ଭଞ୍ଜନଗର,୧୨/୯ ଭଞ୍ଜନଗର ଆରଟିଓ ଅଫିସ ଛକ ସ୍ଥିତ ବୁଲାଣିଆ ରାସ୍ତା ରେ ବୋଲେରୋ- ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଜଣେ ଯୁବକର ମୃତ୍ୟୁ ଘଟିଛି। ମୃତ ଯୁବକ ଜଣକ ହେଲେ ଭଞ୍ଜନଗର ଥାନା ଅନ୍ତର୍ଗତ ମୁଜାଗଡ ଗ୍ରାମର ରମିନ୍ କୁମାର ପ୍ରଧାନ (୨୮)।
ଉମରକୋଟ ଅଞ୍ଚଳର ଏକ ବୋଲେରୋ ଭଞ୍ଜନଗର ପଟୁ ଉମରକୋଟ ଅଭିମୁଖେ ଯାଉଥିଲା। ଭଞ୍ଜନଗର ଥାନା ଅନ୍ତର୍ଗତ ମୁଜାଗଡ ଗ୍ରାମର ବଂଶୀଧର ପ୍ରଧାନ ଙ୍କ ପୁଅ ରମିନ୍ କୁମାର ପ୍ରଧାନ (୨୮)ଙ୍କ ବାଇକରେ ଯାଉଥିବା ବେଳେ ଭଞ୍ଜନଗର ଆରଟିଓ ଅଫିସ ଛକ ସ୍ଥିତ ବୁଲାଣିଆ ରାସ୍ତା ରେ ଉଭୟଙ୍କ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଫଳରେ ରମିନ୍ ଗୁରୁତର ଆହତ ହୋଇଥିଲେ। ତାଙ୍କୁ ତୁରନ୍ତ ଭଞ୍ଜନଗର ମେଡିକାଲ ରେ ଭର୍ତ୍ତି କରାଯାଇଥିଲା। ଏଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ଏଠାରୁ ବ୍ରହ୍ମପୁର ଏମକେସିଜି ମେଡିକାଲ କଲେଜ ହସ୍ପିଟାଲ କୁ ସ୍ଥାନାନ୍ତର କରାଯାଇଥିଲା। ଆଉ ସେଠାରେ ପହଞ୍ଚିବା ମାତ୍ରେ ରମିନଙ୍କ ପ୍ରାଣବାୟୁ ଉଡି ଯାଇଥିଲା।