ନୂଆଦିଲ୍ଲୀ,୧୯।୯:ଆଗାମୀ ଦିନରେ ଭାରତରେ ହୋଇପାରେ ବଡ଼ ଧରଣର ଆତଙ୍କୀ ହମଲା। ଏଭଳି ଏକ ଚେତାବନୀ ଦେଇଛି ଆତଙ୍କବାଦୀ ନିରୋଧି ବିଶ୍ବ ସଂଗଠନ FATF । ଏହି ଚେତାବନୀ ଅନୁସାରେ, ଭାରତ ଉପରେ ଇସଲାମିକ୍ ଷ୍ଟେଟ୍ ଅଫ୍ ଇରାକ୍ ଆଣ୍ଡ ଦ ଲେଭେଣ୍ଟ(ISIL) ବା ଅଲ୍-କାଏଦା ସହ ଜଡିତ ଗୋଷ୍ଠୀ ଜମ୍ମୁ-କଶ୍ମୀରରେ ଖୁବ୍ ସକ୍ରିୟ ରହିଛି। ସେଠାରେ ବିଧାନସଭା ନିର୍ବାଚନ ଚାଲିଥିବା ବେଳେ ଆତଙ୍କବାଦୀମାନେ ଜମ୍ମୁ-କଶ୍ମୀରରେ ନିର୍ବାଚନକୁ ମଧ୍ୟ ପ୍ରଭାବିତ କରିବାର ଷଡଯନ୍ତ୍ର କରୁଛନ୍ତି।
ସବୁଠାରୁ ଖାସ୍ କଥା ଏହା ଯେ, FATF ମନି ଲଣ୍ଡରିଂ ଓ ଆତଙ୍କୀ ଫଣ୍ଡିଂ ଗତିବିଧିକୁ ରୋକିବା ଓ ତାଙ୍କ ବିରୋଧରେ ଉଠାଯାଉଥିବା ଆକ୍ସନକୁ ନେଇ ଭାରତ ସରକାରଙ୍କ ଦ୍ବାରା ଉଠାଯାଇଥିବା ପଦକ୍ଷେପକୁ ପ୍ରଶଂସା କରିଛି। FATF ମନି ଲଣ୍ଡରିଂ ଓ ଆତଙ୍କବାଦୀଙ୍କୁ ଆର୍ଥିକ ସହାୟତା ରୋକିବା ନେଇ ଭାରତ ଯେଉଁ ପଦକ୍ଷେପ ନେଇଛି ତାହା ଖୁବ୍ ପ୍ରଶଂସନୀୟ। ତଥାପି ଆହୁରି ସୁଧାରର ଆବଶ୍ୟକତା ରହିଛି। ଭାରତରେ ମନି ଲଣ୍ଡରିଂ ମାମଲାରେ ସମ୍ବିଧାନିକ ସୀମା ରହିଛି। ଭାରତର କୋର୍ଟରେ ମାମଲା ବର୍ଷ ବର୍ଷ ଧରି ଚାଲିଥାଏ।ଇଡି ୫ ବର୍ଷରେ ପ୍ରାୟ ୧୦ ବିଲିୟନ ଡଲାର ସମ୍ପତ୍ତି ଜବତ କରିଛି, କିନ୍ତୁ କୋର୍ଟ କେସ୍ର ସମାଧାନ ଓ ସଜା ମିଳିବା ପରେ ଏହି ରାଶି ୫ ମିଲିୟନ ଡଲାରରୁ ମଧ୍ୟ କମ୍ ରହିଛି। ଭାରତ ଏହି ପ୍ରସଙ୍ଗକୁ ଅଧିକ ଧ୍ୟାନ ଦେବା ଦରକାର ,କାରଣ ଏହାଦ୍ବାରା ଆତଙ୍କୀଙ୍କ ଆର୍ଥିକ ପୋଷଣ ବିରୋଧରେ ଆମର ଲଢେଇ ଖୁବ୍ ଦୁର୍ବଳ ହୋଇଯିବ।
ବିଶ୍ବ ସଂଗଠନ FATF ନିଜ ରିପୋର୍ଟରେ କହିଛି, ଭାରତର ପୂର୍ବତ୍ତୋର ଓ ଉତ୍ତର ଅଞଚଳରେ ଆଞ୍ଚଳିକ ବିଦ୍ରୋ ଓ ଅନ୍ୟ ଭାରତ ବିରୋଧି ସଂଗଠନ ଳଗାତାର ସରକାରଙ୍କ ବିରୋଧରେ ଷଡଯନ୍ତ୍ର କରୁଛନ୍ତି। ଭାରତ ଏସବୁର ମୁକାବିଲା କରିବା ପାଇଁ ଏଫ୍ଟିଏଫ୍ ଦ୍ବାରା ଦିଆଯାଇଥିବା ୪୦ଟି ପାରାମିଟରକୁ ଗ୍ରହଣ କରିଛି। ଆତଙ୍କ ବିରୋଧି ଏହି ଅଭିଯାନରେ ଆଗକୁ ବଢିବା ପାଇଁ ଭାରତକୁ ଏହି ସବୁ ପାରାମିଟରକୁ ନେଇ ଆଗକୁ ବଢିବା ଦରକାର।
