କଟକ, ୧୨।୯ : ରାସ୍ତାଘାଟର ଦୁରାବସ୍ଥାକୁ ନେଇ ଗୁରୁବାର କଟକ ମହାନଗର ନିଗମ କର୍ତ୍ତୃପକ୍ଷଙ୍କୁ କଡା ତାଗିଦ କରିଛନ୍ତି ହାଇକୋର୍ଟ। ଯଥାଶୀଘ୍ର ରାସ୍ତା ଗୁଡିକ ବ୍ୟବହାର ଯୋଗ୍ୟ କରିବା ଲାଗି ନିର୍ଦ୍ଦେଶ ଦେଇଛନ୍ତି। ସେହିପରି ସହରର ମୁଖ୍ୟ ରାସ୍ତା ଗୁଡିକ ତୁରନ୍ତ ମରାମତି କରିବା ଲାଗି ପଦକ୍ଷେପ ନେବାକୁ ଆର ଆଣ୍ଡ ବି ବିଭାଗକୁ କହିଛନ୍ତି ।
କଟକ ସହରରରେ ଥିବା ପ୍ରାୟ ୫୦ ରୁ ଊର୍ଦ୍ଧ୍ବ ପାର୍କ ଏବେ ଜରାଜୀର୍ଣ ଅବସ୍ଥାରେ ପଡି ରହିଛି। ଯାହାକୁ ନେଇ ହାଇକୋର୍ଟ ବିରକ୍ତି ପ୍ରକାଶ କରିଛନ୍ତି। ତୁରନ୍ତ ପାର୍କ ଗୁଡିକୁ ବ୍ୟବହାର ଯୋଗ୍ୟ କରାଇବା ଲାଗି ସିଏମସି ପ୍ରଶାସନ ପଦକ୍ଷେପ ନେବାକୁ କହିଛନ୍ତି। ସିଏମସି ଅଧୀନରେ ଥିବା ବିଭିନ୍ନ ୱାର୍ଡରେ ଯେଉଁ ସବୁ ସମସ୍ୟା ଲାଗି ରହିଛି, ସେ ସମ୍ପର୍କିତ ରିପୋର୍ଟ ଗୁରୁବାର ସଂଧ୍ୟା ସୁଦ୍ଧା ଦାଖଲ କରିବା ଲାଗି ମଧ୍ୟ ଆଡ଼ଭୋକେଟ କମିଟିକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।