ମୁମ୍ୱାଇ : ସୈଫ୍ ଅଲ୍ଲୀ ଖାନଙ୍କ ଭଉଣୀ ସୋହା ଅଲ୍ଲୀ ଖାନଙ୍କର ଆଜି କୌଣସି ପରିଚୟର ଆବଶ୍ୟକତା ନାହିଁ। ଗତ କିଛି ଦିନ ହେବ ଯଦିଓ ଅଭିନେତ୍ରୀ ଫିଲ୍ମ ଇଣ୍ଡଷ୍ଟ୍ରୀ ଠାରୁ ଦୂରେଇ ଯାଇଛନ୍ତି , କିନ୍ତୁ ଏବେ ସେ ଖୁବ୍ ଶୀଘ୍ର ଦମଦାର କମବ୍ୟାକ୍ ପାଇଁ ପ୍ରସ୍ତୁତି କରୁଛନ୍ତି। ଏବେ ନିକଟରେ ଅଭିନେତ୍ରୀ ସୋହା ଅଲ୍ଲୀ ଖାନ ପଟୌଦୀ ପ୍ୟାଲେସ୍ ବିଷୟରେ ବଡ଼ ଖୁଲାସା କରିଛନ୍ତି।
ଅଭିନେତ୍ରୀ ସୋହା ଅଲ୍ଲୀ ଖାନ ନିକଟରେ ନିଜ ପରିବାରର ରାଜକୀୟ ଐତିହ୍ୟ ଓ ତାଙ୍କର ଐତିହାସିକ ଘର ,ପଟୋଦୀ ପ୍ୟାଲେସ୍ ବିଷୟରେ ସୂଚନା ଦେଇଛନ୍ତି। ଯାହାର ଦାୟିତ୍ୱ ମୁଖ୍ୟ ରୂପେ ତାଙ୍କର ଭାଇ ସୈଫ୍ ଅଲ୍ଲୀ ଖାନ କରିଥାନ୍ତି। ସେ ଏହି କଥାକୁ ସ୍ପଷ୍ଟ କରିଛିନ୍ତି ଯେ, ମହଲକୁ ରଙ୍ଗ କରିବା ପରିବର୍ତ୍ତେ ସ ତାଙ୍କର ଭାଇ (ସୈଫ୍) ଖର୍ଚ୍ଚ କମାଇବାକୁ ଧଳ ରଙ୍ଗରେ ରଙ୍ଗେଇଛନ୍ତି।
ହାଇସିଂ ଡଟ୍ କମ୍ ୟୁଟ୍ୟୁବ୍ ଚ୍ୟାନେଲ୍ରେ ସାଇରସ୍ ବ୍ରୋଚାଙ୍କ ସହ ଏକ ସାକ୍ଷାତକାରରେ , ସୋହା କହିଛନ୍ତି , ତାଙ୍କର ମାଆ ଶର୍ମିଳା ଟାଗୋର ଘରର ହିସାବ କିତାବର ତଦାରଖ କରନ୍ତି ଏବଂ ସବୁ କିଛି ଠିକ୍ ଠାକ୍ ଥିବାର ଜଣାଇଥାନ୍ତି।
ହିନ୍ଦୁସ୍ତାନ ଟାଇମ୍ସ ଡଟ୍ କମ୍ ଅନୁସାରେ , ପଟୌଦୀ ପ୍ୟାଲେସ୍ ବର୍ତ୍ତମାନ ସୈଫ୍ଙ୍କ ମାଲିକାନାରେ ରହିଛି। ସେ ଅଭିନେତ୍ରୀ କରୀନା କପୁରଙ୍କୁ ବିବାହ କରିଛନ୍ତି। ଏହା ତାଙ୍କ ପୂର୍ବରୁ ତାଙ୍କ ପିତା ଦିବଙ୍ଗତ କ୍ରିକେଟର ମନସୁର ଅଲ୍ଲୀ ଖାନଙ୍କର ଥିଲା। ହେଲେ ଏକ ହୋଟେଲ କମ୍ପାନୀ ଦ୍ୱାରା ସଂପତ୍ତିକୁ କବଜା କରିବା ପରେ , ସୈଫ୍ ଏହାକୁ ନିଜର ଟଙ୍କାରେ ପୁଣି କିଣିବାକୁ ନିଷ୍ପତ୍ତି ନେଲେ। ଏହାର ନିର୍ମାଣ ସୈଫ୍ଙ୍କ ଜେଜେ ବାପା ପଟୌଦୀ ନବାବ , ଇଫିତଖାର ଅଲ୍ଲୀ ଖାନ ପଟୌଦୀ କରାଇ ଥିଲେ। ବର୍ତ୍ତମାନ ସୈଫଙ୍କ ମାଆ ଅଭିନେତ୍ରୀ ଶର୍ମିଳା ଟାଗୋର ସେଠାରେ ରହୁଛନ୍ତି।
ଏହି ପ୍ୟାଲେସ୍କୁ ଇବ୍ରାହିମ କୋଠି ନାମରେ ମଧ୍ୟ ଜଣାଯାଏ ଏବଂ ଏହା ହରିଆଣାର ଗୁଡଗାଓଁ ଜିଲ୍ଲାର ପଟୌଦୀ ସହରରେ ରହିଛି। ଏହି ମହଲ ନିଜର ରାଜକୀୟ ଓ ଆକର୍ଷଣୀୟ ଆଭନ୍ତରୀଣ ସାଜସଜ୍ଜା ନେଇ ଖୁବ୍ ଜଣାଶୁଣା। ଏହା ୧୦ ଏକରରେ ପ୍ରସାରିତ । ଏଥିରେ ୧୫୦ଟି କୋଠରୀ , ଯେଉଁଥିରେ ୭ଟି ଡ୍ରେସିଂ ରୁମ୍ , ୭ ବେଡରୁମ୍ , ୭ ବିଲିୟର୍ଡ ରୁମ୍ , ଏହାସହ ସୌନ୍ଦର୍ଯ୍ୟ ପୂର୍ଣ୍ଣ ଡ୍ରଇଁ ରୁମ୍ ଓ ଡାଇନିଂ ରୁମ୍ ସାମିଲ ଅଛି।
ପରିବାର ସଦସ୍ୟ ଏବେ ଏହାକୁ ଛୁଟି ସମୟରେ ଘର ଭାବେ ବ୍ୟବହାର କରନ୍ତି । ଫିଲ୍ମ ନିର୍ମାଣ ପାଇଁ ଏହାକୁ ସୁଟିଂ ପାଇଁ ଭଡ଼ାରେ ଦେଇଥାଏ। ନିକଟରେ ଆସିଥିବା ଫିଲ୍ମ ଆନିମଲ ଓ ସୈଫ୍ଙ୍କ ନିଜର ଷ୍ଟ୍ରିମିଂ ସିରିଜ ତାଣ୍ଡବକୁ ଏହି ପ୍ରତିଷ୍ଠାନର ସ୍ଥାନରେ ସୁଟିଂ କରାଯାଇ ଥିଲା।
