ନୂଆଦିଲ୍ଲୀ, ୧୯/୯ : ଅରବିନ୍ଦ କେଜରିଓ୍ବାଲ ଦିଲ୍ଲୀର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ଦିଲ୍ଲୀର ଦାୟିତ୍ବ ସେ ଆତିଶୀଙ୍କୁ ଦେଇଛନ୍ତି । କେଜରିଓ୍ବାଲ ଏବେ ଆସନ୍ତାକାଲିଠାରୁ ହରିୟାଣାରେ ଆକ୍ଟିଭ ହେବାକୁ ଯାଉଛନ୍ତି । ହରିୟାଣାରେ ହେବାକୁ ଥିବା ବିଧାନସଭା ନିର୍ବାଚନ ଲାଗି ଶୁକ୍ରବାରଠାରୁ ପ୍ରଚାର ଆରମ୍ଭ କରିବାକୁ ଯାଉଛନ୍ତି । ସେ ୨୦ ସେପ୍ଟେମ୍ବରରୁ ଜନତାଙ୍କ ମଧ୍ୟକୁ ଯିବେ ଏବଂ ଜଗାଧରୀରେ ରୋଡ଼ ଶୋ କରିବେ ।

ସିଏମ୍ ପଦରୁ ଇସ୍ତଫା ଦେବା ପରେ ସେ ପ୍ରଥମ ଥର ଜନତାଙ୍କ ମଧ୍ୟକୁ ଯିବେ । ସେ ହରିୟାଣାରେ ନିର୍ବାଚନ ପ୍ରଚାର ଆରମ୍ଭ କରିବେ । ଅରବିନ୍ଦ କେଜରିଓ୍ବାଲ ଡବବାଲୀ, ରାନୀୟା, ଭିବାନୀ, ମେହମ, ପୁଣ୍ଡରୀ, କଳାୟତ, ରେବାଡ଼ୀ, ଦାଦରୀ, ଅସଂଘ, ବଲ୍ଲଭଗଡ଼ ଏବଂ ବାଦରାରେ ବି ନିର୍ବାଚନ ପ୍ରଚାର କରିବେ ।

ହରିୟାଣାରେ ୫ଅକ୍ଟୋବରରୁ ବିଧାନସଭା ନିର୍ବାଚନ ହେବାକୁ ଯାଉଛି । ଆମ ଆଦମୀ ପାର୍ଟି ସେଠାରେ ନିଜର ଦମ୍ ଉପରେ ମୈଦାନରେ ଓହ୍ଲାଇବାକୁ ଯାଉଛି । ଏଥିଲାଗି ସେ କୌଣସି ପ୍ରକାରର ସୁଯୋଗ ହାତଛଡ଼ା କରିବାକୁ ଚାହୁଁନାହାନ୍ତି । କେଜରିଓ୍ବାଲ ଏବେ ଜେଲରୁ ବାହାରି ଆସିଛନ୍ତି ଏବଂ ଦିଲ୍ଲୀର ଦାୟିତ୍ବରୁ ବି ମୁକ୍ତ ହୋଇସାରିଛନ୍ତି । ଏଭଳିସ୍ଥଳେ ସେ ନିଜ ପୂରା ଧ୍ୟାନ ହରିୟାଣାରେ ଲଗାଇବାକୁ ଚାହିଁଛନ୍ତି । ଦଳର ଅନ୍ୟ ନେତା ଆକ୍ଟିଭ ବି ତ ଅଛନ୍ତି, ସେ ଏବେ ନିଜେ ବି ହରିୟାଣାର କମାଣ୍ଡ ସମ୍ଭାଳିବେ ।

ଆମ ଆଦମୀ ପାର୍ଟି ହରିୟାଣାର ସମସ୍ତ ୯୦ ସିଟରେ ଏକାକୀ ନିର୍ବାଚନ ଲଢୁଛି । ପ୍ରାର୍ଥୀଙ୍କ ଘୋଷଣା ବି ହୋଇସାରିଛି । ଏବେ ଦିଲ୍ଲୀ ଏବଂ ପଞ୍ଜାବ ଭଳି ଜନତାଙ୍କୁ ଆକର୍ଷଣର ପାଳି । ହରିୟାଣାରେ ବି କେଜରିଓ୍ବାଲ କ’ଣ ପଞ୍ଜାବ ଭଳି ଯାଦୁ କରିପାରିବେ, ତାହା ସମୟ କହିବ ।