗ ଆଣିଛନ୍ତି । 

ତାପସୀ କହିଛନ୍ତି ଯେ, ‘ପଶ୍ଚିମବଙ୍ଗ ଏକ ପ୍ରଗତିଶୀଳ ରାଜ୍ୟ । ଏଠାରେ ବିଭାଜନର ରାଜନୀତି ଚାଲିଛି । ଏହି ରାଜନୀତିକୁ ଗ୍ରହଣ କରିବା କଷ୍ଟକର ଥିଲା । ଅନେକ ଥର ମୁଁ ବିଭିନ୍ନ ଉପାୟରେ ପ୍ରତିବାଦ କରିଥିଲି କିନ୍ତୁ ଏହାର କୌଣସି ଲାଭ ହୋଇନଥିଲା । ମୁଁ ତୃଣମୂଳ ସ୍ତରରେ କାମ କରୁଛି ।’ ଶ୍ୟାମଲ ମାଇତି ମଧ୍ୟ ବିଜେପି ବିରୋଧରେ ସ୍ୱର ଉଠାଇଛନ୍ତି । 

ସେ କହିଛନ୍ତି ଯେ, ବିବିଧତା ମଧ୍ୟରେ ଏକତା ହେଉଛି ଭାରତ ଏବଂ ବେଙ୍ଗଲର ପରମ୍ପରା। ବିରୋଧୀ ନେତାମାନେ ହିଂସାତ୍ମକ ରାଜନୀତିରେ ଲିପ୍ତ। ବେଙ୍ଗଲରେ ଶାନ୍ତି ବଜାୟ ରଖିବା ପାଇଁ ଆମେ ବିଜେପି ଛାଡ଼ୁଛୁ । ଶୁଭେନ୍ଦୁ ଅଧିକାରୀ ଲୁଟପାତ କରୁଛନ୍ତି । ସେମାନେ ଅତ୍ୟାଚାର କରୁଛନ୍ତି। ଶୁଭେନ୍ଦୁ ବେଙ୍ଗଲରେ ରାଷ୍ଟ୍ରପତି ଶାସନ ଲାଗୁ କରିବାକୁ ଯୋଜନା କରୁଛନ୍ତି । କେବଳ ଏତିକି ନୁହେଁ, ହିନ୍ଦୁ ଏବଂ ମୁସଲମାନ ମଧ୍ୟରେ ଦଙ୍ଗା ସୃଷ୍ଟି କରୁଛନ୍ତି । 

Welcoming BJP's Haldia MLA Tapasi Mondal to the Trinamool Congress family!

Her decision to join us is a testament to the growing disillusionment with BJP’s politics.

Under the leadership of Smt. @MamataOfficial, she will work tirelessly for the people’s welfare.

— All India Trinamool Congress (@AITCofficial) March 10, 2025

ବିଧାୟିକା ତାପସୀ ମଣ୍ଡଳଙ୍କ ବିଷୟରେ କହିବାକୁ ଗଲେ, ତାଙ୍କୁ ପୂର୍ବରୁ ମଧ୍ୟ ଟିଏମସିର ଶୀର୍ଷ ନେତାଙ୍କ ନିକଟତର ବୋଲି କୁହାଯାଏ । ୨୦୨୧ରେ ଶୁଭେନ୍ଦୁ ଅଧିକାରୀ ତାପସୀଙ୍କୁ ବିଜେପିରେ ସାମିଲ କରାଇ ଥିଲେ । ୨୦୨୪ ଆସିବା ବେଳକୁ ସେମାନଙ୍କ ମଧ୍ୟରେ ତିକ୍ତତା ଦେଖାଦେଇଥିଲା । ଏହା ଲୋକସଭା ନିର୍ବାଚନ ପରେ ସ୍ପଷ୍ଟ ହୋଇ ଯାଇଥିଲା।