ମୁମ୍ୱାଇ : ଗୋବିନ୍ଦାଙ୍କ ପତ୍ନୀ ,ସୁନୀତା ଆହୁଜା ନିକଟରେ ନିଜର କିଛି କଥାକୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି। ସେ ଏକ ପଡକାଷ୍ଟରେ ବ୍ୟକ୍ତଗତ ଜୀବନ ଓ ଗୋବିନ୍ଦାଙ୍କ ପ୍ରଫେସନାଲ ଲାଇଫକୁ ନେଇ ଅନେକ କିଛି ଖୋଲି କହିଛନ୍ତି। ସୁନୀତାଙ୍କୁ ଯେବେ ପଚାର ଯାଇଥିଲା କି, ସେ କପିଲ ଶର୍ମା ଶୋ’ରେ ଅର୍ଚ୍ଚନା ପୂରନ ସିଂହଙ୍କୁ ରିପ୍ଲେସ କରିବେ ତ ଏହା ପରେ ସେ ଯାହା କହିଥିଲେ, ତାହା ଖୁବ୍ ଚର୍ଚ୍ଚାରେ ଅଛି।
ଉଲ୍ଲେଖନୀୟ ଯେ, ସୁନୀତା କୃଷ୍ଣା ଓ କଶ୍ମୀରାକୁ ନେଇ ଟାଇମ୍ ଆଉଟ୍ ୱିଦ୍ ଅଙ୍କିତ ପଡକାଷ୍ଟରେ କହିଥିଲେ- କଶ୍ମୀରା ଓ କୃଷ୍ଣାଙ୍କ ସହ ମୋର ଭଲ ସଂପର୍କ ନାହିଁ। ଯେବେ ସୁନୀତାଙ୍କୁ ଏହାର କାରଣ ପଚରା ଗଲା , ସେ କହିଥିଲେ , ପରିବାରର ସମସ୍ୟା । ଏହାକୁ କହିଲେ ଅନେକ ଘଣ୍ଟା ଲାଗିଯିବ।
ସୁନୀତା କହିଥିଲେ , ନିଶ୍ଚୟ ଶୋ’ କରିଥାନ୍ତି , ଯଦି ସେମାନେ ନଥାନ୍ତେ। ସେମାନ ତ କପିଲଙ୍କ ସାଥିରେ ଅଛନ୍ତି। ନୁହେଁ ତ ମୁଁ ନିଶ୍ଚୟ କରିଥାନ୍ତି। ସୁନୀତା ନିଜର କିଛି ରୁଲ୍ସକୁ ନେଇ କହିଛନ୍ତି ଯେ , ଯଦି କିଏ ତାଙ୍କ ସହ ଭୁଲ୍ କରେ ତ ସେ ତା ଠାରୁ ସବୁ ସଂପର୍କ ତୁଟାଇ ଦିଅନ୍ତି। ସୁନୀତା ଏହା ବି କହିଛନ୍ତି, ସେ କ୍ଷମା ମାଗିବାରେ ପଛକୁ ହଟନ୍ତି ନାହିଁ, ଯଦି ଭୁଲ ତାଙ୍କର ଥାଏ। ସେ କହିଛନ୍ତି , ମୁଁ ନିଜର ହିଁ ଭଉଣୀର ଚେହେରା ଗତ ୧୫ ବର୍ଷରୁ ଦେଖି ନାହିଁ। ଯଦି ଥରେ ଘୃଣା ହୋଇଗଲା ତ ସବୁଦିନ ପାଇଁ ଶେଷ।
କହି ରଖୁଛୁ କୁ , ୨୦୧୮ ମସିହାରେ କୃଷ୍ଣା ଓ ଗୋବନ୍ଦାଙ୍କୁ ନେଇ ବିବାଦ ହୋଇଥିଲା। ଯେବେ କଶ୍ମୀରା ଟ୍ୱିଟରରେ ଟ୍ୱିଟ୍ କରିଥିଲେ , ସେ ଲୋକ ଟଙ୍କା ପାଇଁ ନାଚିଥାନ୍ତି। ଏହି ଟ୍ୱିଟ୍ରେ ସୁନୀତା ରାଗି ଯାଇଥିଲେ ଏବଂ ସେ କଶ୍ମୀରାଙ୍କୁ ଏଥିପାଇଁ ଗାଳି କରିଥିଲେ । ଏହାପରେ ଏହି ବିବାଦ ବଢିଥିଲା। ନିକଟରେ ଯେବେ କୃଷ୍ଣାଙ୍କର ଭଉଣୀ ଆରତୀଙ୍କର ବିବାହ ଥିଲା , ସେତେବେଳେ ଗୋବିନ୍ଦା ଓ ତାଙ୍କର ପୁଅ ଯାଇ ଥିଲେ, କିନ୍ତୁ ସୁନୀତା ଯାଇ ନଥିଲେ।