ନୂଆଦିଲ୍ଲୀ: ଦୀର୍ଘ ୧୮ ଘଣ୍ଟାର ଅପରସେନ୍ ପରେ ବୋରଓ୍ୱେଲରୁ ଉଦ୍ଧାର ହେଲା ଅଢ଼େଇ ବର୍ଷର କୁନି ଝିଅ । ଶେଷରେ ଜୀବନ ଜିତିଲା ଏବଂ ଏନଡିଆରଏଫ ଏବଂ ପୋଲିସର ଅକ୍ଳାନ୍ତ ପରିଶ୍ରମ ସଫଳ ହେଲା । ରାଜସ୍ଥାନର ଦୌସାରେ ୩୬ ଫୁଟ ବୋରଓ୍ୱେଲ ଭିତରକୁ ଖସିପଡିଥିବା କୁନି ଝିଅ ନୀରୁ ଗୁର୍ଜାରକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ୧୮ ଘଣ୍ଟାର ଅପରେସନ୍ ପରେ ଏହି ସଫଳତା ମିଳିଛି ।
ବୁଧବାର ଅଢ଼େଇ ବର୍ଷର କୁନି ଝିଅ ନୀରୁ ଘର ପାଖରେ ଖେଳୁଥିବା ବେଳେ ବୋରଓ୍ୱେଲ ଭିତରକୁ ଖସି ପଡିଥିଲା । ପରେ ପରିବାର ଲୋକେ ବହୁ ଖୋଜାଖୋଜି କରିବା ପରେ ଝିଅଟି ବୋରଓ୍ୱେଲରେ ଖସିପଡିଥିବା ଜାଣିବାକୁ ପାଇଥିଲେ । ଏହାପରେ ଖବର ପାଇ ପ୍ରଶାସନ, ଏସ୍ଡିଆରଏଫ ଓ ଏନ୍ଡିଆରଏଫ୍ ଟିମ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବୋରୱେଲ ନିକଟରେ ୩୬ ଫୁଟ ଗଭୀର ଗାତ ଖୋଳା ଯାଇଥିଲା ।
#UPDATE | After around 18 hours, the two-and-a-half-year-old girl who fell into a borewell rescued safely and admitted to a hospital. https://t.co/eIlO0TifVC
— ANI MP/CG/Rajasthan (@ANI_MP_CG_RJ) September 19, 2024
ଉଦ୍ଧାର ପାଇଁ ଗୋଟିଏ ୩ଟି ଜେସିବି ଏବଂ ଦୁଇଟି ଟ୍ରାକ୍ଟରର ସାହାଯ୍ୟ ନିଆଯାଇଥିଲା। ପାଇପର ୨୦ ଫୁଟ ଟନେଲ୍ ନିର୍ମାଣ କରାଯାଇଥିଲା । ଏଥିସହ ଶିଶୁଟିର ଗତିବିଧି ଦେଖିବା ପାଇଁ ଏକ କ୍ୟାମେରା ମଧ୍ୟ ଭିତରକୁ ଛଡା ଯାଇଥିଲା । ଶେଷରେ ଦୀର୍ଘ ୧୮ ଘଣ୍ଟାର ଅପରେସନ୍ ପରେ ଶିଶୁଟିକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ସ୍ୱାସ୍ଥ୍ୟ ପରୀକ୍ଷା ଯାଞ୍ଚ ପାଇଁ ତାକୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ତେବେ ବୁଧବାର ଦିନ ଶିଶୁଟି ବୋରଓ୍ବେଲରେ ଖସିପଡ଼ିଥିବା ନେଇ ଖବର ପାଇବା ପରେ ଦୌସାର ଜିଲ୍ଲାପାଳ ଦେବେନ୍ଦ୍ର କୁମାର, ଏସପି ରଞ୍ଜିତା ଶର୍ମାଙ୍କ ସମେତ ଜଳ ଯୋଗାଣ ଅଧିକାରୀ ଏବଂ ସ୍ଥାନୀୟ ସରକାରୀ ଅଧିକାରୀ ଘଟଣାସ୍ଥଳରେ ପହଞ୍ଚି ସ୍ଥିତି ପରଖିଥିଲେ । ଶିଶୁଟି ସୁରକ୍ଷିତ ଉଦ୍ଧାର ହୋଇଯିବା ପରେ ସ୍ଥାନୀୟ ପ୍ରଶାସନକୁ ସବୁଆଡ଼ୁ ପ୍ରଶଂସାର ସୁଅ ଛୁଟିଛି ।
