ମୁମ୍ବାଇ ୧୮।୦୯ : ଆଧୁନିକ ଯୁଗରେ ମଧ୍ୟ ସମାଜରେ ଏପରି କିଛି ସମସ୍ୟା ଅଛି ଯାହା ଉପରେ ସମସ୍ତେ କଥାବାର୍ତ୍ତା କରନ୍ତି । ଏହିପରି ଅନେକ ସାମାଜିକ ପ୍ରସଙ୍ଗରେ ଚଳଚ୍ଚିତ୍ର ତାରକାମାନେ ମଧ୍ୟ ପ୍ରତିକ୍ରିୟା ଦେଇଥିବା ବେଳେ ତାରକାଙ୍କ ମଧ୍ୟରେ ଅମିତାଭ ବଚ୍ଚନ ଅନ୍ୟତମ । ସେ ପ୍ରାୟତଃ ସାମାଜିକ ପ୍ରସଙ୍ଗରେ ପ୍ରତିକ୍ରିୟା ଦେଇଥାନ୍ତି । ଏପରି ସମୟରେ ବର୍ତ୍ତମାନ ବିଗ ବି ପରିବେଶ ସୁରକ୍ଷା ଏବଂ ବେଟି ବଚାଓ ଅଭିଯାନ ନେଇ କଥାବାର୍ତ୍ତା କରିଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି ।

ତେବେ ମଙ୍ଗଳବାର ବିଳମ୍ବିତ ରାତିରେ ଅମିତାଭ ବଚ୍ଚନ ତାଙ୍କ ଅଫିସିଆଲ୍ ଏକ୍ସରେ ଏକ ସାମାଜିକ ବାର୍ତ୍ତା ଦେଉଥିବା ଦୁଇଟି ଭିଡିଓ ସେୟାର କରିଛନ୍ତି । ସେଥିରୁ ଏକ ଭିଡିଓରେ ଅମିତାଭ ନିଜେ ମରାଠୀ ଭାଷାରେ କହୁଥିବାର ନଜର ଆସିଛନ୍ତି। ସେଥିର ସେ କହୁଛନ୍ତି ଯେ, ''ମୁଁ ପ୍ରତିଶ୍ରୁତି ନେଉଛି ଯେ ମୁଁ ଅଳିଆ କରିବି ନାହିଁ ।'' ଅର୍ଥାତ୍ ଏହା ମାଧ୍ୟମରେ ସେ ପରିବେଶକୁ ପରିଷ୍କାର ଏବଂ ନିରାପଦ ରଖିବା ପାଇଁ ଲୋକଙ୍କୁ ନିବେଦନ କରିଛନ୍ତି । ସେହିପରି ଦ୍ୱିତୀୟ ଭିଡିଓ ଏକ ପ୍ରସିଦ୍ଧ ବିଜ୍ଞାପନ କମ୍ପାନୀରୁ ଆସିଛି, ଯାହା ବେଟି ବଚାଓ ଅଭିଯାନ ଅଧୀନରେ ପ୍ରସ୍ତୁତ ହୋଇଛି । ଏହି ଭିଡିଓର କ୍ୟାପସନରେ ଅମିତାଭ ବଚ୍ଚନ ଲେଖିଛନ୍ତି, ''କେବଳ ଝିଅ ହୋଇ ଆସ ।'' ଏହି ଭିଡିଓ ମାଧ୍ୟମରେ ସେ ପୁଣିଥରେ ଦେଶର ଲୋକଙ୍କୁ ନିଜ ଝିଅମାନଙ୍କୁ ବଞ୍ଚାଇବା ବିଷୟରେ ଅବଗତ କରାଇଛନ୍ତି । ଯାହାକୁ ଲୋକେ ବେଶ ପସନ୍ଦ କରିଛନ୍ତି । ପ୍ରକାଶ ଥାଉକି, ନିକଟରେ ଅମିତାଭ ବଚ୍ଚନ ସାଉଥ ସୁପରଷ୍ଟାର ପ୍ରଭାସଙ୍କ ସହ 'କଲ୍କି 2898AD' ଫିଲ୍ମରେ ନଜର ଆସିଥିଲେ । ଏହି ଫିଲ୍ମରେ ତାଙ୍କୁ ଅଶ୍ୱତ୍ଥାମା ଭୂମିକାରେ ଅଭିନୟ କରି ସମସ୍ତଙ୍କ ହୃଦୟ ଜିତିଥିଲେ। ସେହିପରି ତାଙ୍କର ଆଗାମୀ ଚଳଚ୍ଚିତ୍ର ଭେଟିୟାନରେ ନଜର ଆସିବେ ।