ନୂଆଦିଲ୍ଲୀ, ୧୯/୯ : ସାଉଥ ସୁପରଷ୍ଟାର ନାଗାର୍ଜୁନଙ୍କ ଲକ୍ଷାଧିକ ଫ୍ୟାନ୍ସ ତାଙ୍କ ଅପକମିଂ ଫିଲ୍ମକୁ ବହୁ ଅପେକ୍ଷା କରିଛନ୍ତି । ନାଗାର୍ଜୁନଙ୍କ ଫିଲ୍ମ କୁଲୀ ରିଲିଜ ହେବାକୁ ଅଛି । ନାଁ ଏହି ଫିଲ୍ମର ଟିଜର ଆସିଛି ନାଁ ଟ୍ରେଲର ମାତ୍ର ରିଲିଜ ପୂବରୁ ଫିଲ୍ମ ମେକର୍ସଙ୍କ ଲାଗି ଏକ ବଡ଼ ଝଟକା ଲାଗିଛି । ଯେଉଁଥିରେ କୁହାଯାଇଛି କି ଫିଲ୍ମର ଏକ ମୁଖ୍ୟ ସିନ୍ ଅନଲାଇନ୍ ଲିକ୍ ହୋଇଯାଇଛି । ଏବେ ଏହି ମାମଲାକୁ ନେଇ ଫିଲ୍ମର ନିର୍ଦ୍ଦେଶକ ଲୋକେଶ କନଗରାଜ ନିଜ ଦୁଃଖ ସେୟାର କରିଛନ୍ତି ।
ନାଗାର୍ଜୁନଙ୍କ ଏହି ଫିଲ୍ମ ୨୦୨୫ରେ ରିଲିଜ ହେବାକୁ ଯାଉଛି । କୁହାଯାଉଛି କି ନୂଆ ବର୍ଷରେ ଏହି ଫିଲ୍ମକୁ ରିଲିଜ କରାଯିବ । ମାତ୍ର ଫିଲ୍ମର ରିଲିଜ ପୂର୍ବରୁ ନାଗାର୍ଜୁନଙ୍କ ଏକ ସିନ୍ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । କୁହାଯାଉଛି କି ଏହାକୁ ଲିକ୍ କରି ଭାଇରାଲ କରାଯାଉଛି । ଯାହା ଉପରେ ଏବେ ନିର୍ଦ୍ଦେଶକ ଲୋକେଶ ଦୁଃଖ ପ୍ରକାଶ କରିଛନ୍ତି ଏବଂ ଲୋକମାନଙ୍କୁ କହିଛନ୍ତି କି ସେ ଏହି ପ୍ରକାର ଜିନିଷରେ ସାମିଲ ହୁ୍ଅନ୍ତୁ ନାହିଁ ।
ଭାଇରାଲ ହୋଇଥିବା ଭିଡ଼ିଓରେ ନାଗାର୍ଜୁନ ଏକ ସଫା ରଙ୍ଗର ସୁଟ୍ ପିନ୍ଧି ଜଣେ ବ୍ୟକ୍ତିଙ୍କୁ ମାରୁଥିବା ଦେଖାଯାଉଛି । ଏହାସହ ଏକ କ୍ଲିପ୍ ଆହୁରି ଅଛି ଯେଉଁଥିରେ ନାଗାର୍ଜୁନ ଏକ ସିନ୍ କରୁଥିବା ଦେଖାଯାଉଛି । କୁହାଯାଉଛି କି ଏହି କ୍ଲିପ ଫିଲ୍ମର ଜଣେ କ୍ରୁ ମେମ୍ବର ରେକର୍ଡ଼ କରିଥିଲେ ଏବଂ ତାକୁ ସୋସିଆଲ ମିଡ଼ିଆରେ ପହଞ୍ଚିବାକୁ ସମୟ ଲାଗିନାହିଁ । ଏହି ଫିଲ୍ମରେ ନାଗାର୍ଜୁନଙ୍କ ବ୍ୟତୀତ ସୁପରଷ୍ଟାର ରଜନୀକାନ୍ତ ମୁଖ୍ୟ ଭୂମିକାରେ ଅଛନ୍ତି । ଫିଲ୍ମର ପୋଷ୍ଟର ଦୁଇ ସେପ୍ଟେମ୍ବରରେ ରିଲିଜ କରାଯାଇଥିଲା । ନିଜେ ଲୋକେଶ କନଗରାଜ ପୋଷ୍ଟରକୁ ଏକ୍ସରେ ସେୟାର କରିଥିଲେ ଏବଂ ଲେଖିଥିଲେ କି ‘ସୁପରଷ୍ଟାର ରଜନୀକାନ୍ତ ସାର୍ କୁଲୀରେ ଦେବା ରୂପରେ ନଜର ଆସୁଛନ୍ତି । ରଜନୀକାନ୍ତ ସାର୍, ଆପଣଙ୍କୁ ବହୁତ ଧନ୍ୟବାଦ... ଏହା ଏକ ଧମାକାଦାର ଫିଲ୍ମ ହେବ ।’